Bloggarar með jólasveinahúfur

Jesús minn hvað það er orðið jólalegt í bloggheimum.  Annarhver bloggari er búinn að troða jólahúfu á hausinn á sér og það framkallar hvert krúttkastið á fætur öðru, hjá mér sko.  Fólkið er misfært á tækin og tólin sem notuð eru til að skella inn þessum höfuðfötum, sumstaðar lenda húfurnar á ská, yfir auga, fram á enni eða aftur á hnakka.  Arg svo sætt.

Svo vandast málin þegar umræðan harðnar.  Í athugasemdakerfum bloggheima, er verið að ræða alvarlega hluti stundum, og fólk alveg bálreitt og vill undirstrika meiningar sínar eins og t.d.: "Steinþegiðu hálfvitinn þinn" eða "Meira femínistabullið í þér kelling" eða "Þetta verður ekki þolað lengur".  Og höfundurinn grafalvarlegur á meðfylgjandi mynd með jólahúfu og hana ofan í augu eða aftur á hnakka.

Þá liggur maður í hlátri og kemst í þetta líka bráðskemmtilega jólaskap.

Takk jólasnúðarnir mínir.

Ég elska bloggara með jónsveinahúfur.

Falalalalala

Athugasemdir

[Hugarfluga, 11.12.2007 kl. 13:50]

Hahahaha, var IMMITT að hugsa þetta um daginn.  Hvurnig á að taka manneskju með jólasveinahúfu peistaða á hausinn alvarlega? (hnegg hnegg).  Eigðu góðan dag, blíðan mín.

[Huld S. Ringsted, 11.12.2007 kl. 14:02]

Ég sagði þetta líka þegar stelpan mín var búin að setja jólasveinahúfu á myndina mína:  "núna tekur enginn mig alvarlega" meira að segja ég fæ alltaf hláturskast þegar ég er búin að skrifa vitsmunalega athugasemd einhversstaðar og svo birtist myndin með jólasveinahúfu!

Ég ætti kannski að bulla út og suður núna!

[Heiða Þórðar, 11.12.2007 kl. 14:17]

Já einmitt mér finnst þetta alveg hrikalega krúttlegt....hvar er húfan þín?

Innilegar hamingjuóskir og stóran koss á Helgu...æðislega falleg mynd af henni, breytist ekkert...bara flottari og sætari. 

[Kristín Katla Árnadóttir, 11.12.2007 kl. 14:40]

Mér finnst þetta bara sætt og jólalegt.

[Laufey Ólafsdóttir, 11.12.2007 kl. 14:40]

Auðvitað ógissliga fyndið! Gott að vera bara alltaf sami asninn og þurfa enga húfu

[Kristín Katla Árnadóttir, 11.12.2007 kl. 14:43]

Falleg jólasíðan þín Jenný mín.

[Sunna Dóra Möller, 11.12.2007 kl. 17:27]

Það er algjörlega ekki sannfærandi að vera með jólasveinahúfu að rífa kjaft !

[Jenný Anna Baldursdóttir, 11.12.2007 kl. 17:45]

Hahaha, þetta er bara svo krúttlegt.

[Jón Steinar Ragnarsson, 11.12.2007 kl. 17:58]

Þetta er náttúrlega grafalvarlegt mál.

[Ragnheiður , 11.12.2007 kl. 18:10]

hehehe já þetta er fyndið.

[Marta B Helgadóttir, 11.12.2007 kl. 19:07]

...er ósofin eftir nóttina, örþreytt eftir vinnudaginn - en komst í gott skap að lesa færsluna þína Jenný  takk fyrir mig

[Einar Indriðason, 11.12.2007 kl. 21:57]

Færð sko ekki jólahúfu frá mér!

[Brynja Hjaltadóttir, 11.12.2007 kl. 23:17]

Ég held mig bara við mína púkalegu prjónahúfu allt árið um kring

[Hrafnhildur Ýr Vilbertsdóttir, 12.12.2007 kl. 00:09]

 tók einmitt eftir þessu á ferð minni um blogg heima....