Gilzenegger ofurhetjan hugumstóra

Egill Einarsson hnakki og "skemmtikraftur", væntanlega að eigin mati, hefur tekið út subbulega færslu sína um femínista, þar sem hann nafngreinir fjórar konur, sem hann "ýjar" að, að eigi skilið að verða fyrir kynferðislegu ofbeldi.   Ég hef lesið úrdrátt úr þessari "stórkostlega skemmtilegu færslu" en ég veit ekki hvaða konur hann nafngreinir og mér er í raun alveg andskotans sama.  Það er í raun málinu óviðkomandi, það er hugurinn sem gildir.

Ég er á móti ofbeldi, í allri mynd, alltaf, þannig að ekki óska ég þessum heiðursmanni þess að einhverjir lemji hann.  Ónei.

Ekki óska ég þess heldur að hann detti á hausinn í desemberhálkunni og fái stóra kúlu á ennið og að það taki sig upp einhver lámarks hugsun, alls ekki, enda vel upp alin og nokkuð hrifin af umburðarlyndishugmyndinni og því að vera góð við minni máttar.

Þá er það frá.´

En við fréttina af hinni horfnu færslu, sem Gilzenegger mun hafa tekið út af tillitsemi við móður sína, sést að nokkrir eru búnir að blogga um fréttina, líkt og ég er að gera núna.  Þar var megininntakið í færslunum sem ég sá, hversu gott það væri hjá þessum ljóngáfaða pilti, að hafa tekið út bloggið, tímabundið, eins og hann sé hugumstórt mikilmenni sem beri hag móður sinnar fyrir brjósti.

Ætli það hvarfli ekki að neinum að ástæða brotthvarfsins sé ótti stórmennis við að verða kærður fyrir lögreglunni, en hún er með málið til skoðunar?

Fyrir mér er málið einfalt.

Subba er subba, þrátt fyrir að hún moki viðbjóðnum undir teppið.

Jájá.  Pilturinn ER heima en það er allt rafmagnslaust.

Falalalala

Gillzenegger tók bloggfærslu út fyrir mömmu

Athugasemdir

[Nanna Katrín Kristjánsdóttir, 5.12.2007 kl. 13:15]

Ég er sammála þér.  ÞEtta er bara ljótt hvernig andstæðan gegn feministum er orðin.  Ég sjálf er alls ekki sátt við stefnu þeirra og vinnu en mér finnst þessi andstæða hafa gengið of langt.

[Ólafur Jónsson, 5.12.2007 kl. 13:26]

Hann þarf ekki að hafa neinar áhyggjur af því að verða kærður, ég las færsluna, hún er ekki lýsa neinum hótunum um kynferðislegt ofbeldi, þannig er það nú bara.

[Helga (IP-tala skráð) 5.12.2007 kl. 13:35]

Segðu mér hvar er hann að óska þeim kynferðislegs ofbeldis í greininni?  Nú finnst mér full langt gengið með ýkjurnar og bullið.  Ekki misskilja, mér fannst þessi grein hans ekki fyndin og vart svaraverð en alvarleikinn sem þú kastar hér fram er fjarri sannleikanum.  Hann talar um að þeim skorti kynmök, sem er síðast þegar ég vissi ekki ofbeldi. Eða erum við ekki sammála um það? 

Það er í lagi að gagnrýna þennan sóðapistil en of langt er gengið þegar maðurinn er ásakaður um eitthvað sem er langt frá sannleikanum.  Þú Jenný sem gerir fátt annað en að blogga ættir að lesa greinina hans og kynna þér málið betur og askvaða ekki svona áfram í ásökunum, það er þér og þessari síðu þinni ekki til framdráttar.

[Edda Agnarsdóttir, 5.12.2007 kl. 13:55]

Það eina sem hægt er að ganga út frá, er fréttin sjálf inni á Mbl.is og þessi færsla er tenging við hana: Hvar er hægt að lesa það sem er fjarlægt?

Mér finnst áhugavert þegar fólk fer í vörn fyrir aðra og væri gott að skilgreining fylgdi með eins og t.d.hvort Helga er móðir hans Egils, kærasta eða systir?

