Nú kom vel á vondan

 

..og það er ég sem kafnaði nánast í eigin skömm og þurfti að éta heldur betur ofan í mig.  Reyndar gerist það nokkuð oft þannig að ég ætti að vera farin að venjast því, en hvert skipti er eitthvað svo ferskt og nýtt

Í dag fór ég í Hagkaup, sem á ekki að vera í frásögur færandi, en ég þrjóskast við að gera það að issjúi samt.

Ég keypti mat og aðrar nauðsynjar.  Só?

En..

Svo fór ég í ungbarnadeildina til að kaupa nokkrar samfellur á Hrafn Óla og þær áttu að vera nr. 50, af því hann er jú glænýr og alveg svakalega lítill.

Ég tjillaði í krúttkasti í ungbarnadeildinni og var nokkuð góð með mig.  Skoðaði allskyns dúlluætem á meðan ég svipaðist um eftir samfellum nr. 50 með hálfum ermum.  Mamman hafði mælt svo fyrir.

Ég sá hryllilega sætar sollis, hvítar með rauðum og grænum blómum (reyndar sá ég engar aðrar í þessari stærð).  Ég alveg við sjálfa mig í huganum: Guð svo krúttlegt, þetta gengur bæði fyrir stelpur og stráka og auðvitað skiptir bleikt og blátt ekki máli, algjört kjaftæði bara (enda hafði ég bloggað mig heita um heimskulega litastöðlun á ungbarnafötum) og á þessu stigi máls var farið að fjúka verulega í mig í huganum yfir heimsku mannanna með sína kynbundnu liti.  Ég kippti með tveimur svona rósóttum og tók eina síðerma með bláum fíl líka, bara að gamni, algjör tilviljun að flík var blá

Ég keypti krúttlegan poka og skutlaði vörunni í hann og á leiðinni til Söru fór mér að líða illa.

Ætli Sara haldi að mig hafi langað til að hún eignaðist aðra stelpu?

Ég keypti rautt, kannski heldur hún að ég sé á einhverju???? Það er bigtæm ef hún heldur það, m.t.t. að ég er alki og sonna.

Ég var niðurbrotin þegar ég kom heim til barnabarnanna og um leið og ljósmóðirin (sem var í heimsókn) var farin bað ég mér griða.  Fyrirgefðu Sara mín, ég hélt að þetta væri í lagi, ég skal skipta þessu, auðvitað villtu ekki stelpulit (ég var orðin verulega aumkunarverð á þessu stigi máls).

Sara: Mamma, róleg, rosalega ertu smáborgaraleg.  Þetta eru samfellur, flík til að vera í innanundir, róleg kona.  Og þar fyrir utan þá skiptir þetta litasystem ekki neinu máli, þú verður að hoppa inn í nútímann, allir löngu hættir að pæla í bleiku og bláu.

Ég:  (Hún hefur greinilega ekki lesið bloggið mitt)

Ég keypti smá pakka handa Jenný Unu hún knúsaði mig smá en þegar ég var að fara þá sagði hún: Amma þú átt að þvoðér um hendurnar.

Ég: Ha????

Jenný: Ljósamaðurinn segir að allir á að þvo hendurnar út af bróðir mín.

Ókók, ég þvoði mér um hendurnar áður en ég fór.

Ljósmóðir - Ljósamaður, ekki stór munur.  Tók viljan fyrir verkið.

Later!

Úje.

Athugasemdir

[Sunna Dóra Möller, 28.12.2007 kl. 20:13]

Þú ert svo frábær og þetta blogg er eitt dæmi um hversu mikil snilld bloggið þitt er, ég brosti út að eyrum og lifði mig af innlifun inn í atburðarásina !

Takk fyrir mig og eigðu gott kvöld !

[Birna Dis Vilbertsdóttir (IP-tala skráð) 28.12.2007 kl. 20:18]

[Ásdís Sigurðardóttir, 28.12.2007 kl. 20:24]

Ég var sko alveg með þér í Hagkaup í dag, kannski eins gott að það var í plati, ég hefði misst mig í mega krúttkasti og keypt hálfa búðina á Hrafn Óla og restina á nöfnu þína, ó mæ god. Þú ert bara snillingur.

[Anna Benkovic Mikaelsdóttir, 28.12.2007 kl. 20:58]

...

[Jens Guð, 28.12.2007 kl. 21:25]

  Hehehe!  Og skemmtileg mynd af litlu stelpunni.

[Bryndís R (IP-tala skráð) 28.12.2007 kl. 21:47]

Þvílíkar krúttíbolllur sem þú átt þarna

[Ragnheiður , 28.12.2007 kl. 22:09]

Nú auðvitað er ljósameistari ríkisins að skoða nýborinn stórhöfðingja. Mér finnst samt best að þú fórst hrein heim þarna skrúfan þín

[Jóna Á. Gísladóttir, 28.12.2007 kl. 22:21]

[Edda Agnarsdóttir, 28.12.2007 kl. 23:41]

Djísús hvað þetta er groddalega krúttaralegt!

[Einar Indriðason, 28.12.2007 kl. 23:49]

Heh, nú stytti Hallgerður vel og mikið einn góðan, en ... punchlínan skilaði sér... :-)

Ljósamaður meikar alveg sens.

[Jenný Anna Baldursdóttir, 28.12.2007 kl. 23:51]

Já tjakkurinn er góður.

Edda Groddalegt? Hvað meinarðu? Við erum alltaf fíngerð og hámenningarleg í minni fjölskyldu.

Einar: Segðu..

Þið eruð öll svo skemmtileg að ég er í kasti.

Takk fyrir mig.

Ljósamannanefndin