Fokkings hillusvipurinn

 

Ég þarf að fara í IKEA, mig vantar svo kjötbollur.  Djók, með kjötbollurnar, en í IKEA þarf ég að fara.

Ég á jafnan erfitt með að draga húsband með mér í þessa stórkostlegu dótaverslun almúgans, enda er honum í nöp "hillusvipinn" sem hann segir að komi á mig í búðum.  Hann heldur því fram að ég detti út, sé ekki áttuð á stað og stund og ég sé vís til að versla stórt.  Hillusvipurinn veldur manninum oft martröðum.  Só??

En nú vantar gardínur og myrkvunartjöld, vegna gula fíflsins sem mun bráðlega vera á flakki allan sólarhringinn.  Ég er kona sem vill sofa í myrkri. 

Samtal í hádeginu:

Ég: Nennirðu að koma með mér í IKEA (á innsoginu)?.

HB: (Skelfingu lostinn) Eigum við ekki að bíða með það fram í næstu viku?

Ég: Ertu með frestunaráráttu maður?  Förum núna, mig vantar gardínur.

HB: Manni getur ekki VANTAÐ gardínur, ekki fremur en manni getur vantað t.d. styttur og afskorin blóm!

Ég: Jú, ég verð að kaupa gardínur í svefnherbergið áður en sólin fer að vekja mig hér í bítið.

HB: Það er laaaangt þangað til (lesist; við fötum í júní, daginn fyrir sólstöðuhátíðina).  Svo sé ég ekkert athugavert við þessar gardínur sem eru fyrir og svo geturðu farið með Söru eða Helgu, ég fæ höfuðverk inni í svona risaverslun.  (Hann er búin að sefja sjálfan sig til hita).

Ég: ókí (gaman, mikið skemmtilegra að valhoppa um himnaríki svona ein og sér).  Ég geri það krúttið mitt.

HB: Þú ert kona sem hefur gert búðarráp að listgrein.  Ég skiletta ekki.

Við tölum ekki saman í augnablikinu.

Eða þannig en ég elska hann samt.

Ójább

Athugasemdir

[Brynja skordal, 3.4.2008 kl. 14:23]

Hillusvipur láttu hann bara fá sér dýrindis kjötbollur og desert meðan þú arkar um í leit að myrkra tjöldum minn fær alltaf verðlaun heheh En skil þig er voða viðkvæm fyrir birtunni á nóttunni sef ekki eins vel og á erfiðara með að sofna hey málum gluggan bara svartan í sumar eða ekki

[Ásthildur Cesil Þórðardóttir, 3.4.2008 kl. 14:36]

Nammi namm sænsku kjötbollurnar eru góðar, allt hitt er hræðilegt, ég fæ svona hilluvandræðasvip og veit ekkert hvað ég á af mér að gera, fæ víðáttubrjálæði við að koma inn í svona stórar verslanir

[Jóhanna Magnúsar- og Völudóttir , 3.4.2008 kl. 14:37]

Hahaha.. er sólin svo bara komin .. ég hef síkritað hana fullfljótt, hefði átt að bíða eftir að þú færir í IKEA!

[Sigrún Jónsdóttir, 3.4.2008 kl. 15:20]

Jenný, þinn frásagnarstíll er unaðslegur.

[Kristín Katla Árnadóttir, 3.4.2008 kl. 16:33]

Jenný mín ég fæ höfuðverk þarna í IKEA

[Helga Magnúsdóttir, 3.4.2008 kl. 17:20]

Ég er eins og Ásthildur, verð bara lömuð og rugluð í svona búðum. En ég á mann sem finnst gaman að fara í búðir. Systur mínar dá hann og dýrka þegar við erum saman í útlöndum.

[Tiger, 3.4.2008 kl. 17:32]

Hjálpi mér hvað ég er sammála þér Jenný, með þetta gula þarna sem allt með hitakossi vekur. Ég er þegar búinn að skella upp mjög dökkum gluggatjöldum í svefnherbergin því það er gersamlega ómögulegt að sofna í dagsbirtu - segi næstum eins og þú "Ég er "maður" sem vill sofa í myrkri" - helst kolsvörtu og án allra ljósatýra...

Ég dett einstaka sinnum inn í það að fara í Íkea eða RL-shop bara til að labba um og skoða dótið og draslið. Ótrúlegt að sjá sumt af þessu rusli sem þarna er - en sannarlega leynast oft ýmsir gullmolar þarna inn á milli. Mér finnst mjög gaman að labba um og skoða í t.d. antikbúðum, stórum mörkuðum eða þar sem öllu úfir og grúfir saman. Get endalaust þrætt markaði erlendis, bara svona til að sjá hvað fólk er að bjóða og athuga hvort ég falli í freistni - or not. Knús í daginn þinn Jenný mín.

[Unnur R. H., 3.4.2008 kl. 17:35]

Já ég elska IKEA Er örugglega með hillusvipinn á mér allan tímann sem ég er þar inni..Og ég er búin að fá mér myrkvunartjöld, annars væri ég vakandi allan sólahringinn!

[María Guðmundsdóttir, 3.4.2008 kl. 17:36]

Týni vitinu og sjálfri mér i Ikea,rata vart út aftur og ráfa stefnulaus um gøturnar i klukkutíma á eftir en hvernig var thad,er s.s ekki kallapøssun i Ikea??? dottin útur thessu búandi i danmørku... 

[Birna Dis Vilbertsdóttir (IP-tala skráð) 3.4.2008 kl. 18:54]

Hillusvipur hehehehehehehe.Víst getur mann vantað gardínur hahahahahaha.Dásamleg færsla

[Jóna Á. Gísladóttir, 3.4.2008 kl. 22:10]

hahaha ég sé þig fyrir mér með hillusvipinn í Ikea. Horfandi í gegnum mann.  Þyrfti að taka einn rúnt með þér í gegnum dótabúð almúgans til að upplifa þetta á eigin skinni.