Ég tognaði ekki á munni né tungu og fingur eru heilir

 

Þegar ég las kommentin frá ykkur í slysafærslunni hugsaði ég; að það væri ekki vitlaust að láta ekki frá mér heyra í eins og einn sólarhring í viðbót, því þá myndi söknuðurinn og sorgin vera búin að ná hámarki sínu upp á 20 klúta eða svo.

En ég er vel upp alin og þess vegna sest ég hér niður, með mína ÁVERKA og þræla inn eins og einni færslu.

Er vafin upp að hné, fóturinn er illa snúinn, ég mun ekki jólagera bókaskápa né nokkuð annað næstu daga að minnsta kosti.  Er komin með fólk í verkefnið og finnst það mjög leiðinlegt, því eins og sannri húsmóður finnst mér allt svo illa gert nema ég hafi komið að því sjálf (jeræt).

Er illa snúin á hægri fót frá hné og niður á ökkla.  Vafin í ógeðissokk og tek eitthvað bólgueyðandi með reglulegu millibili.  Göngulagið er þokkafullt, var spurð að því á leið út af slysó, hvort ég og Kvasímótó værum systkini.  Ég svaraði því til að mér væri ókunnugt um það.  Er hann annars ekki módel hjá Kevin Klein

Ég hef sum sé sofið af mér daginn.  Þess vegna fenguð þið ekki fréttir af mér og ég elska það þegar fólk saknar mín, það minnir mig á hversu stórkostlega ómissandi kærleiksbolti ég er.

Ég er barn Guðs.  Hógvært barn Guðs.

Sara og Helga, keyptu látin dýr og annað til að borða þau með í dag, þannig að nú hefur verkefnalistinn styðst um allan helming,

Ég þessi unaður af manneskju er farin blogghringinn.

Haltrandi að vísu, en ég kem mér alla leið.

Get kommenterað um víðan völl, engin tognun eða önnur slæmska í fingurum og munni.

Lovejúgæs.  Þið eruð bestust.

Falalalalala

Athugasemdir

[Sunna Dóra Möller, 20.12.2007 kl. 21:42]

Gott að vita af þér og láttu þér batna og farðu vel með þig !

góða nótt

[Ragnheiður , 20.12.2007 kl. 21:48]

Gott að bestu partarnir eru heilir  já eða svoleiðis . Hvaða bókaskápavesen ? Mínir eru bara lokaðir og rykfríir og ég pæli næst í þeim að vori

[Anna Ólafsdóttir Björnsson, 20.12.2007 kl. 21:52]

Æi, varstu að slasa þig ... gott að þetta er að skána og farðu vel með þig. Þú veist að jólin koma með eða án þinnar hjálpar, þannig að það er alveg óhætt að slaka á.

[María Kristjánsdóttir, 20.12.2007 kl. 21:55]

æ,æ -en gott er að eiga góða að. næst sleppirðu bara tiltektinni einsog ég. hugsa til þín.

[Jenný Anna Baldursdóttir, 20.12.2007 kl. 22:09]

SD: Takk sömuleiðis.

Beta:  Það skiptir máli ef maður er eitt fargins TÍSKUSLYS Á JÓLUNUM, hehe

Samhyggð:  Þú ert efni í stúdíu.

Ragga: Bókaskáparnir mínir ná yfir heilan vegg og það er nokkra daga vinna að taka þá í gegn svo vel sé.  Og þar sem Dúa kemur í mat um hátríðirnar þá verð ég að vera búin að raða, gera og græja, hún þolir ekki óreiðufjandann í skápunum.

Anna: Mæl þú heilust.

María: Þetta með að sleppa tiltektinni er her með sett í nefnd.

[Ásdís Sigurðardóttir, 20.12.2007 kl. 22:10]

Gott að þú ert ekki málhölt, það hefði farið illa í okkur vini þína, en velkomin heim og ég er glöð að þú ert ekkert brotin.  Vertu samt duglega að láta aðra snúast í kringum þig, það er voða notó stundum, hefur nafna þín litla séð þig í þessu ástandi? býð eftir krúttlegu kommenti frá henni.   ja máttug ertu kona, allt í einu fyrir algjöra tilviljun fattaði ég hvernig ég get gert fullt af bros eða ljót köllum í einu án þess að þurfa að opna brosið í hvert sinn. 