Eða kannsi er Egill með erindreka? Helga ert þú eitthvað af þessu?

[Ólafur Jónsson, 5.12.2007 kl. 14:02]

Fréttamaðurinn er annað hvort femínisti eða hefur fengið símhringinu frá femínista og keypt bullið án þess að lesa færsluna. Sá sem hefur lesið þessa færlsu Gilz getur ekki misskilið hana svona nema hann vilji það.

[Guðrún Emilía Guðnadóttir, 5.12.2007 kl. 14:14]

Ja hérna Jenný! "Gerir bara fátt annað en að blogga".

mér hefur skilist að þú værir, kona, móðir,amma og margt annað, hefði haldið að það færi allnokkur tími í það allt saman, gerir það allavega hjá mér.

Hef ekki lesið bloggið hjá þessum gegt cool gæja,

en hjá mörgum öðrum og eru þeir bara miður skemtilegir, eiginlega, ömurlega leiðinlegir.

Ég segi: ,, Er það hans að ákveða hvað við konur þurfum mikið kynlíf", þetta er nú eiginlega bara hlæjilegt.

[Signý, 5.12.2007 kl. 15:23]

Ekki að ég ætli að verja einn eða neinn, finnst þetta mál allt hálf hlæjilegt, en það er bara ég... ekki hengja mig fyrir vikið.. en þetta er bloggið umrædda....

"Síminn hjá Ásgeiri Kolbeinssyni hefur ekki stoppað undanfarna daga og ku ástæðan vera sú að
feministar hafa verið óvenju óþolandi undanfarið. Þegar feministar verða of áberandi í fjölmiðlum
hefur ávallt virkað að kalla til Ásgeir Kolbeinsson til þess að gefa þessum leiðinda rauðsokkum
einn granítharðan í háruga bílskúrinn til þess að þagga niður í þeim. Það er almenn vitneskja að
þessir feministar væru ekki að haga sér svona ef þær væru að fá hágæðalim heima fyrir.
Hinsvegar er þetta ekki öfundsvert verkefni hjá Ásgeiri Kolbeinssyni því að þessar "dömur" er
flestallar ógeðslegar auk þess að vera geðsjúklingar. Rannsóknir hafa sýnt að leið og þessir
feministar fá klukkutíma ást frá manni eins og Ásgeiri eða sambærilegum fola þá hætti þær
þessum kjánaskap og fara að haga sér eins og eðlilegar konur.

Þar sem að Ásgeir Kolbeinsson er hluti af ritstjórn Fréttastofunnar þá tökum við á móti gjöfum alla þessa viku frá 12-16.

Fréttastofan leggur mikla áherslu á að eftirfarandi konur fái mök og það strax:"

Og þar hef upptalning á þessum fjórum femínustum. Mér persónulega finnst þessi færlsa hans ekki fyndin, en ekki í eina sekúndu dettur mér í hug að taka hana alvarlega, frekar en eitthvað annað sem hann skrifar. Þar fyrir utan er ekkeret talað um kynferðislegt ofbeldi, eða nauðgun eða eitthvað annað, svo ég skil ekki þennan ofsa allann...

Það eina slæma við þetta er að hann hafi fengið athygli út á þetta. Því þetta gerir það að verkum að hann eflaust gefur út aðra bók eða eitthvað. "Biblía fallega fólksins tvö" eða álíka gáfulegt... Eyðum tíma okkar frekar í eitthvað sem er svara vert og þess vert að vera hneykslast yfir. Mömmu strákar með minnimáttarkennd eiga hana ekki skilið

Friður! 

[Signý, 5.12.2007 kl. 15:52]

Það má slíta allt úr samhengi ef viljin til þess er fyrir hendi, og oftúlka orð... get ekki séð annað en að hann taki svona til orða.. en heldur svo áfram

"Það er almenn vitneskja að þessir feministar væru ekki að haga sér svona ef þær væru að fá hágæðalim heima fyrir."

Sem ég les sem svo að ef að þessir femíinstar, sem að hans mati eru ekki að fá nóg heima hjá sér, og séu ekki fullnægðar af þeim sökum.

