Æi hoppum inn í nútímann og dömpum völvunni!

 

Er ekki kominn tími á að dömpa völvunni?  Ég meina, þessir spádómar eru algjör steypa.  Seint í  september sat ég á biðstofu læknis og sá völvuspána fyrir þetta ár sem nú er að líða og ég lá hláturskasti.  Það var ekkert sem komst nálægt því að hafa ræst.  Frekar að hlutirnirhefðu farið  í þveröfuga átt, svei mér þá.

Kannski er þetta bara skemmtileg lesning, svona eins og dægradvöl, fólk les sér til gamans og gleymir svo lestrinum samstundis.  Það er ekki líklegt að manneskjur séu með Vikuna í töskunni allan ársins hring og um leið og eitthvað er í gangi vaði það í blaðið og beri málin saman við völvuspádóminn. Alveg; flett, flett, hvað segir völvan um þetta?  Geggjuð tilhugsun annars.

Ég ætti bara að brosa og láta þetta ekki fara fyrir brjóstið á mér, það er ekki eins og þetta sé meiðandi.

En það hefur eitthvað gerst með mig undanfarin ár, ég er orðin svo gagnrýnin á allt sem heitir andleg málefni, spádómar og kukl.

Einu sinni gleypti ég við öllu, trúði öllu og átti ekki til gagnrýna hugsun þegar svona málefni voru annars vegar.

Núna vanda ég valið, alveg einstaklega vel og vandlega.

Það er ekki margt sem stendur eftir en samt örlítið og fj.. fjarri mér að ég ætli að upplýsa nánar um það hér.  Fólk hefur verið sett í treyjur með undarlegum ermum fyrir minna

Þess vegna fara svona patent spádómar fyrir brjóstið á mér.  Stjórnin springur, borgarstjórnarmeirihlutinn líka, svart útlit á peningamarkaði og atvinnumarkaði líka (er ekki þetta svartsýnisraus í hverjum einasta fréttatíma þessa dagana?) og það krúttlegasta, tammtatatamm, að tveir þjóðþekktir menn deyi á næsta ári!! Hverjar eru líkurnar hérna, á að amk tvær manneskjur sem þekktar eru í þessu litla þjóðfélagi fari  EKKI yfir móðuna miklu á árinu 2008?

Svo segir hún að jafnréttismálin hreyfist hægt (vá, ég hissa, þau eru nefnilega alltaf á svo mikilli fart) og að umræða um femínisma sé komin út í tóma vitleysu.  Þarna er völvan með  skoðun en ekki spá, bara svo það sé á hreinu.

Kommon.

Ég mun að sjálfsögðu éta yfirhöfn eða eitthvað, ef spádómnum um ríkisstjórn slær inn. Ójá.

Úje

 

Völvan spáir stjórnarslitum

Athugasemdir

[Jóna Á. Gísladóttir, 28.12.2007 kl. 23:47]

hehe ég á bæði ullarkápu og leðurjakka sem þér er velkomið að éta í lok næsta árs ef illa fer.

[Jenný Anna Baldursdóttir, 28.12.2007 kl. 23:49]

Jóna, ef hún springur í janúar og ég búin að éta yfir mig?  Er hægt að grilla leðurjakka?  Er ullin kannski betri?  Ég meina kindakjöt er nærri því ull, allavega hafa ull og kjöt verið í nánu samneyti í lifanda lífi

[Steingrímur Helgason, 28.12.2007 kl. 23:57]

Mér rennur til gruns að Gurrí verði ekki skemmt með þessa færslu þína.

Svo finnst mér náttúrlega ójafnréttlátt að kyngreina Völvuna á þennann hátt, því að þá er alltaf hægt að kenna 'henni' um allt, ef að 'henni' verður á í fyrirsjánni, sinni...

[Jens Guð, 29.12.2007 kl. 00:33]

  Það er með ólíkindum að fólk skuli ár eftir ár falla fyrir þessu völvu-rugli.  Það er ekkert eðlisfræðilegt,  líffræðilegt eða vitsmunalegt sem bendir til annars en að um bull sé að ræða.  Í raun fjarri þvi og þvert á móti. Bara tómt bull. 

[Jenný Anna Baldursdóttir, 29.12.2007 kl. 01:03]

Steingrímur: Af hverju ætti Gurrí að verða "ekki skemmt"? Hún er blaðamaður á Vikunni en ekki völvan!!

Jens: Þetta hefur skemmtanagildi.

Benedikt: Það er auðvitað alltaf möguleiki á að hm... þetta sé ekki bull.

[Guðríður Hrefna Haraldsdóttir, 29.12.2007 kl. 01:08]

Held að flestir taki þessu nú með fyrirvara, það rættist nú ansi margt. Ekki hefði mig t.d. grunað að Kristinn H. Gunnarsson færi yfir til Frjálslyndra ... eða að það fæddist krónprinsessa í Danmörku ... eða ... jamm, þetta hefur skemmtanagildi og bara gaman ef eitthvað af þessu rætist. Knús í bæinn.

