Skammastín Hannes!!

"Skammastín Hannes að stela frá honum Laxness.  Skamm, skamm, skamm. "

"Ef þú gerir þetta einu sinni enn, þá færðu sko áminningu karlinn minn".

"Svo skaltu hunskast upp í RÚV og fara þangað í tilfinningahlaðið drottningarviðtal, vera smá sorrí, en samt smá kjaftfor.  Það ætti að róa liðið".

Ætli þetta hafi hljómað svona upp í HÍ þegar rektor veitti Hannesi EKKI áminningu?

Svo fékk hann heillangt drottningarviðtal í Kastljósinu eins og flestir hafa séð.  Þar hélt hann langa varnarræðu um sjálfan sig, á prime time.

Hehemm, eruð þið ekki að djóka í mér?

ARG 

 

Átelur vinnubrögð Hannesar

Athugasemdir

[Anna Ólafsdóttir (anno) (IP-tala skráð) 4.4.2008 kl. 00:12]

Var að hlusta á þetta núna rétt áðan, djísöss hvernig erðetta hægt???? Ég skilur ekki!!!

[Eyrún Gísladóttir, 4.4.2008 kl. 00:15]

þetta er bara svona í okkar litla landi sumum leyfist allt en öðrum ekki , það er ekki sama að vera jón eða séra jón.

[María Kristjánsdóttir, 4.4.2008 kl. 00:25]

Skamm, skamm sagði mamma, En ekki fór hann í skammarkrókinn. Og ekki datt honum í hug að segja af sér. Ég finn engin orð lengur til að lýsa þessu samfélagi!

[Þorlákur (IP-tala skráð) 4.4.2008 kl. 00:31]

Slepptir þú því alveg að horfa á þáttinn? Þú segir að Hannes hafi haldið langa varnarræðu í Kastljósinu. Hann kom þarna fram og baðst auðmjúklega afsökunar og viðurkenndi fúslega að hafa haft rangt við. Hann sagðist að sjálfsögðu muna borga ekkju Halldórs Guðjónssonar þær skaðabætur sem henni voru dæmdar og sagðist vera sammála dómnum. Hann sagðist ekki hafa skrifað bókina í þeim tilgangi að gera nokkrum illt, hann sæi mikið eftir þeim mistökum sem hann gerði og að hann muni gefa bókina aftur út í leiðréttri útgáfu. Þetta kom allt skýrt og skilmerkilega fram í viðtalinu.

Er þetta ekki nóg fyrir þig? Hvað viltu meira? Á að rýja mannin inn að beini bara af því að þú ert ósammála stjórnmálaskoðunum hans?

Og svo ég víki aðeins að seinni hluta viðtals Hannesar; þó að ég sé ekki sammála öllum stjórnmálaskoðunum Hannesar þá vorkenni ég manninum. Hann skuldar nú 30 milljónir í lögfræðikostnað vegna þess að íslenskur auðmaður hefur sótt að honum í Bretlandi. Hannes er enginn ofurlaunamaður, hann er bara venjulegur launþegi. Hann hefur neyðst til þess að selja húsið sitt og taka bankalán til þess að standa straum að lögfræðikostnaðnum.

En þrátt fyrir allt þetta eru alltaf einhverjir eins og þú, þórðarglatt fólk sem hlakkar yfir öllum hans óförum. Verði ykkur bara að góðu. Vonandi líður þér vel með sjálfa þig.

[Þórhildur (IP-tala skráð) 4.4.2008 kl. 00:47]

Sammála Þorláki. Svo kom nú líka fram í viðtalinu við Hannes að hann er ekki sekur um ritstuld en ég vænti að það sé stuldurinn sem þú vísar til Jenný. Ritstuldur er að eigna sér hugverk annarra eins og þau væru eftir mann sjálfan og það gerði Hannes ekki. Hann leyndi því ekki hvaðan textinn var tekinn og gerði hann ekki að sínum eigin.

[Jenný Anna Baldursdóttir, 4.4.2008 kl. 00:48]

Þorlákur, þetta hefur ekkert með þórðargleði að gera.  Hannes hefur sjálfur tekið fullan þátt í stríði við t.d. Jón Ólafsson og mér finnst það ekki eiga erindi til almennings að yfirdráttarheimildin sé í botni o.þ.h.

Hvað varðar ritstuldarmálið þá baðst hann afsökunar og réttlætti sig til skiptis.  Ég gat ekki séð að hann væri neitt sérstaklega sorrí.  Þó hann segði það reglulega.

Og mér fannst þetta drottningarviðtal, vegna þess að hann hélt orðinu nánast allan tímann og réði ferðinni.