Hvergi sé ég hann tala um að það eigi að ráðast á þær eða nauðga þeim eða beita þær einhverskonar ofbeldi 

[Signý, 5.12.2007 kl. 15:55]

blah.. freaking lesblinda...

Sem ég les sem svo að ef að þessir femíinstar, sem að hans mati eru ekki að fá nóg heima hjá sér, þyrftu að fá sér almennilega að ríða, en eru ekki að fá og eru ekki fullnægðar af þeim sökum. Það má síðan alveg rífast um það hvort sú fullyrðing sé rétt eða ekki... 

[Páll Jóhannesson, 5.12.2007 kl. 15:57]

Jenný þú segir ,, Ég er á móti ofbeldi, í allri mynd, alltaf, þannig að ekki óska ég þessum heiðursmanni þess að einhverjir lemji hann" Ég er þér sammála að mestu nema það að mér væri alveg sama þótt einhver myndi láta verða að því.

Samt væri best ef konur tækju sig til og lumbruðu á honum með penna að vopni.

Að kalla þennan mann ,,Ofurhetju" er álíka gáfulegt og kalla Asna - veðhlaupahest.

[Signý, 5.12.2007 kl. 16:08]

Er ég femínistahatari afþví að ég er ekki sammála því sem sagt er? Vá æðislegt. Ég er ekki femínisti, en ég er heldur engin femínistahatari.

Ég spyr. hvar er hótnunin? þó að maður segi "vá þú þarft að fara fá þér að ríða" eða "sjitt hefuru ekki fengið það nýlega eða?" er maður þá að hóta fólki líkamsmeiðingum eða nauðgun?

Á ég að vera rosalega sár, og aðrir rauðhærðir afþví að Gillz segir að rauðhærðir séu ógeðslegir, og engin vilji sjá rauðhært fólk í einhverju bloggi eftir sig? Það stendur meira að segja í heilli bók eftir hann? Er í alvörunni hægt að taka mark á honum yfir höfuð? 

Þú fyrirgefur Dúa, En er ekki tjáningarfrelsi í landinu? Og þú fyrirgefur aftur, en fólk sem hefur ekki eitthvað annað fram að færa en persónulegt skítkast, í rökræðum eiga að hafa vit á því að þegja bara.

Friður! 

[Edda Agnarsdóttir, 5.12.2007 kl. 16:13]

Það eina sem mér dettur í hug þegar ég les kommentið frá þér Signý, hvar hefur þú alið manninn um ævina?

Eru þetta orð og orðtök sem þú hefur vanist að viðhaft er um konur án þess að þær bregðist við?

[Signý, 5.12.2007 kl. 16:17]

Ertu að gefa í skyn að ég sé illa upp alin?  Ég hef alið manninn heima hjá föður mínum og bræðrum og stjúpmóður, veit ekki annað en að það hafi bara tekist nokkuð vel að skila mér útí þjóðfélagið sem góðum þjóðfélagsþegn.

þessi "orð" eða "orðtök" eru ekki eitthvað sem allavega kvenfólk í kringum mig tekur eitthvað alvarlega, Þetta eru heldur ekki endilega "orð" eða "orðtök" sem ég viðhefð sjálf þegar ég tala við fólk, en ég tek það ekki nærri mér þó einhver segi það við mig. Enda afhverju ætti ég að taka það nærri mér?

Hvenær varð fólk svona ofsalega viðkvæmt? 

Friður! 

[Einar Örn Guðmundsson (IP-tala skráð) 5.12.2007 kl. 16:30]

Þetta er auðvitað dónalegt grín hjá honum, þó svo að það sé ekkert ofur fyndið.

Ég get ekki lesið neina hvatningu um kynferðislegt ofbeldi út úr þessu. Þeir sem gera það eiga eitthvað bágt andlega og þessi færsla hjá Gillz virðist einmitt fjalla um slíkar konur.

Það er eins og sumir feministar hafa einhverja ógurlega minnimáttarkennd og hafi þvílíka þörf fyrir því að vera í baráttu yfir einhverjum fáránlega ómerkilegum atriðum.

