Helvítið hann Erill!

 

Aumingja Erill vinur minn.  Hann þolir ekki hátíðar og venjulegar helgar leika hann grátt líka.  Vinir hans og nafnar eiga það sammerkt með honum að þola ekki áfengi og fíkniefni.

En gefst hann upp?  Ónei.  Erill hefur gefið dauðan og djöfulinn í að sjá lögregluembættum landsins fyrir vinnu og hann reynir að sjá til þess að þeir komist ekki einu sinni í sígópásu, vegna Erils.

En hver er Erill, hvernig manngerð er þessi vandamálafrömuður?

Hm.. látum okkur sjá.

Erill karlinn er giftur, konan hans er oftast heima þegar hann fer út að "skemmta" sjálfum sér og íslensku þjóðinni.  Hann hefur það að markmiði að komast í blöðin í hvert skipti sem hann dettur í það.  Honum tekst alltaf að komast á spjöld sögunnar.  Sem er afrek út af fyrir sig.

Erill á nokkur stykki af börnum, flest um tvítugt og hann á þau með mörgum konum.  Flest þessara barna hafa erft sukkhegðunina frá pabbasín og hjálpa honum við að fokka upp lögum og reglu í hvert skipti sem verið er að gera sér dagamun.  Það eru afkomendur Erils sem míga á háheilagar byggingar, slá húfuna af löggunni og lemja mann og annan.  Erill sjálfur fer oft fyrir flokknum.

Eril má oft sjá á förnum vegi í miðri viku.  Þreytulegan, klórandi sér í rassinum, borandi í nefið á sér og snýtandi sér út í loftið.  Hann er léleg útgáfa af frummanninum. 

Nú eru skemmtilegir tímar að renna upp hjá Erli Narðarsyni.  Grilltíminn fer í hönd.  Það elskar Erill.  Hann er manna fyrstur að fíra upp í grillinu, henda á það dýraleifum og fullur af góðum ásetningi, ætlar maðurinn að vera heima, snæða brunarústirnar og fá sér smá í glas.  En það endar á einn veg, hann rýkur í bæinn og gerir líf allra sem þar eru á ferli að hreinu motherfucking helvíti.

Tökum Eril af götunni.  Læsum hann inni og best væri að tala hann inn á að fara í meðferð og afkomendurna líka.

Við gætum t.d. gert honum tilboð sem hann gæti ekki hafnað.

Farin í frekari rannsóknir á fyrirbærinu.

Gleðilega júnóvott.

Ójá.

Fangageymslur fullar í Reykjavík

Athugasemdir

[Edda Agnarsdóttir, 23.3.2008 kl. 11:14]

Brilljant ! Dáldið páskalegt, eða hvað.

[Huld S. Ringsted, 23.3.2008 kl. 11:57]

Þessi mynd!!

Gleðilega Páska Jenný

[Jónína Dúadóttir, 23.3.2008 kl. 12:05]

Jamm rétt og gleðilega páska

[Hrafnhildur Ýr Vilbertsdóttir, 23.3.2008 kl. 12:15]

Ha ha Ég vissi það ég þekki Eril....hann er nákvæmlega eins og ég ímyndaði mér hann og já hann þarf hjálp!!!!.

[Eva Benjamínsdóttir, 23.3.2008 kl. 12:27]

Góð ábending. Ég hef hitt kauða. Þetta er þvílíkt rugl og heimska, auðvitað þarf hann hjálp, en honum finnst ekkert athugavert við sig.

[Sigurbjörg Sigurðardóttir, 23.3.2008 kl. 12:27]

Ræfillin hvað hann er ljótur,eru ekki allir Erillar eins,ljótir að utan og innan  gleðilega páska.

[Ólína Kjerúlf Þorvarðardóttir, 23.3.2008 kl. 12:37]

Já þetta er nú meiri páskastemmningin - eða þannig

En megir þú njóta páskanna sem best, kæra Jenný.

[Marta B Helgadóttir, 23.3.2008 kl. 12:52]

Ha hahaha hressileg færlsa í anda páskanna darling  

Þú ert alveg frábær.

Gleðilega páska Jenný. 

[Hugarfluga, 23.3.2008 kl. 13:01]

Hjarta mitt fylltist kærleik og sönnum páskaanda um leið og ég bar augum þessa yndislegu mynd af Erli (heitir hann þá Earl á úpplensku?). Glæde påsk, elskuleg.

[Ásdís Sigurðardóttir, 23.3.2008 kl. 13:24]

Flottur pistill   Innilega gleðilega páska til þín og þinna.

[Jenný Anna Baldursdóttir, 23.3.2008 kl. 13:36]

Okokok, búin að skrifa páskafærslu.  Róleg.

Love you guys

[Birna Dis Vilbertsdóttir (IP-tala skráð) 23.3.2008 kl. 13:49]

Þekki þennan dúd.Sagði honum upp fyrir löngu síðan en alltaf er einhver sem púkkar upp á ræfilinn

[Jóna Á. Gísladóttir, 23.3.2008 kl. 14:52]

hahahahahahaha Gvöööð hvað ég er fegin að fá manninn loksins barið augum. Eins og oft vill verða þá er hann allt öðruvísi en ég ímyndaði mér. En jú... þarna er kauði ljóslifandi kominn.

[Lilja Guðrún Þorvaldsdóttir, 24.3.2008 kl. 04:03]

Mikill erill hjá vininum þessa dagana, og fer síst batnandi.  En það kostar víst klof að ríða röftum.

[Laufey Ólafsdóttir, 24.3.2008 kl. 09:42]

Árans Erill. Alltaf á fullri ferð yfir hátíðarnar. Páskakveðjur!