Alltaf í minnihluta

Ég er alltaf í minnihluta.

Ég er fædd með þessum ósköpum og mér er farið að leiðast það.

Ég sé ekki leið út úr þessu, ég á samleið með örfáum hræðum svona skoðanavæs, þ.e. ef mark er takandi á niðurstöðum kosninga og skoðanakannana.

Flokkurinn minn er alltaf í minnihluta á Alþingi.

Þeir eru aftur í minnihluta í borginni.  Dem, dem, dem.

Mér leiðist Spaugstofan.

Ég nenni ekki Arnaldi Indriðasyni.

Mig langar ekki í jeppa.

Ekki heldur plasmaskjá.

Mér finnst ítalskur matur frekar leim.

Orðið Shusi snýr við í mér maganum.

Ég er á besta aldri og keyri ekki bíl.

Og nú kom þetta mér algjörlega úr jafnvægi.

Ég tilheyri þessum 20% sem ekki horfðu á úrslit Laugardagslaganna á laugardaginn.  Var að vísu inni á Vogi en hefði ekki horft þó ég hefði verið með sjónvarpið í fanginu.  Alveg er ég viss um að restin af þessum 20% voru í útlöndum, höfðu skroppið í leikhús eða var beinlínis haldið frá sjónvarpinu með valdi.

Af hverju líður mér eins og ég sé geimvera?

Æmsóalón!

Athugasemdir

[Þröstur Unnar, 28.2.2008 kl. 21:16]

Jebb, þú ert algerlega utanveltu. Held ég neyðist til að meila á Þórhall og fá hann til að kristna þig í júró.

Langar ekki í jeppa? Ert ekki í lagi?

[Lára Hanna Einarsdóttir, 28.2.2008 kl. 21:19]

Ég get ekki jafnað þetta en sjáum nú til.

Ég á engan flokk.
Vil samt ekki núverandi meirihluta í Reykjavík.
Mér finnst Spaugstofan stundum góð, stundum ekki.
Ég hef lesið þrjár góðar eftir Arnald, eina lagði ég frá mér eftir nokkrar blaðsíður og tók hana ekki upp aftur. Hef ekki lesið nýtt eftir hann.
Ég á jeppa því ég vil getað komist út fyrir malbikið með túristana mína.
Hvað er plasmaskjár?
Sushi er ógeðslegt.
Ég er á svipuðum aldri en með minnapróf, meirapróf og leigubílapróf.
Ég hef horft á alls um 10 mínútur af Laugardagslögunum, það var í haust. Nennti ekki að horfa á úrslitaþáttinn.

Kannski er ég bara geimvera í aðra ættina.

[Lára Hanna Einarsdóttir, 28.2.2008 kl. 21:20]

Gleymdi ítalska matnum:
Pasta er ekki matur, það er meðlæti.

[Ásthildur Cesil Þórðardóttir, 28.2.2008 kl. 21:23]

Erum við ekki öll geimverur ?

[Þuríður Björg Þorgrímsdóttir, 28.2.2008 kl. 22:21]

Ég hlýt að vera geimvera líka því ég horfði sko ekki á úrslitin í Laugardagslögunum . Hef reyndar ekki horft á þau í allan vetur því mér leiddist fyrsti þátturinn alveg óskaplega mikið og langaði ekki að halda áfram að horfa. Reyndar leiðast mér líka spurningaþættir alveg svakalega mikið, önnur sönnun þess að ég er geimvera...

[Hrafnhildur Ýr Vilbertsdóttir, 28.2.2008 kl. 23:03]

Já enn......þess vegna ertu svona skemmtileg kona....þú ert ekki eins og allir hinir.

Sjálf er ég gjarnan á skjön við meirihlutann, er þó með bílpróf og meira próf á moppuna mína..

[Jóhanna Magnúsar- og Völudóttir , 28.2.2008 kl. 23:14]

Gulur, rauður, grænn og blár ... fjölbreytileiki er skemmtilegri en fábreytileiki... mig langar ekki í jeppa - ekki í plasmasjónvarp - elska Sushi (en mörgum finnst það vont svo ég efast um að þú sért í minnihluta þar) .. hef lesið tvær bækur eftir Arnald, Grafarþögn var góð en Kleifarvatn klén.  Hmmm...

[Laufey Ólafsdóttir, 28.2.2008 kl. 23:18]

Þú ert fullkomlega eðlileg á minn mælikvarða (sorrí tú breik it tú jú beibí) Ég á einn og hálfan þátt af þessum laugardagslögum, einn því ég var í heimsókn, hálfan því það var óvart kveikt á sjónvarpinu og ég gleymdi að slökkva. Hafði ekki hugmynd um að úrslitin væru væntanleg og missti því blessunarlega af þeim. Leiðist líka spaugstofan og júróvisjón.

Ég hef aldrei tekið bílpróf og jú, ég er að fara að blogga

Lovjú! 

[Jónína Dúadóttir, 28.2.2008 kl. 23:28]

Mér finnst þú bara ferlega normal......

[Steingrímur Helgason, 28.2.2008 kl. 23:31]

Ég hata að þurfa að viðurkenna það, en í laumi er ég sammála þér með 'Plasmaskjái'.

Að öðru leiti jafnStefánumst við um ósammálið, ezzgan...

[Sædís Ósk Harðardóttir, 29.2.2008 kl. 01:13]

Við eigum greinilega margt sameiginlegt

tilheyrum sama flokknum, ég horfði ekki á laugardagslögin, ég borða ekki sushi, mig langar ekki í plasma, mér leiðist spaugstofan.  Við erum kannski þá bara báðar geimverur, en að minnsta kosti þá frábærar geimverur

[Tiger, 29.2.2008 kl. 02:44]

  Sú mí but i think u and me are trúlí fúl/l á móti, but ...

  if we kick some ass - we will get better.

[Signý, 29.2.2008 kl. 03:13]

Ég er í svona sér deild held ég, þegar kemur að skoðunum, lífsviðhorfum, mat og því sem mér finnst vera gott sjónvarpsefni... Það virðist enginn vera sammála mér neinnsstaðar...

kannski erum við í sömu deild hvað þetta varðar?

[Guðrún Emilía Guðnadóttir, 29.2.2008 kl. 09:20]

Þú ert allavega ekki ein í heiminum þó við höfum öll ólíkar áherslur.
Hver á að ráða því hvað er norm eða ekki.

Ég horfi næstum aldrei á sjónvarp og mér finnst plasmaskjárinn hennar dóttur minnar ekkert betri en gamla tækið mitt.
ég er þrælgóður bílstjóri, er nýkomin af jeppanum niður á jörðina,
ekki sátt.
Elska Ítalskan mat og shusi, elska bara allan mat, næstum.
öskureið út í pólitíkina í dag eins og svo oft áður,
þeir eru bara ekki að standa sig.
það sem verra er þeir halda þessir bjánar, að við séum trúgjarnir vitleysingar
Hver á eiginlega að segja hvað sé rétt og eða rangt???

[halkatla, 29.2.2008 kl. 11:18]

sushi er viðbjóður (ég hef samt ekki smakkað það, enda væri það bara snobb), ég og þú erum alltaf sammála um stjórnmál, ef þú fílaðir dr spock þá værum við sammála um það líka