Er ég stjórnarandstæðingur?

Já, ætli ég verði ekki að játa það á mig.  Ég er meira að segja í bullandi andstöðu við ríkisstjórnina, þessa samsuðu Samfylkingar og Íhalds, og er vart búin að jafna mig á að ekki hafi verið mynduð vinstri stjórn.  En....

.. það þýðir ekki að ég sé ekki með misjafnar skoðanir á einstaklingum innan sömu stjórnar.

Fyrir utan mínar aðalhetjur í pólitík, sem merkilegt nokk, eru flestar í VG, að undanskilinni Jóhönnu Sigurðardóttur og örfáum öðrum.  Jóhanna er á topp tíu hjá mér og mér finnst hún einn af okkar flottustu stjórnmálamönnum.  Ég treysti fáum betur en henni, til að leiðrétta það skelfilega óréttlæti sem dunið hefur á öldruðum og öryrkjum undanfarin löng og myrk ár, sem ríkistjórn Framsóknar og Íhalds, vermdu valdastólana.

Þess vegna kemur mér ekki á óvart að Jóhanna láti verkin tala.  Hún er þeirrar gerðar.

Mikið skelfing finnst mér hún dásamleg tilbreyting í öllu kraðakinu af kjaftandi pólitíkusum sem gleyma kjósendum um leið og þeir eru komnir í valdastóla.

Þorgerður Katrín skorar hátt hjá mér líka og Solla er ekki slæm heldur.

Samt hika ég ekki við að eigna Jóhönnu bróðurpartinn af þessu frábæra framtaki, það ber með sér karakterinn hennar, eins og hann horfir við mér.

Nú mun ég gefa algjöran skít í þessa stjórn á næstu vikum.  Það verður að gagnrýnijafna.

Jóhanna á hinsvegar bara fallegar hugsanir skildar. 

Ælofðevúman.

Úje og falalalala

Tekjur maka skerði ekki bætur

Athugasemdir

[Ásdís Sigurðardóttir, 5.12.2007 kl. 21:50]

Jóhanna mín kona, er flottust

[Árni Gunnarsson, 5.12.2007 kl. 21:55]

Og finnst það bara ágætt að maðurinn hennar Þorgerðar fái að kaupa eignir ríkisins (okkar) fyrir smáaura. Svona til að verða ekki útundan þegar fjármálaráðherrann selur bróður sínum.

[Jenný Anna Baldursdóttir, 5.12.2007 kl. 21:59]

Árni: Reyndu að vera málefnalegur.  Hvern andsk... kemur maður Þorgerðar mínum topp tíu lista við?  Ég skil ekki samhengið.  Þú ert á einhverju langdregnu mótþróaskeiði maður.

Ásdís: Segðu.

[Sunna Dóra Möller, 5.12.2007 kl. 22:10]

Mér finnst Jóhanna algjör snillingur og hún á heiður skilið fyrir þetta mál !

[Gísli Baldvinsson (IP-tala skráð) 5.12.2007 kl. 22:43]

Munurinn á "vinstri" og "hægra" fólki er sá að sá hægra megin hefur trú og orðið er hjá G(eir). Þeir sem hallast til vinstri (þetta eru ansi úrelt hugtök) viðhalda alltaf stjórnar(and)stöðu sinni og standa vaktina. Fólk sem hugsar! Þar ert þú Jenný.

[Jóna Á. Gísladóttir, 5.12.2007 kl. 23:49]

YES YES YES YES  Ég trúi þessu varla. Mér líður eins og kraftaverk hafi átt sér stað.

[Anna Ólafsdóttir (anno) (IP-tala skráð) 6.12.2007 kl. 00:06]

Jóhanna er búin að skora þvílíkt á þessum stutta tíma sem hún hefur veríð í þessu embætti að fyrri félagsmálaráðherrar virka eins og þeir hafi verið geymdir í frosti mest allan tímann sem þeir voru í embætti

[Jenný Anna Baldursdóttir, 6.12.2007 kl. 00:24]

Anna: So farging true!

Jónsí: Svona koma jólagjafirnar til okkar, algjörlega óforvandis.

Gísli: Takk fyrir þetta og sömuleiðis.

SD: Sammála as always.

[Jenný Anna Baldursdóttir, 6.12.2007 kl. 00:24]

Óforvarandis auðvitað.  Hehe

[Steingrímur Helgason, 6.12.2007 kl. 01:36]

Einhvernvegin dettur mér til hugs að þú sért pólitísk ...