                  

[Steingrímur Helgason, 20.12.2007 kl. 22:21]

Jááááaaa, sæl......

Svona eru bálkar að hrakfarast.

Ég finn til Samhyggðar...

[Ragnheiður , 20.12.2007 kl. 22:27]

Aha...þetta er sem sagt Dúu að kenna hehehe....

[Jón Steinar Ragnarsson, 20.12.2007 kl. 22:35]

Maður var farinn að hafa djúpar áhyggjur. Sá skuggann og þögnina berast yfir bloggið.  Sá fyrir mér rjúpu í æð og hangiketspillur...malt/appelsínleggur.  Mikið er mér létt.  þAð hefði verið erfitt að skrimta þessi Jól án almennilegra Jólablogga.  Ekki má maður Jólaglögga allavega.

[Marta B Helgadóttir, 20.12.2007 kl. 23:10]

Gott að þú ert mætt á svæðið aftur. Það er svo miklu líflegra þegar þú ert hérna. Góðan bata

[Jenný Anna Baldursdóttir, 20.12.2007 kl. 23:18]

Marta: Takk ´sskan.

J'on Steinar: Góður

Hallgerður: Ég mun setja ALLA fjölskylduna í vinnu við að þjóna mér.

Ragga: Allt Dúu að kenna.  Auðvitað.

Steingrímur: Held að hún (samhyggðin) sé ekta í þínu tilfelli.  Hin samhyggðin er komin á bannlista.

Ásdís: Jenný Una spurði mömmu sína alveg út ur um meiddið á ömmu.

Fór ammamín að gráta, fékk hún blóð, en plástur, en meðall?  Híhi

[Ágúst H Bjarnason, 20.12.2007 kl. 23:54]

Sæl Jenný

Oft hef ég litið við og lesið ágæta pistla þína og haft bæði gagn og gaman af. Það er kannski skömm frá að segja, að líklega er þetta fyrsta kommentið frá mér. Hvers vegna fyrsta? Veit ekki, en þegar maður er sammála því sem verið er að fjalla um er ekki beinlínis þörf á að trufla umræðurnar.

Hvað sem því líður Jenný, þá vil ég þakka kærlega fyrir áhugaverða, nærgætna og mannlega pistla.

Með kærri kveðju

[Hugarfluga, 21.12.2007 kl. 00:13]

Hjúkkit!! Nú er bara að gera gott úr umbúðunum á fætinum og vefja seríu utan um, líma jólasluffur og eitthvað annað jólalegt og leyfa fólki að dansa í kringum þig.  Pollýannan fer á algjört tripp við tilhugsunina.

Smjúts! 

[Steingrímur Helgason, 21.12.2007 kl. 00:29]

Jenný, náttla var hún það, hin er mætt mín megin líka.  Er að íhuga um að rétt væri að ættleiða kvikindið barsta, því til lexíu & lærdóms um auðmýkt & íhugun um betri siði.

[Jóna Á. Gísladóttir, 21.12.2007 kl. 00:31]

skammastínaddna að svara ekki mailinu mínu í dag og ekki símhringingu.. sniff

[Jenný Anna Baldursdóttir, 21.12.2007 kl. 00:41]

Fékk ekki meil honní, og vaf sanslaust í allan dag.  Búin á því.  Hringud núna.  Llalala

Steingrímur: Góður

[Heiða B. Heiðars, 21.12.2007 kl. 00:50]

Það sem þú leggur á þig til að sleppa við að skipuleggja bókaskápana!!! Full dramatískt hjá þér

Láttu þér batna hækjan mín.. (færðu ekki fullt af stjani svona slösu?)

[Hrafnhildur Ýr Vilbertsdóttir, 21.12.2007 kl. 02:04]

Gvöð hvað ég er fegin að þú ert með heila putta og skír í kollinum, það er orðin partur af daglegri rútínu að lesa bloggið þitt

( svakalega sem þetta er eigingjarnt af mér ) auðvitað er ég líka glöð þín vegna að þú ert ekki hættulega slösuð.