Matseðill helgarinnar á hamfraheimilinu ásamt öðru óráðshjali

 

Það er eins gott að flýta sér.  Eins og ástandið er á mér með lungnabólguna og berkjubólguna og hitt stöffið, reiknast mér til að ég hafi svona korter áður en ég lyppast niður og skríð til beðju.

Samt er farið að krimta í mér, mér til mikillar ánægju en ég bilaðist úr hlátri þegar ég las færsluna hennar Dúu vinkonu minnar sem neitar að gerast Baadermaður.

Hér hefur verið borðað eftirfarandi (já þið megið nota uppskriftirnar)

Föstudagskvöld: Nóatúnsgrillaður kjúklingur, með kartöflusalati úr dós ásamt einni naanbrauðslufsu.

Laugardagur: Ekkert fyrr en kl. 21,00 í gærkveldi að pöntuð var pitsa með grænmeti og unidrrituð neyddi í sig einni sneið.  Fyrir svefn, 1 sveittur og marinn banani.

Sunnudagur: Ekkert fyrr en núna rétt áðan, að undirrituð neyddi í sig nakinn hamborgar úr einhverri grillsjoppu, ásamt banana (maður verður að borða svona sykursjúkur eins og maður er).

Ég mæli ekki með þessu nema fyrir þá sem eru með alltof háan líkamshita og ógleði á háu stigi.

Varðandi þetta með að bíllinn, atvinnutækið skyldi keyrður í rúst af einhverjum hraðaakstursmanni vil ég deila með ykkur pælingum mínum.

Á föstudaginn fékk ég keðjubréf.  Innan 6 mínútna átti ég að senda það á x marga vini og uppskera mikla lukku.  EF ég hins vegar gerði það ekki myndi ég verða fyrir stórkostlegu óhappi innan sólarhrings.

Hm... ég þoli ekki hótanir og eyddi bréffjandanum samstundis.  Kannski er það óráðið sem er að tala hérna, en haldið þið að þetta geti verið hefndarráðstafanir vegna þess að ég sendi bréfið ekki áfram???? (Fruuuuuuuuuuuss).  Ég er orðin smá nojuð hérna.

Og þið sem þekkið mig, ekki senda mér svona bréf, ég eyði þeim og hef hreinlega ekki efni á fleiri skakkaföllum í bili.

Það má svo koma fram í lokin, að ég hef gert mitt ýtrasta til að reykja í dag, en með slælegum árangri.  Dem, dem, dem.

Og mikið rosalega sem mín gamla vinkona, Álfheiður Ingadóttir, var flott í Silfrinu.  Go girl.

Er ég biluð?

Bítsmítúðebón.

Lofjúgæs

Úje og hóst,hóst.

Athugasemdir

[Þröstur Unnar, 13.1.2008 kl. 23:32]

Já Dúa Baader er dásamleg.

Hristu nú flensufjárann úr þér sem fyrst.

[Edda Agnarsdóttir, 13.1.2008 kl. 23:35]

Það var lakkrískonfekt hjá mér í kvöldmatinn!

[Ásdís Sigurðardóttir, 13.1.2008 kl. 23:46]

Ég borðaði kaldan lax og hugsaði mikið um baader fiskflökunarvélar og Dúu á meðan.  Leitt þetta með atvinnutækið, vona að viðgerð verði ekki rosa tímafrek eða dýr. Annars hef ég mun meiri áhyggjur af heilsu þinni, farðu vel með þig svo þú verðir orðin góð fyrir London ferð.

                                

[Jóna Á. Gísladóttir, 13.1.2008 kl. 23:58]

Djöfulsins aumingjaskapur er þetta í þér kona með reykingarnar. Geturðu ekki þrælað í þig nokkrum nöglum

[Heiða Þórðar, 13.1.2008 kl. 23:59]

Aldrei myndi mér detta í hug að áframsenda á þig né nokkurn annan keðjubréf. Vona að þér batni fljótt og vel og verð al-reykjandi strax á morgun....

[Steingrímur Helgason, 13.1.2008 kl. 23:59]

Sendi fullt af frírri samúð með flensið glensið & óákjósanlega reykíngarleysið.

Já &, snilldar matseðill hjá fárveikri húsmóðurinni sem að lýsir bæði fórnfýsi að hætti fornkvennaskörúngar sem & bjargráðum nútímakonunnar.

[Bjarndís Helena Mitchell, 14.1.2008 kl. 00:54]

Láttu þér batna. Skítt með allt hitt, reyndu líka að slafra í þig einhverju heilsusamlegra með þessu skyndijukki. Allavega fjölvítamín og lýsi. Knús frá mér.

[Ragnheiður , 14.1.2008 kl. 01:00]

Jahá mér varð eiginlega smá flökurt af matseðlinum  Ég var svo þjóðleg (og er að spara) að ég át bara skyr í kvöldmatinn núna.

Láttér batna gæskan...

[Eva Benjamínsdóttir, 14.1.2008 kl. 01:55]

Hrísgrjóna-búðingagrjónagrautur með rúsínum hjá mér, vantaði bara súra slátrið.

Hentu óhrædd öllum keðjubréfum, ekki áframsenda þau til mín heldur.

Farðu vel með þig Jenný og góðan bata. Hittumst í reyknum eða hættum í reyknum...maður er þræll

Kraftur til ykkar kv.eva

[Kolgrima, 14.1.2008 kl. 01:57]

Það er ekki fallegt að senda keðjubréf með hótunum Vona að þú náir heilsu fyrir Londonarferðina og getir notið þess að reykja í Leifsstöð.

[Sunna Dóra Möller, 14.1.2008 kl. 08:34]

Þetta er nú meira ástandið ! Ég vona að rísir fljótt upp og getir farið borða almennilegan mat og reyki í friði fyrir flensu, hósta og hita !

Batnaðarkveðja inn í daginn !

[Jóhanna Magnúsar- og Völudóttir , 14.1.2008 kl. 09:17]

Hélt að allir væru hættir að senda áfram svona kveðjubréf ... svona a.m.k. með hótun um hamfarir  ... Góðan bata á þessum síðustu og verstu tímum...

[Steingerður Steinarsdóttir, 14.1.2008 kl. 09:48]

Já, þau eru mögnuð þessi keðjubréf. Góðan bata.

[Kristín Katla Árnadóttir, 14.1.2008 kl. 10:34]

Vonandi að þú náir þessu úr þér fljótt kveðja.

[Gísli Baldvinsson (IP-tala skráð) 14.1.2008 kl. 11:29]

Láttu þér batna. Gufuöndun undir handklæði og hunang, með dassi af góðri tónlist.

[Hildigunnur Rúnarsdóttir, 14.1.2008 kl. 12:18]

ég slít alltaf svona keðjur og ætti að vera dauð fyrir löngu :D