Málefnalegi ráðherrann

Gulli heilbrigðis svarar gagnrýni VG á einkavæðingaráformin í heilbrigðiskerfinu, á afskaplega málefnalegan hátt.  Eða hitt þó heldur.  Hann telur að það líti út fyrir að þingflokkur VG sé ekki í jafnvægi.  Svo sniðugt og þroskað hjá ráðherranum. 

Fyrirgefðu heilbrigðisráðherra að það skuli fara fyrir brjóstið á fólki þessi ætlan þín, að einkavæða í heilbrigðiskerfinu með dyggum stuðningi samstarfsflokksins. 

Þingflokkur VG er í jafnvægi, amk. er ég viss um að þar á bæ missir fólk ekki svefn yfir að vera stöðugt að sauma að almenningi í þessu landi. 

Ég er alltént þakklát fyrir að einhver skuli reyna að veita áformum ríkisstjórnarinnar í þessum málaflokk, einhverja mótstöðu. 

Og svo má Össur Skarphéðinsson fara og leggja sig, en hann hefur fengið út að einkavæðing í heilbrigðiskerfinu sé pjúra jafnaðarmennska, hvernig sem hann hefur farið að því að telja sjálfum sér trú um þá endemis vitleysu.

Ég er sem betur fer komin niður á jörðina hvað varðar stjórnmálamenn og það fyrir þó nokkuð löngu síðan.

En í þessu máli er ég að berjast við ógleðina.

Lái mér hver sem vill.

Eins og þingflokkur VG sé ekki í jafnvægi

Athugasemdir

[Jónína Dúadóttir, 17.3.2008 kl. 08:14]

Mjög skiljanleg ógleði

[Ásthildur Cesil Þórðardóttir, 17.3.2008 kl. 08:38]

Auðmýkt hefur ekki beinlínis verið Guðlaugs Þórs sterkasta hlið.  Ætli hann hafi engar áhyggjur af hópuppsögnum á landspítalanum ?  Eða mannauðsflótta úr heilbrigðisstéttunum.  Svo alvarlegt að lífi fólks er stefnt í hættu, er haft eftir einum starfsmanni þar.   

[Sigrún Jónsdóttir, 17.3.2008 kl. 10:53]

Sammála hverju orði hjá þér, ég er mjög kvíðin.

[Ólafur Sveinn Haraldsson (IP-tala skráð) 17.3.2008 kl. 12:59]

Það var ástæða fyrir því að Guðlaugur var settur ráðherra heilbrigðismála, hann er sá eini sem þorir að knýja fram þessar breytingar og eyðileggja pólitíska feril sinn í leiðinni.

mbk.

[Birna Dis Vilbertsdóttir (IP-tala skráð) 17.3.2008 kl. 21:25]

Sammála Ólafi.Eins og LSH er í dag og var í undir stjórn framsóknar dó fólk.ÞAÐ VERÐUR AÐ STOKKA ÞETTA UPP.Þó einhverjum sárni við að missa vellaunað starf.Og leggur ALLT UNDIR.það er meira en margur þorir.