Þannig er nú það.

[Jenný Anna Baldursdóttir, 4.4.2008 kl. 00:52]

Auðvitað eru skiptar skoðanir um þetta.  Það er hið besta mál.  En að ætla mér að ég sé að gleðjast yfir "óvförum" Hannesar, sem hann hefur reyndar ásamkað sér sjálfur, er af og frá.

[Lilja Guðrún Þorvaldsdóttir, 4.4.2008 kl. 01:00]

Var að horfa á Kastljós núna í endursýningu, hvað ætli drottningarviðtölin við Hannes Hólmstein séu orðin mörg um þessi mál? - Og hann gefur sig ekki, hann missti sig a.m.k. þrisvar, og datt út úr helgislepjunni.  -  Alveg er þetta með eindæmum, hvernig maðurinn lætur, út í nóbelsskáldið og hans fjölskyldu.  Og virðingarleysi hans gagnvart ritverkum skáldsins, og fleiri rithöfunda.  Og hvaða blábjáni sem er gat séð  í gegnum þetta drottningar viðtal m.a.s. ég gat það.

   Svo gleymdi HH bara að segja frá því að Jón Ólafsson hafi a.m.k. tvisvar boðið honum sættir, ef hann bara tæki þessi skrif sín um hann af netinu.  Afhverju skyldi HH ekki hafa minnst á það. 

[Jenný Anna Baldursdóttir, 4.4.2008 kl. 01:02]

Já Lilja Guðrún, ég er þér algjörlega sammála.  Og auðvitað kallast þetta drottningarviðtal þegar maðurinn rausar viðstöðulaust og mér sýndist nú reyndar ekkert ganga að stoppa hann.

Jesús Pétur.

[Tiger, 4.4.2008 kl. 01:17]

Mér finnst einmitt Hannes H Gissurar vera alger Primadonna. Ég er viss um að Davíð Oddson kippti í spotta svo honum yrði ekki vikið úr HI. Er þetta bara ekki fordæmisgefandi núna? Ef kennari - tala nú ekki um - Prófessor - kemst upp með að gera verk annarra að sínum - mega þá ekki nemendur gera slíkt hið sama og hljóta bara smá skammarbréf að launum en ekki brottvikningu? Nú heimta ég að nemendur HI geti stolið verkum annarra án þess að eiga það á hættu að vera sendir heim í ónáð. Nú er lag nemendur - farið að ráði Prófessora ykkar, rænið verkum annarra og gerið þau að ykkar! Þið fáið bara smá ákúrur í hattinn en svo er málið látið falla niður.

Mér finnst vera smá Sjálftstæðisþefur af þessu og gruna ýmislegt misjaft af hendi þeirra sem læðast um á bakvið tjöldin í þjóðfélaginu.

[Þorlákur (IP-tala skráð) 4.4.2008 kl. 01:37]

Auðvitað er þetta ekkert annað en þórðargleði. Þórðargleði fólks sem stundar nú einhvers konar ömurlegt form nútímanornaveiða. Ef það hefði verið Stefán Ólafsson sem hefði ritað ævisögu Halldórs á þenna hátt hefði ekki heyrst múkk frá þér né öðrum. Öllum hefði verið sama.

Staðreyndin er sú að vinstrimenn og fyrrum kommar hafa verið bitrir út í Hannes eins lengi og ég man eftir mér. Sérstaklega frá falli Sovétríkjana, þegar endanlega sannaðist að það var Hannes sem hafði rétt fyrir sér en kommarnir rangt. Og núna þegar Ísland er fjórða ríkasta land í heimi og það efsta á lista Human development index yfir þróaðar þjóðir hefur endanlega sannast hversu vel sú frjálshyggjustefna sem Hannes ásamt öðrum hefur boðað hefur reynst fyrir íslensku þjóðina. Hannes stendur uppi eins og eins konar sigurvegari og þetta hefur vinstriliðið aldrei þolað.

Þegar að Hannes gaf út fyrsta bindi ævisögu Halldórs var ég sammála þeim sem sögðu að hann hafi ekki vandað nógu vel til verka. Og mér geðjaðist ekkert sérstaklega vel að því þegar Hannes reyndi að verja gerðir sínar. En nú viðurkennir maðurinn að hann hafi haft rangt fyrir sér og að hann hafi ekki vandað nógu vel til verka. Hann er maður að meiri fyrir það. En það er ekki nóg fyrir fólk eins og þig því "hann leit ekki út fyrir að vera nógu sorrí í viðtalinu."

