Fremínisti og morgunpælingar

 

Var að vakna eftir að hafa sofið frá kl. 22,00 í gærkvöldi.  Úff hvað það er gott að vera komin heim, þó farangurinn af Vogi sé hér í pokum og töskum út um alla íbúð.  Hvernig getur kona farið inn á meðferðarheimili þar sem maður er á slopp, með fulla ferðartösku af fötum og finnast hún samt hafa gleymt helmingnum heima?  Það kemur seint sá dagur að það verði allt í lagi með mig. En nú verður þvegið.

Ég er búin að lesa AA-bókina og er tilbúin inn í daginn.

Jenný Una og Hrafn Óli komu í heimsókn í gær og það urðu miklir fagnaðarfundir hjá okkur nöfnunum, en hún sagði í ásökunartón við ömmu sína:  Amma þú ert búin að vera mjög, mjög lengi á spítalann, alveg þrjá daga (með áherslu á þrjá), það er það lengsta sem hún veit varðandi framtíðina.

Hrafn Óli agúaði bara og brosti framan í mig og þurfti enga áfallahjálp vegna fjarveru ömmunnar, enda bara tveggja mánaði og í þrusu góðum gír. Jössses hvað hann er fallegur.

Í gærmorgun átti eftirfarandi samtal sér stað á milli Jennýjar og mömmu hennar, þegar þær voru í bílnum á leið í leikskólann.  Þær voru að keyra fram hjá Hallgrímskirkju hvar iðnaðarmenn voru við vinnu uppi í kirkjunni.

Mamman:  Jenný sjáðu mennina sem eru að vinna svona hátt uppi í kirkjunni.

Jenný: Þa er líka kona þaddna.

Mamman: Já auðvitað, það segirðu satt elskan það getur líka verið kona að vinna þarna.  Ertu femínisti Jenný?

Jenný: Nei ég er Jenný Una Eriksdóttir. Ka err fremínisti?

Mamman: Það er þegar strákar og stelpur fá að leika með sama dótið eins og bíla og dúkkur. Og allir fá að gera jafn mikið.  Mamma er femínisti, pabbi, Helga frænka og amma líka.  Og eiginlega allir sem við þekkjum.

Jenný:  Ég leik með bleikan bíl og strákarnir með brúnan. Það er gaman. (Barn á prinsessuflippinu).

Mamman: Já eða strákarnir með bleikan og þú brúnan ef þið viljið.

Jenný: (löng þögn). Ég er FREMÍNISTI.

Auðvitað er dótturdóttir mín fremínisti, þó það nú væri.

Sé ykkur á eftir ódámarnir ykkar.  Farin að lesa færslurnar ykkar.

Dóntcræmíariver.

Úje 

Athugasemdir

[Linda Linnet Hilmarsdóttir, 27.2.2008 kl. 08:40]

Takk fyrir þetta,elsku Jenný mín,flott myndin af barnabörnunum þínumþau eru bara flottust.hafðu góðan dag og njóttu hans vel.Ástarkveðjur

[Þröstur Unnar, 27.2.2008 kl. 08:41]

Æi já. Það var einmitt eitthvað svona sem ég saknaði af blogginu.

Gott að fá þig inn aftur.

[Jónína Dúadóttir, 27.2.2008 kl. 08:55]

Svei mér ef ég hef ekki bara saknað þín slatta

[Hildigunnur Rúnarsdóttir, 27.2.2008 kl. 09:23]

velkomin til baka :)

[Sunna Dóra Möller, 27.2.2008 kl. 09:24]

Ég sé að Jenný Una fær alveg hárrétt uppeldi  og kann að taka réttar ákvarðanir að vel ígrunduðu máli. Þú átt sannarlega falleg barnabörn !

Eigðu góðan dag og það er eitthvað svo notaleg tilfinning að sjá þig aftur hér inni og nýjar færslur merktar við nafnið þitt. Þín hefur sannarlega verið saknað !

[Lára Hanna Einarsdóttir, 27.2.2008 kl. 09:58]

Mikið lifandis skelfing er hressandi að heyra í þér aftur! 

[Helga Magnúsdóttir (IP-tala skráð) 27.2.2008 kl. 10:46]

Velkomin heim, flott hjá þér að skella þér bara á Vog þegar þú fannst að var að síga á ógæfuhliðina. Fínt uppeldi sem barnabarnið þitt fær, snemma beygist krókurinn. Eldri sonur minn er eiginlega upp alinn á Rauðsokkuheimilinu á Skólavörðustígnum. Er 35 ára í dag og er enn gallharður femínisti.

[lady, 27.2.2008 kl. 11:18]

Til hamingju með það sem þú ert að takast á við ,,,að lesa bókina eftir Einari Má er  mjög góð hafðu það gott elsku vinkona kv Olöf Jónsdóttir

[Guðríður Hrefna Haraldsdóttir, 27.2.2008 kl. 11:32]

Mmmm, takk fyrir þennan jenfo-skammt. Nú trúi ég því að þú sért komin aftur. Darling!!!

[Tiger, 27.2.2008 kl. 12:46]

  an þín er æði. Svo yndislegt hve börnin geta verið sakleysislega hreinskilin og falslaus. Við hin eldri mættum oft taka þau okkur til fyrirmyndar. Sannarlega getum við lært af þeim, líkt og þau ættu að læra af okkar viskubrunni..

  

[Hrafnhildur Ýr Vilbertsdóttir, 27.2.2008 kl. 13:49]

Ég er líka freministi .....og allt mitt hyski....