Gjallarhornsfíbblið

Jæja, hér er mynd af mér sem húsband tók af mér núna áðan.  Það sést kannski ekki, en ég var að versla fyrir páskana.  Djók.

Ég er alveg svakalega bloggin í dag, enda hefur dagurinn (með smá undartekningum) liðið við lítið.  Ég verð svo undarleg á páskum, veit ekkert hvað ég á að mér að gera.

Ég hitti konu áðan, í verslunarferðinni, hún er hávær og miður skemmtileg, enda þekki ég hana nánast ekkert.

Hún: Ég las það á blogginu þínu að þú hefðir farið í meðferð!! Ertu edrú?

Ég (lágt): Jabb. (Hugsaði: en þú gjallarhornsfíbblið þitt?).

Hún: Þú féllst um daginn sá ég, hvað ertu að pæla?

Ég: Hm.. það var stutt fall og ég fór strax inn á Vog (ég hvíslaði).

Hún: Frusssssssss aumingjaskapur.

Ég: Já finnst þér það.

Hún: Jább, klárlega.

Ég: Gleðilega páska.

Hún: (brosir sínu blíðlega og kallar til Ísafjarðar) Ég elska að lesa bloggið þitt.  Það er alltaf eitthvað vesen á þér.  Við liggjum yfir því vinkonurnar.

Ég:#%))$)$W)%(#=($%ö

Jájá, gaman að hitta fólk.

Ég hreinlega elska fólk (með örrrrrrfáum undantekningum)

Ekki segja að ég deili ekki með ykkur mínu stórskemmtilega lífi hérna.

Alltsvo yfir og út!

Súmíbítmíbætmí.

Athugasemdir

[Ragnheiður , 22.3.2008 kl. 17:29]

 Kva,kann fólk sig ekki í búðum ? Næst notum við steinþegjandi heimsendingarþjónustu !

[Ásthildur Cesil Þórðardóttir, 22.3.2008 kl. 18:04]

Já þetta er örugglega konan sem kvartar við heimilislækninn sinn yfir iðraverkjum í Hagkaup, og glennir upp munninn þegar hún sér tannlæknirinn í Kringlunni, hún aukinheldur þarf að rífast við skólastjórann yfir síðustu einkunum yngsta krakkans þegar hún hittir hann óvænt á kaffihúsi.  Það eru enginn mörk hjá sumum, heldur er leiksvæðið öll jörðin ef því er aðskipta.

[Ía Jóhannsdóttir, 22.3.2008 kl. 18:07]

Ja hérna þetta þykir mér dónaleg framkoma.  Sumt fólk er bara ekki alveg í lagi.

[Eyrún Gísladóttir, 22.3.2008 kl. 18:18]

 þ essi kona hlítur að hafa hlotið einhvern heilaskaða einhvertíma fólk semer í lagi talar yfir höfuð ekki svona og hvað þá út í búð þú hefðir átt að sparka í sköflunginn á henni

[Lára Hanna Einarsdóttir, 22.3.2008 kl. 18:36]

Vonandi les gjallarhornið þetta og skammast sín upp fyrir haus! 

[Hrönn Sigurðardóttir, 22.3.2008 kl. 18:42]

"það er alltaf eitthvað vesen á þér....."

lovjú

[Bryndís R (IP-tala skráð) 22.3.2008 kl. 18:43]

Þetta er nú bara argasti dónaskapur í þessari konu.

[Huld S. Ringsted, 22.3.2008 kl. 18:50]

Hún hefði þurft hljóðkút þessi! Hún hefur ekki beðið um eiginhandaráritun??

[Ásgerður Jóna Flosadóttir, 22.3.2008 kl. 18:54]

Takk fyrir þín bráðskemmtilegu blogg.  En þegar fólk opnar dyrnar að lífi sínu má búast við öllu, því miður.

Með páskakveðjum til þín og fjölskyldu þinnar.

Ásgerður Jóna Flosadóttir

[Birna Dis Vilbertsdóttir (IP-tala skráð) 22.3.2008 kl. 19:25]

 

.Það er svo neyðarlegt að lenda í svona.Við Krumma eigum svona taktlausan ættingja sem getur verið dásamlegt stundum hahahahahaha

[Kristín M. Jóhannsdóttir, 22.3.2008 kl. 19:50]

Í alvöru? Sagði hún þetta?

[Steingerður Steinarsdóttir, 22.3.2008 kl. 20:20]

Já, þetta er álíka skemmtilegt og köld vatnsgusa að hitta svona fólk og minnir mig óneitanlega á samstarfskonu sem sá mynd af manninum mínum og sagði með einlægri undrun: Hva bara myndarlegur maður! Gleðilega páska Jenný mín.

[Jenný Anna Baldursdóttir, 22.3.2008 kl. 20:31]

hehe, auðvitað les hún og standi það í henni og st...

segi svona.

Þið eruð frábær

[Karl Tómasson, 22.3.2008 kl. 20:43]

Gleðilega páska kæra Jenný og hafðu það gott. Síðast en ekki sýst,  takk fyrir allar þínur skemmtilegu hugleiðingar.

Bestu kveðjur frá Kalla Tomm úr Mosó.