Hvað finnst þér þá að hann hefði átt að gera? Mæta grátandi í viðtalið? Það er eins og þú sért að reyna að tala þig út í að hata hann sem mest; "hann er svo illur maður að hann hlítur að vera að ljúga! auðvitað er honum alveg sama um allt og alla!" Í þínum hugarheimi er það greinilega ómögulegt að Hannes sjái raunverulega eftir því að hafa fellt texta Halldórs Guðjónssonar að sínum.

Það hvernig kistan og aðrir hafa svo níðst á Hannesi á síðustu dögum er hreinn og beinn viðbjóður.

Svo ég víki aðeins að þessari skringilegu athugasemd þinni um drottningaviðtal, hvernig hefðir þú viljað hafa þetta? Það var algjörlega ómögulegt að búa til nokkurs konar debat úr þessu. Hannes viðurkenndi einfaldlega að hann hefði rangt fyrir sér. Hvað hefði andmælandi hans átt að segja? "Nei Hannes, þú hefur rétt fyrir þér!" Eða eitthvað annað?

Lilja Guðrún, ef ég man rétt þá bauð Jón Ólafsson Hannesi að taka sáttum gegn því skilyrði að Hannes bæðist afsökunar, borgaði sér málskostnað lögfræðinga sinna og þær skaðabætur sem Hannesi var dæmdur til að greiða á lægsta dómstigi. Þetta voru tugir milljóna. Miklar sættir það.

[Jens Guð, 4.4.2008 kl. 02:00]

  Hannes Hólmsteinn lenti óviljandi í því óláni að skrifa bók sem aðrir höfðu skrifað.  Óheppnari getur láglauna ríkisrekinn "frjálshyggjumaður" varla orðið.  Ég styð kröfu Sigga Þórðar www.siggith.blog.is um að Hannes fái frítt í sund og strætó.  Ekki síst með tilliti til þess að Hannesi varð það einnig á að birta á ensku á heimasíðu Háskólans fullyrðingu um að Jón Ólafs,  fyrrum bakhjarl Davíðs Oddssonar til borgarstjórnar í Reykjavík,  hafi efnast á dópsölu.  Fyrir hláleg mistök festist þessi fullyrðing inn á heimasíðunni í stað þess að vera fjarlægð áður en hún skaðaði viðskiptahagsmuni Jóns Ólafs í Englandi á sama tíma og Jón var hrakinn úr Sjálfstæðisflokknum - og að sögn Hannesar - tók upp á því klúðri að veðja á R-listann í Reykjavík. 

[Tiger, 4.4.2008 kl. 04:00]

Svei mér þá ef Hannes Hólmsteinn Gissurar er ekki bara að skrifa þarna á fullu á bakvið óskráðan Þorlák nokkurn. Óbjóður eða ekki, ekkert slíkt hefði komið upp ef sá sem á upphafið hefði ekki byrjað á því að stela og skrumskæla því sem hann ekki átti til að byrja með - það var fyrsti óbjóðurinn í þessu máli...

það að mæta með hvolpaaugu og lafandi skottið á milli fótanna - í einkaviðtal á besta tíma - gerir ekki ritþjóf ekki að minni ritþjóf. Hannes hefði getað stoppað þennan skrípaleik strax ef hann hefði verið maður til þess - en nei - hroki og yfirlæti ásamt slatta af brenglun sáu til þess að hann óð bara yfir allt sem hét sættir. Hann getur sjálfum sér um kennt allur óbjóðurinn sem flýgur um allt honum til heiðurs.

Málið er bara að hann er fastur úti í horni með millur á bakinu vegna eigin vandamála og eigin mistaka, honum hefur örugglega verið ráðlagt að koma fram strax með hvolpaaugun og ímyndaða iðrun í farteskinu til að reyna að bjarga því litla sem þegar er dautt hjá honum. Best er að hamra á því með iðrun og vona að gamalmenni og öryrkjar í landinu vorkenni honum nógu mikið til að veita honum aðstoð í mynd fjár til að borga dóma af bakinu svo ekki brotni greyið.

Hann á að taka poka sinn og hatt og hundskast úr embætti Prófessors.. honum varð illilega á og á að Axla ábyrgð - en líkt og almennt sjálfstæðismenn yfir höfuð - skilur hann ekki hvað ábyrgð er - hvað þá að hann Axli slíkan hlut.

[Lilja G. Bolladóttir, 4.4.2008 kl. 05:02]

Nei, Hannes býr við það gullæði, að Sjálfstæðisflokkurinn verndar hann alltaf og passar upp á hann..... enda "ól" hann marga þeirra upp sjálfur við kennslu í Verzlunarskólanum, þar sem alkunna var, að það þurfti ekki próf til að útskrifast úr hans kúrsi.

