Stelpupartý og fleira skemmtilegt

Nú ég fór í stelpupartýið og mikið rosalega var það skemmtilegt.  Við töluðum hvor upp í aðra um klarlmenn og hversu ömurlega ógeðslegir þeir geta verið.

Reynum aftur; stelpupartýið var æðislegt og við töluðum um allt milli himins og jarðar, hlógum en grétum ekki.  Kolgríma bauð upp á æðislegar veitingar og Edda Agnars bakaði smákökur ofaní okkur. Niðurstaða: Operation: Björgum heiminum hefur verið sett í gang.  Meira um það síðar.

Svo fórum við Sara ásamt Jennýju Unu Eriksdóttur í Bónus að kaupa hangikjöt á tilboði.  Frusssssssssssssss.  Það sem kona getur verið sparin fyrir jólin, en það borgaði sig um ca. 2000 kall.

Lítil stelpa hafði stokkið frá móður sinni og við gengum fram á hana þar sem hún gekk um ganga í versluninni, pínulítið að gráta og kallaði á mömmuna sína.  Við redduðum málinu og Jenný Una sagði: " Amma, stúlkan hefur hlaupist á brott", halló þú tæplega þriggja ára barn, hvenær á að taka hrumaprófið í íslensku? 

Svo var borðaður góður matur, þrifið og svona á meðan Einar og Jenný Una lituðu eins og þau ættu lífið að leysa og fóru í gegnum jóladót.

Jenný Una kom fram og kvartaði yfir teiknihæfileikum Einars og hún sagði; amma, hann Einar á að teikna jólasvein en hann gerir alltaf grís.

Nú eru þær mæðgur farnar að ná í pabbann, sem að sögn barns "er allta a spila trommurnar sínar í vinnunni".

Og áfram jólumst við..

Later

Falalalala

Athugasemdir

[Edda Agnarsdóttir, 9.12.2007 kl. 21:49]

Hvað gerðirðu eiginlega við Jónu?

Æ hvað hún Jenný Una er mikil rúsína.

[Ragnheiður , 9.12.2007 kl. 21:50]

Ég sé að ég verð að vera extra góð við Einar í vinnunni, hann er kerfisbundið brotinn saman heima, af barni hehehe..

Hitti ég ykkur á morgun ?

Klús

[Jenný Anna Baldursdóttir, 9.12.2007 kl. 21:54]

Edda: Varð að fara heim og opna fyrir Sörunni og Jenný.

Ragga: Á morgun, hverju er ég að gleyma?

[Valgerður Halldórsdóttir, 9.12.2007 kl. 22:42]

Ég var líka í skemmtilegu stelpupartýi um helgina - fór í útgáfuteiti með fullt af konum. Tilefnið var útgáfa bókarinnar "Konur eiga orðið allan ársins hring"

Voru 64  konur sem áttu línur í bókinni. Er margt skemmtilegt að finna í henni. Ein þeirra er t.d. eftir Guðrún Helgadóttur  "Sjálfstraustið býr í brjósti okkar, ekki í brjóstunum okkar.  Góð

Hluti hagnaðarins af sölu bókarinnar fer til rannsókna á þunglyndi kvenna.

[Valgerður Halldórsdóttir, 9.12.2007 kl. 22:46]

Var aðeins of fljót að senda, best að hafa þetta rétt! Sjálfstraustið býr í brjósti okkar, ekki í brjóstunum á okkur! Enn betra

[Hrafnhildur Ýr Vilbertsdóttir, 9.12.2007 kl. 22:47]

Ég var auðvitað með í anda í gellupartýinu, allskonar atburðir urðu þess valdandi að ég komst því miður ekki kem suður sennilegast í januar og gaman væri að hafa hitting þá, er friðlaus  eftir að fá að hitta ykkur kéddlur...

[Guðríður Hrefna Haraldsdóttir, 10.12.2007 kl. 00:52]

Jamm, hér sat maður og vann á meðan ábyrgðarlausar bloggvinkonur djamma, sei, sei, sei. Mikið hefur verið gaman hjá ykkur, það er alveg greinilegt. Var m.a. að skrifa um þig í síðustu færslu. Og aðra manneskju.  Vona að ég sé ekki búin að eignast bloggóvin þar, varð bara að vara ykkur við ...

[Jóna Á. Gísladóttir, 10.12.2007 kl. 01:11]

hahaha ég sé að Edda hefur einhverjar áhyggjur.

Jenný Una er tilbúin í samræmt íslenskupróf en hvað er hrumapróf?

[Jenný Anna Baldursdóttir, 10.12.2007 kl. 01:34]

Jóna: Búin að útskýra hrumapróf á þinni síðu öldungurinn þinn

Jón Arnar: Ég vissi ekki að þú værir á landinu og farinn aftur?  OMG vona að þér takist að smygla öllu sem þig langar í "yfir" landamærin

Gurrí: Búin að kommenta hjá bloggaranum, sjáum til hvernig gengur.

Krumma: Við verðum að hittast í janúar og þá munum við væntanlega eftir að bjóða ÖLLUM stelpunum

Valgerður: Góð

[Guðrún B. (IP-tala skráð) 10.12.2007 kl. 01:48]

Mig langar að fara í svona stelpupartý,

Þekki bara engar stelpur   Ég er svo mikil strákastelpa

Ég er orginal

[Kolgrima, 10.12.2007 kl. 10:16]

Frábært að hitta ykkur, stelpur!

[Sóley Tómasdóttir (IP-tala skráð) 10.12.2007 kl. 20:58]

Ég var upptekin við að ræða við Egil Helgason á meðan á stelpupartýinu stóð - en finnst nú frekar viðeigandi að svona verði haldið aftur - og þá fái Sóley bjargar heiminum að heyra af opperasjóninni... Eller hur?