Af súlum, brúðkaupi og reyktjaldi

Búin í brúðkaupi, það var gaman, allir hressir, brúðhjónin flott, brúðurin reyndar unaðslega bjútífúl, enda systir mín.  Allir skemmtu sér vel, maturinn var góður, kaffi með ólíkindum gott og þeir sem drekka áfengi kvörtuðu ekki vegna bragðs eða styrkleika.  Persónulega get ég vottað að sódavatnið var hreinlega unaðslegt.

Það grét enginn.  Allir bara happí.

Ég skil ekki með súluna hennar Yoko, þ.e. af hverju hún er ekki látin loga a.m.k. fram á Þrettándann.  Ég meina að úti er sótsvart skammdegið og það verður til þess að stundum verður myrkur í sálinni hjá fólki og þá þarf að lýsa upp eins og mögulegt er.  Algjörlega svekkjandi. Láta loga bara, fram á vor.

  Svo strandaði Súlan á Suðurnesjum og ég er að pæla í hversu súludansstaðir hafa skemmt fyrir mér þetta ágæta orð sem "súla" er.  Ég verð alveg pirruð ef minnst er á súlu.  Sé allaf Geira Gold fyrir mér og það er vakandi martröð get ég sagt ykkur.

Á hótelinu þar sem veisla dagsins var, þurftum við svörtu sauðirnir í reykingaminnihlutanum að fara út að reykja og þar stóðum við og smókuðum í tjaldi.  Þið getið ekki ímyndað ykkur hvað það er erfitt að halda kúlinu þegar maður stendur og norpar með síuna frosnar við varirnar, skjálfandi og nötrandi.

Þó ég segi sjálf frá þá var ég dropp dedd gjorgíus þegar ég hélt til veislu, í svörtum kjól og geggjuðum háhælum, máluð eins og múmía og "tjaldaði" til minni fegurstu framkomu.  Eftir tvær sígópásur var ég komin með bláar varir, króníska kjúklingahúð á lappirnar, og ég skjögraði um eins og flogaveikur flóðhestur um veislusalina.  Djö... sem það getur verið fargings kalt.

Annars bara góð..

later..

Falalalalala 

 

Fjölmenni í Viðey

Athugasemdir

[Edda Agnarsdóttir, 8.12.2007 kl. 19:47]

Jenný mín, þú ert komin heim í það minnsta og það er best - engin kuldi og ekkert skjögur!

Annars með Yoko, friðarljósið er frá fæðingardegi til dánardægurs og ég man en eftir sorginni sem þyrmdi yfir mig og manninn þegar John var drepinn.

[Ásdís Sigurðardóttir, 8.12.2007 kl. 19:55]

Gott þú ert komin " til manna" og getur reykt inni, hefði alveg viljað sjá útlitið á þér eftir reyk pásurnar.  Eigðu gott kvöld ljúfust mín.

  

[Hrönn Sigurðardóttir, 8.12.2007 kl. 21:48]

Til hamingju með systur þína

[Kristín Katla Árnadóttir, 8.12.2007 kl. 22:10]

Það er gott að þú skemmtir þér í brúðkaup systir þinnar. Knús

[Marta B Helgadóttir, 8.12.2007 kl. 22:13]

Skemmtileg að vanda

Til hamingju með systur.  

[Ragnheiður , 8.12.2007 kl. 23:32]

Til hamingju með systur þína og til lukku með að hafa sloppið heim í hlýjuna....

Ég átti áreiðanlega eftir að segja þér í dag að mér þykir vænt um þig, sá skemmtilega fréttaklippu síðan 92. Sat bara og brosti eins og bjáni...notalegur staður, notalegt fólk.

[Jenný Anna Baldursdóttir, 9.12.2007 kl. 00:00]

Ragga: Sá hana líka, djö sem konur voru ungarog mér þykir líka ógissla vænt um þig

Takk allar, þið eruð æðislegar og ekki er verra að láta kitla í sér hláturtaugarnar Hallgerður.

Edda: Þetta var hroðalegt.  Er ennþá miður mín.

[Bjarndís Helena Mitchell, 9.12.2007 kl. 00:04]

Ég sé þig í anda koma inn úr reykpásunni! En til hamingju með systur þína og að vera komin inn úr kuldanum með síuna