Eins og í ævintýri

Enn einn sumardagurinn fyrsti er að renna upp.

Vorið kemur á þriðjudaginn segir Mogginn.

Ég held að þetta "vor" sem er á almanakinu sé óskhyggja en ekki raunveruleiki.

Ég man eftir sjálfri mér í skrúðgöngu á sumardaginn fyrsta, í sportsokkum og kjól og mér var svo kalt að minningin síast enn inn í hryggsúluna og ég skelf úr kulda.

Einhvers staðar verður vorið formlega að hefjast, ég veit það, en þetta er samt absúrd dæmi.  Nú eru enn snjóleifar hér við húsið á átakasvæðinu, það er urrandi kalt við opinn gluggann og með besta vilja finn ég ekki vor í lofti.  En að fenginn reynslu þá leyfi ég mér að fagna vorinu því ég veit að allt í einu er það mætt.  Vips.. eins og í ævintýri.

Þess vegna er ég farin að taka svalirnar í gegn.  Ég þarf að komast að grillinu auðvitað, fyrir dóti. 

Annars er þetta með grillið efni í aðra færslu.

Sko hvernig ég skipti um skoðun með útigrill, frá því að elska grillaðan mat og yfir í að finnast allur matur af grilli alveg eins á bragðið.

Vorverkin bíða.

Lofjúgúddpípúl.

Úje 

Vorið kemur á þriðjudag

Athugasemdir

[Jóna Á. Gísladóttir, 12.4.2008 kl. 13:43]

haha enn einn sumardagurinn fyrsti. Það eru orð að sönnu. Einn af þjónustuaðilinum okkar í Danmörku (Dani) á móður sem er að túristast á Íslandi þessa dagana. Hann sagði að hann fengi fréttir frá henni af sólskini og blíðviðri annað hvern dag og svo snjókomu hinn daginn. Þeim þykir þetta ansi skrítið.

[Jenný Anna Baldursdóttir, 12.4.2008 kl. 13:59]

Hehe, Jónsí mín, við fáum amk auka frídag út á þennan sumarbyrjunardag.  Hm.. á að grilla? Muhahahaha

[Hugarfluga, 12.4.2008 kl. 14:22]

Er sumarið kom yfir sæinn var ég í gammosíum með eyrnaskjól og sautjándajúnífána og rellu í vettlingaklæddum höndunum.

[Marta B Helgadóttir, 12.4.2008 kl. 22:03]

Sótti grillið niður í geymslu í dag. Veit ekki til hvers, nenni aldrei að grilla nema þegar sonur kemur heim í skólafríum. 

[Jenný Anna Baldursdóttir, 13.4.2008 kl. 00:21]

Marta: Mér finnst þetta orðið svo lítið spennandi.  Sérstaklega á gasinu.  Á meðan ég átti kolagrill var þetta mun skemmtiegra.

Hugafluga: Þú ert og hefur verið dúlla.

Hallgerður: Segðu.