[Marta B Helgadóttir, 29.12.2007 kl. 01:28]

Alveg sammála þér Jenný, mér likar ekki svona bölsýnisspár

[Edda Agnarsdóttir, 29.12.2007 kl. 01:39]

Myndin er dásamleg sem fylgir færslunni! Ég er sammála þér í því að það er ekki spá heldur skoðun þegar sagt er "að umræða um femínisma sé komin út í tóma vitleysu"!

[Guðríður Hrefna Haraldsdóttir, 29.12.2007 kl. 01:42]

Það er nú ekki allt neikvætt. Ef stjórnin springur þá er það bara neikvætt fyrir Sjálfstæðismenn og Samfylkinguna. Ef þetta gengur eftir þá eigum við t.d. eftir að ná langt í Evróvisjón, veiðirsumarið 2008 betra en 2007, löggunni gengur betur að ná dópsmyglurum, heilbrigðisráðherra tekur til hendinni, , sumarið verður gott og fleira og fleira. Fjölmiðlar velta sér yfirleitt mest upp úr þessu neikvæða. Ég tók viðtalið við völvuna og hún sagði margt jákvætt og skemmtilegt líka.

[Steingrímur Helgason, 29.12.2007 kl. 01:56]

[Svala Jónsdóttir, 29.12.2007 kl. 02:01]

Ég hef oft hugsað til þess að það væri gaman að geyma völvublaðið til næstu áramóta og sjá þá hvað rættist, en framkvæmdin orðið minni.

Man þó þegar völvan spáði því að fyrsti formaður Samfylkingarinnar yrði kona. Svo var nú ekki, nema Össur hafi farið í kynskiptiaðgerð án þess að við vissum. Ég hef álíka mikla trú á því að stjórnin springi á árinu, eða meirihlutinn í Reykjavík. En þetta er auðvitað fyrst og fremst til gamans.

[Jón Steinar Ragnarsson, 29.12.2007 kl. 04:04]

Mér finnst þetta nú gamanmál miðað við 7. dags Aðventista, Vottana og aðra trúarnötta, sem halda meðlimum sínum og öðrum einfeldningum  í ótta og angist með heimsendaspádómum sínum, sem enn hafa ekki ræst að mér vitnandi. Vottarnir hafa spáð heimsendi sex sinnum og enginn er einusinni farinn að efast smá um ruglið.

Skrifaði nú grein, sem olli miklu fjaðrafoki um tilgang spádóma, þar sem ég benti á að engir af spádómum biblíunnar hafi ræst. Þeir spádómar, sem menn telja hafa ræst voru uppfylltir, þ.e. menn léku eftir það sem í spádómum stóð. Þaðmyndi ég treysta mér í. T.d. segja að þú eignaðist bíl á árinu en ef það væri ekki að ganga eftir myndi ég kaupa einn fyrir þig til að uppfylla spádóminn.

Spádómar hafa verið í tengslum við óttaprang og stjórnun frá upphafi og hafa engann tilgang, nema svokallaður líkindareikningur í veður og fjármálaspám t.d.  Fjármálaspár hafa hinsvegar oftar en ekki áhrif á framþróun í sjálfu sér, þar sem fólk grípur til aðgerða í ljósi þeirra. 

Spádómar eru einnig hafðir óljósir, svo möguleiki sé á að þeir hugsanlega rætist eins og í tilfelli Völvunnar um lát þjóðkunnra manna.  Aldrei er sagt hver.  Þetta er eitt höfuðeinkenni spádóma. Ef tilgangur væri í almennum spám um að forða frá voða, þá væri ómögulegt að sjá hvort spádómar væru réttir líka.

Spáði ég því að flugvél muni farast á morgun og menn tækju mark á því og kyrrsettu viðkomandi flugvél eða allar ef spádómurinn er óljós, til að forða váinni, þá verður eftirá erfitt að segja til um hvort spáin vr á rökum studd.  Spá gæti því aldrei verið um neitt annað en hið óumflýjanlega og hvað höfum við svosem við það að gera að vita hið óumflýjanlega?

[Jón Steinar Ragnarsson, 29.12.2007 kl. 04:13]

Ég spái því að á morgun verði slys af völdum flugelda hér í bæ. Ef það verður ekki, get ég þakkað það viðvörunarorðum spádómsins. Ef það verður, þá get ég sagt: "Hey sagði ég ekki?!" og fengið ómælda aðdáun fyrir djúpviskuna.

[Jón Steinar Ragnarsson, 29.12.2007 kl. 09:15]

Mátti svo til með að linka á þetta.  Loksins original efnistök hjá Stebba fréttakalli og loksins er ég hjartanlega sammála honum.

[Jenný Anna Baldursdóttir, 29.12.2007 kl. 09:31]

Jón Steinar: Þarna tók sig upp húmor hjá Stebba sko, ég er ekki viss um að hann hafi haldið á penn... ég meina lyklaborðinu.  Hahahaha