Fíflablogg- Falalalalala

 

Já, já, ég er á leiðinni í brúðkaup systur minnar.  Hennar Hilmu Aspar.  Ekki leiðinlegt enda ég og fleiri orðin úrkula vonar um að konan lígaliseraði synduga sambúð sína með föður barnanna.  Segi sonna. 

Hún er sum sé að marsera upp að altarinu á eftir og svo verður veisla þar sem allar mínar sex systur ásamt mér og fleirum munum hittast.

Jájá, alltaf gaman í brúðkaupum.

Ætti að vita það, hef gift mig með reglulegu millibili frá unga aldri. 

Ég var spurð að því um daginn hvort ég væri ekki glöð með að vera kvenlegur Kristmann Guðmundsson, af manni sem les bloggið mitt.

Ég dæsti og sagði honum að taka með smá fyrirvara fíflafærslur á blogginu.

Róaði manninn svo og sagði honum að ég hefði bara undirgengist viðkomandi athöfn sinnum þrír.

Honum létti fjandann ekkert.

Farin í jólabrúðkaup

Falalalala

Athugasemdir

[Huld S. Ringsted, 8.12.2007 kl. 13:10]

Góða skemmtun í brúðkaupinu og til lukku með systir þína

[Þröstur Unnar, 8.12.2007 kl. 13:21]

Hef aldrei lent í brúðkaupi sem er skemmtilegt, en vona að þú djammir þig upp að hnjám.

Til hamingju með syssu.

[Sunna Dóra Möller, 8.12.2007 kl. 13:38]

Til hamingju með systur þína og góða skemmtun !

[Guðríður Hrefna Haraldsdóttir, 8.12.2007 kl. 15:21]

Flott hjá systur þinni að gera manninn að löglegum eiginmanni sínum, rómó svona rétt fyrir jólin ... yndislegur árstími, dæs

[Edda Agnarsdóttir, 8.12.2007 kl. 15:21]

Til hamingju með systu!

[Anna Ólafsdóttir (anno) (IP-tala skráð) 8.12.2007 kl. 15:55]

Til hamingju með systurina.  Mikið hlýtur þú að vera ánægð að fá eitt falalalala tilefnið enn á aðventunni. Mundirðu eftir að hengja jólabjöllur í eyrun áður en þú fórst af stað í kirkjuna? - segi sonna (múhaaaa)  Annars: Knús á þig

[krossgata, 8.12.2007 kl. 16:01]

Hver er Kristmann Guðmundsson?

Til hamingju með systurina. 

[Ásdís Sigurðardóttir, 8.12.2007 kl. 17:45]

Innilega til hamingju með systir.  Þrjár giftingar eru nú ekkert voða mikið, eg er búin að gifta mig tvisvar, alltaf jafn yndislegt. EIgðu góðan dag í systrafans.

[Kristín Katla Árnadóttir, 8.12.2007 kl. 19:33]

Til hamingju með systir þína og skemmtu þér vel elskan.

[Jenný Anna Baldursdóttir, 8.12.2007 kl. 19:37]

Takk fyrir krakkar,  Mjög skemmtilegt brúðkaup og enginn grét.

[Jenný Anna Baldursdóttir, 8.12.2007 kl. 19:37]

Kristmann Guðmundsson var rithöfundur og vann sér það til frægðar að giftast 8 x.

[Katrín Ósk Adamsdóttir, 8.12.2007 kl. 20:54]

Til hamingju með systir þína og mág