Ekki skal ég dæma Hannes sem persónu, enda þekki ég hann ekki neitt, en sem opinber persóna finnst mér hann virka falskur - hann segir það sem hann heldur að sé rétt að segja í hverjum aðstæðum.

Punktur.

[Elfa (IP-tala skráð) 4.4.2008 kl. 06:14]

Hannes hefur verid ad andskotast út í Jón Ólafsson og Halldór Laxness í áratugi.  Hannes hefur hreinlega verid med tessa menn á heilanum. Hann hefur notad hvert tækifæri til ad ata tá auri, svo tetta eru ekki nein einstök atvik. Tarna fór hann bara yfir lagalega strikid. 

Og tad er Hannes sem dæmir menn eftir stjórnmálaskodunum, ekki öfugt.

 ... og tess vegna er alveg rosalega erfitt ad vorkenna honum núna. 

Og bara til ad koma í veg fyrir samsæriskenningar, tá er ég hvorki vinstrisinnud né í vinfengi vid nein af fórnarlömbum Hannesar.

[María Guðmundsdóttir, 4.4.2008 kl. 06:18]

Sjálfstædisskítalykt af thessu sem svo mørgu ødru 

[Jónína Dúadóttir, 4.4.2008 kl. 07:33]

Mér tekst bara alls ekki að hafa neina samúð með lögbrjótum....

[Ía Jóhannsdóttir, 4.4.2008 kl. 07:53]

Góðan og blessaðan föstudag Jenný mín.  Verð nú eiginlega að rúlla upp Kastljósinu hér á eftir svo ég geti verið með í umræðunni, annars hefur mér aldrei fallið H.H. í geð, hrokafullur og leiðinlegur.  Til háborinnar skammar hvernig hann hefur komið fram við Auði og hennar fjölskyldu.

Ertu búin að draga Einar í IKEA?  Þótt sjálft lífið lægi við kæmi ég ekki Þóri þar inn fyrir dyr.  Hann segist fá útbrot þar inni.

[Guðmundur G. Hreiðarssson (IP-tala skráð) 4.4.2008 kl. 08:31]

Hann Laxnes tók sjálfur eitt og annað ófrjálsri rithendi. Hvað með bréfasöfnin á Landsbókasafninu? Gat hann þeirra heimilda? Datt engum í hug að súa karlálkunni?

[Ólína Kjerúlf Þorvarðardóttir, 4.4.2008 kl. 09:38]

Í skáldverkum geta menn leyft sér eitt og annað sem fræðimenn leyfa sér ekki. Og Hannes er engu bættari þó bent sé á sök annarra. Stuðningsmenn Hannesar eru allt of uppteknir af því að benda á aðra. Það er engin vörn fyrir Hannes. Hann á sína sök - og verður að bera hana sjálfur.

Og nú heitir nóbelsskáldið ekki Laxness lengur, nei Halldór Guðjónsson! Hvað á þetta eiginlega að þýða?

Það er þessi skætingur úr herbúðum Hannesarmanna og árásárstíll sem er svo ótrúlega þreytandi og leiðinlegur. Og meira að segja núna þegar Hannes segist sjá villu síns vegar - þá geta verjendur hans ekki hætt með skætinginn, eins og við sjáum á sumum athugasemdum hér. Þeir gera Hannesi bara engan greiða með þessu.

Það er mín skoðun.

[Kristín Katla Árnadóttir, 4.4.2008 kl. 10:42]

Skam skam Hannes en ég gat ekki annað en vorkennt honum smá

Hann var svo lúpulegur

[Eva Ólafsdóttir (IP-tala skráð) 4.4.2008 kl. 11:45]

Ég get ekki orða bundist yfir þessari heift á báða bóga. Ég er ekki sjálfstæðiskona og ekki aðdáandi Hannesar og hef aldrei verið. Finnst hann hafa komið sér í þvílíka klípu með gjörðum sínum að ég get ekki annað en vorkennt honum. Bjóst þó við að hann missti starfið - ekki að ég óskaði honum þess. Mér fannst þetta viðtal allt í lagi. Hann er það umdeildur að ég uni honum þess að tala máli sínu - það eru nógu margir sem tala gegn honum. Sé ekki fyrir mér að neinn hafi getað andmælt honum - hann var að rembast við að vera auðmjúkur. Ég vona að hann hafi lært helling af þessu og verði orðvarari. En að Davíð hafi kippt í spotta til að bjarga starfi hans finnst mér hlægilegt - trúi ekki að Davíð hafi neitt vald yfir rektor.