[Sigrún Óskars, 22.3.2008 kl. 20:47]

Er þetta satt? Mér fannst svo fyndið að lesa þetta. Maður finnur alltaf eitthvað skemmtilegt "vesen" á blogginu þínu.

Hafðu það gott yfir páskana, vona að þú fáir stórt páskaegg - og skemmtilegan málshátt.

[Jónína Dúadóttir, 22.3.2008 kl. 21:03]

Eiginlega svolítið frábært þetta með vesenið, hjá þessari annars mjög dónalegu tru... ég meina frú Ætli hún sé ekki almennilega læs ? Elsku Jenný mín af hverju argaðir þú ekki á móti ? Til dæmis eitthvað um "hinn" manninn hennar eða eitthvað svona lítið og sætt

[Hildigunnur Rúnarsdóttir, 22.3.2008 kl. 21:37]

Oj, dóninn!

[Jóna Á. Gísladóttir, 22.3.2008 kl. 21:39]

hahaha ég myndi trúa hverju einasta orði ef þú hefðir ekki nefnt þetta með hvíslið. Allt getur staðist nema það að þú hafir hvíslað. Þú hefur örugglega þagað og gefið henni einn á'ann

[Anna Mae Cathcart-Jones, 22.3.2008 kl. 21:48]

Ef ég myndi hitta vinkonu mína ( tökum sem dæmi ) og hún myndi babbla um það að ég hafði sparkað í strák og farið til skólastjórans ( sem myndi nú ekki gerast af því að ég er fyrirmyndar nemandi og ég kemst upp með allt ) fyrir framan alla þá myndi ég fá heilablóðfall og það kæmi gufa út úr eyrunum á mér!En maður verður að halda ró sinni og segja fljótt:Já já´.Í alvörunni.Er það.Já veistu,mjóg gaman að spjalla, já bæOg labba út.

[Jenný Anna Baldursdóttir, 22.3.2008 kl. 23:59]

Anna Mae: Þú ert frábær

Jóna: Ók ég hvíslaði ekki en ég reyndi að lækka í mér röddina.  Hm..

Annars hló ég upphátt hérna þegar ég las kommentin.  Takk.

[Eva Benjamínsdóttir, 23.3.2008 kl. 00:40]

Sykurlaust páskaegg fyrir Jenný og málshátturinn:...betra er að vera hálfur en álfur , hvað ætli ég fái:...mark eða spark Who cares!

[Hugarfluga, 23.3.2008 kl. 00:57]

Garg, hvað ég vona að konan sé að lesa. Alveg með móðu á gleraugunum af frústreisjón að reyna að finna witty comment.

[Lilja Guðrún Þorvaldsdóttir, 23.3.2008 kl. 01:22]

Konan skemmtir sér örugglega ekki yfir þessu bloggi og liggur ekki yfir þessum athugasemdum með vinkonum sínum. -  Og þó, kannski fussar hún og sveiar yfir dónaskapnum í þessu "Gjallarhornsfífli" með vinkonunum. -  Og dásamar sjálfa sig í hljóði fyrir hve "opin og hreinskilin" hún er við fólk sem sparkar ekki á móti.

[Guðríður Hrefna Haraldsdóttir, 23.3.2008 kl. 08:33]

Hahhaha, hvað er að fólki? Annars bloggaði einu sinni um vandræðalega uppákomu hjá pabba konu sem ég þekki. Hann vann sem áfengiseftirlitsmaður, konan hans sem fangavörður og einnig sonur hans (nýbyrjaður á Litla Hrauni). Gamall, heyrnarlítill maður hitti hann í röð í fiskbúð og argaði m.a.: Þú alltaf í brennivíninu? Og konan í tugthúsinu? Er ekki sonurinn kominn á Hraunið?

Hehhehehe. Páskaknús! 

[Helga (IP-tala skráð) 23.3.2008 kl. 09:19]

Ég býst við að mitt svar hefði verið eitthvað á þessa leið..... jaaaaá !!! þaðan þekki ég þig ! varst það ekki þú sem slóst innverumetið á Vogi??? annað eins hefur ekki þekkst né munað síðan Vogur var stofnaður. Ertu enn í sömu nærunum sem þú neitaðir að þvo efitr heilar tvær vikur ??? ha, eða já alveg rétt , þú fórst þaðan á Klepp var það ekki ???? Sorglegt ! en gangi þér vel .... svo myndi ég ekki gefa henni færi á að svara heldur ganga bara burt ..........

eða svei mér , kannski þögnin sé bara besta svarið þegar svona fólk á í hlut.

[Heiða Þórðar, 23.3.2008 kl. 10:55]

Njóttu dagsins og gleðilega hátíð

[Elín Sigríður Grétarsdóttir, 23.3.2008 kl. 10:58]

kannski sljákkar í henni við að lesa þessa færslu :D

[Edda Agnarsdóttir, 23.3.2008 kl. 11:23]

Heyrðu Jenný, ég vissi ekki að þá hafir fallið? Meiddirðu þig mikið? Hva seiru varstu lögð inn? Fór mjaðmagrindin? Vona þér batni fljótt.