Sorgarfréttir

Ég var ekki fyrr búin að skrifa færsluna um áfallakvótann minn í morgun, þegar ég fékk slæmar fréttir.  Góður vinur okkar liggur fárveikur inni á spítala og er haldið þar sofandi.

Nú sit ég hér og reyni að senda hlýjar hugsanir og ljós til þessa vinar sem er okkur svo mikils virði.

Lífið er svona, sárt og vont stundum og það eina sem hægt er að gera er að leggja von sína á almættið (mitt persónulega) og hugsa fallegar hugsanir.

Annars hef ég sofið stóran hluta dagsins.  Er með hita, hósta og hósta og get NÆSTUM því ekki reykt, en einhvern veginn þræla ég mér í það samt.  Hóst, hóst.

Ég gafst sem sagt upp fyrir hita og beinverkjum (einn ganginn enn í vetur) og hugsaði sem svo; "if you can´t beat it, be it".  Þannig að nú er ég kvefpest.

Hef ekki margt að segja, er satt að segja andlaus eftir þennan dag, sem ég vil hafa að baki sem fyrst.

Farið vel með ykkur, elskurnar.

Góða nótt úr djúpinu.

Athugasemdir

[Ragnheiður , 25.3.2008 kl. 23:08]

Já Jenný mín, það er vont að vera boðberi slæmra frétta. Ég ætla að senda góðar hugsanir ásamt ykkur Einari og öllum hinum vinunum hans.

Læt vita ef eitthvað nýtt kemur upp.

[Jenný Anna Baldursdóttir, 25.3.2008 kl. 23:11]

Takk elskan, þetta er bara alveg ótrúlega sorglegt og vont.

[Guðrún B. (IP-tala skráð) 25.3.2008 kl. 23:13]

Elsku Jenný mín, sendi þér og þínum hlýjar hugsanir. Bið fyrir vininum.

Knús elskan.

[Kristín Katla Árnadóttir, 25.3.2008 kl. 23:15]

Æi elsku Jenný mín þetta er leiðinlegt að frétta ég sendi góðar hugsanir til ykkar.

Góða nótt elsku Jenný mín.

[Huld S. Ringsted, 25.3.2008 kl. 23:18]

Æ leiðinlegt að heyra! Ég sendi honum og ykkur öllum hlýjar hugsanir og láttu þér svo batna Jenný mín

[Ásdís Sigurðardóttir, 25.3.2008 kl. 23:18]

Elsku Jenný, sendi hlýjar fyrirbænir til vinar ykkar.  Kveðja til þín

[Hrafnhildur Ýr Vilbertsdóttir, 25.3.2008 kl. 23:36]

Sendi hlýjar hugsanir til vinar ykkar.....

Og vonandi hressist  þú sem fyrst...

[Svanhildur Karlsdóttir, 25.3.2008 kl. 23:41]

Knús

[Kristín M. Jóhannsdóttir, 25.3.2008 kl. 23:44]

Vona að vini þínum batni fljótt og vel.

[Anna Ólafsdóttir (anno) (IP-tala skráð) 25.3.2008 kl. 23:53]

Hlýjar hugsanir frá mér til vinarins og þín með pestina. Trúm því að allt fari á besta veg

[Óttarr Makuch, 26.3.2008 kl. 00:02]

Sendi hlýjar hugsanir og bænir til þín og vinarins og vonandi fer allt eins og best verður á kosið.

[Heiða Þórðar, 26.3.2008 kl. 00:10]

Elsku Jenný mín. Skal taka þig og vin þinn með í kvöldbænina mína.

[Hugarfluga, 26.3.2008 kl. 00:25]

Enduróma allar þessar góðu hugsanir og bið þess að vinur þinn fái bata, Jennslan mín.  Vona líka að pestarpúkinn fari nú að láta þig í friði.

[Jenný Anna Baldursdóttir, 26.3.2008 kl. 00:40]

Takk fyrir fallegar kveðjur.  Sendið þær út í nóttina, þær komast til skila.

Góða nótt.

[Lilja Guðrún Þorvaldsdóttir, 26.3.2008 kl. 00:44]

Sendi hlýjar hugsanir til þín og þinna og óskir um skjótan bata. Nú verður þú að fara vel með þig. Kv. Lilja

[Brynja skordal, 26.3.2008 kl. 01:09]

[Ásthildur Cesil Þórðardóttir, 26.3.2008 kl. 01:16]

Sársaukin á enginn landamæri, né hefur hann fyrirvara á.  Hann bara kemur og er eða fer.  Í þínu tilfelli vona ég að hann fari og það sem fyrst Jenný mín.