En þó Hannes hafi ekki misst vinnuna þá hefur hann aldeilis fengið að borga brúsann þannig að það ætti að vera friðþæging fyrir þá sem finnst hann ekki hafa fengið nægjanlega harða refsingu

[Ásthildur Cesil Þórðardóttir, 4.4.2008 kl. 11:56]

Það er svo skrýtið að hér kemur maður eftir mann og segir að fólk sem gagnrýnir ævintýrið um Hannes, skrifi af ÞÓRÐARGLEÐI, ILLUM HUG, EÐA ÞURFI FRIÐÞÆGINGU.  Það er alveg eftir landanum að taka aukaatriði og gera þau að aðalatriðum.  Málið er að fólki er stórlega misboðið hvernig þetta mál var meðhöndlað, og hefur fullan rétt á að koma því á framfæri.  Réttlætiskennd fólks er misboðið, en ekki hefndarhugur til Hannesar. 

Hvað varðar kastljósið í gær, þá fannst mér ég vera að horfa á leiksýningu, slímuga leiksýningu, þar sem maðurinn fær að umsnúa öllum hlutum til að gera sig að fórnarlambi.  Hann er gerandinn í öllu þessu drama.  Það lendir enginn óvart í svona, og alls ekki vel gefinn fullorðin maður.  Það er bara þannig.  Og þá skal hann bara taka því sem hann á skilið. 

Ég er ennþá að hrista af mér kjánahrollinn, eftir að hafa horft á leiksýninguna, svei mér þá hún sló við myndinni sem hann gerði hér um árið.  Hvað hét hún nú aftur ? 

[Þorlákur (IP-tala skráð) 4.4.2008 kl. 14:04]

Ég nenni ekki að skrifa um þetta mál lengur en mig langar bara að svara athugasemd Ólínu um að ég hafi kallað umrætt skáld Halldór Guðjónsson. Það eru nú bara leifar úr uppeldi mínu. Halldór fæddist  Guðjónsson en tók svo síðar upp kenninafnið Laxness og til að kóróna snobbið bætti hann inn millinafninu Kiljan. Hún amma mín blessunin sem var vel lesin las oft hinar ýmsustu bækur fyrir mig þegar ég var ungur og þegar hún las Halldór kallaði hún hann aldrei neitt annað en Halldór Guðjónsson. Hún var ekkert sérstaklega hrifin af tilgerðarleika og snobbi. Síðan þá hef ég aldrei getað fengið mig til að kalla manninn neitt annað en Halldór Guðjónsson.

[Jenný Anna Baldursdóttir, 4.4.2008 kl. 15:08]

Stefán: Breytir þú þá nöfnum fólks svona almennt, ef það hefur t.d. ættarnafn?  Þetta hlýtur að ganga yfir alla hjá þér er það ekki? 

Stefán.  Ég tek út athugasemdina þína, svona á ekki heima í kommentakerfinu mínu satt eða logið

[Stefán (IP-tala skráð) 4.4.2008 kl. 16:02]

Ég breytti engum nöfnum nema þá að það hafi orðið misritun á bókstaf og það sem ég skrifaði var auðvitað alveg rétt haft eftir Bubba Morthens um Hannes Hólmstein og það sagði Bubbi í beinni útsendingu á Rás 2 sem frægt varð og mjög umtalað í kjölfarið. 

[Jenný Anna Baldursdóttir, 4.4.2008 kl. 17:17]

Stefán: Fyrirgefðu þú áttir seinni málsgreinina, í þeirri efri ætlaði ég að skrifa Þorlákur.  Fyrirgefðu, en ég varð að taka athugasemdina út, þetta var yfir strikið.

[thematic (IP-tala skráð) 4.4.2008 kl. 21:33]

Er dómstóll götunnar kominn á kreik? Engar beinargrindur sem leynast í ykkar skápum? Maðurinn gat ekki heimilda, og var dæmdur fyrir vikið. Gerir það hann að eithvað verri manni? Það er auðvelt að loka sig af með tölvuna að vopni í einhverju gettói, og skjóta í allar áttir, um hin ýmsustu málefni, einsog einhverjir sjálfskipaðir siðapostular.

[Biggi Matt (IP-tala skráð) 5.4.2008 kl. 15:49]

Hættu þessu bulli! Hann á rétt á því að koma sinni skoðun á framfæri eins og allir aðrir.

Svo eru svona blaðurskjóður eins og þið á blogginu sem reynið að slátra mannorði hans eins og annara sem er ykkur ekki að skapi.

Skammist ykkar og skammastu þín Jenný Anna! Og í guðana bænum slepptu því að horfa á Kastljósið ef þú þolir ekki að taka rökum....