Ég er vel fylgjandi því að feministar berjist fyrir því að réttindi fólks eigi að eins en svona lagað er bara fáránlegt. Hversu oft heyrir maður ekki feminista tala um karlmenn sem einhver grey og alhæfa um hversu hjálparlausir karlmenn eru?

Mér finnst ég smátt og smátt missa virðinguna fyrir feministum, því miður.

Ég hef heldur ekki mikla virðingu fyrir karlmönnum sem tala niður til kvenna, en ég set þá einmitt í svipaðan flokk (í mínum huga) og feministar.

"Blessuðu litlu feminista greyin sem eru svo hjálparlausar eitthvað, aumingja litlu feministarnir"

[Kolgrima, 5.12.2007 kl. 16:31]

Er þessi strákur ekki gömul fegurðardrottning? Eða er ég að rugla honum saman við einhvern annan?

[Jóna Á. Gísladóttir, 5.12.2007 kl. 17:22]

hver getur tekið mann alvarlega sem auglýsir fyrir gulu síðurnar, klæðist jakkafötum gerðum úr gulum síðum og tekur eitthvað hallærislegt dansspor í anda Travolta? Og menn geta aldrei komist vel frá þeim samanburði.

Drengurinn stígur auðvitað bara létt í vitið og ber að taka honum sem slíkum.

[Helga (IP-tala skráð) 5.12.2007 kl. 17:29]

Edda!

Hvernig þú dæmir Signý af því hún er ekki sammála þér er ógeðfellt, fordómar út í manneskju sem er þér ekki sammála.  "Hvar hefur þú alið manninn" hver konar hroki er þetta í þér, þetta er þér ekki sæmandi.  Tek undir með Signý að þessi pistill var ekki góður og í raun dónalegur en ekkert var talað um ofbeldi en það fullyrðir Jenný hér á síðunni.  Það finnst mér öllu alvarlega en þessi skrif stráklings sem fáir taka alvarlega. Enn hefur Jenný ekki bent mér á ofbeldið sem hann á að hafa nefnt, hvernig væri að gera það Jenný?  Fyrst þú setur svona alvarlega ásökun fram þá er eins gott að færa sannleika fyrir henni.

Signý, þú ert ekki feministahatari heldur kjörkuð og klár ung kona sem þorir að standa upp fyrir eigni sannfæringu.  Við sem erum þessum ágætu konum hérna ekki sammála erum bara hin verstu óargadýr, en ég segi það enn, það eruð þið sem eigið að skammast ykkar að ljúga uppá drenginn.

[Einar Örn Guðmundsson (IP-tala skráð) 5.12.2007 kl. 17:34]

Ef vinur minn segði við mig að hann óskaði að sofa hjá stelpu X væri hann þá að lýsa yfir vilja til kynferislegs ofbeldis við hana, svo lengi sem hann nefndi ekki í leiðinni að hann myndi fara fram á að hún hefði vilja til þess?

Þurfa menn að taka það sérstaklega fram að þeir séu ekki að tala um kynferðislegt ofbeldi til þess að geta lýst áhuga yfir kynlífi eða talað á klúran máta? Eru karlmenn kynferislegir ofbeldismenn að eðlisfari, nema annað sé tekið fram?

[Sunna Dóra Möller, 5.12.2007 kl. 18:04]

Hætti mér hér ekki út á hálan í hér hahaha....merkileg umræðan sem að skapast ef að "femínismi" er nefndur á nafn, það triggerar alveg merkilegustu viðbrögð svo ekki sé meira sagt.

Ég held að menn ættu nú bara að fara að róa sig og játa það að þetta blogg er ósmekklegt, sama hvort um ræðir feminista, ekki feminista og bara alla sem að svona er skrifað um. Hér er hótun um kynferðilegt ofbeldi og hér skrifar einstaklingur sem að hefur öll ljós kveikt en er ekki heima !

bestu kveðjur og lifi aðventuljósin !

[Einar Örn Guðmundsson (IP-tala skráð) 5.12.2007 kl. 18:31]

Ég ætla bara að taka það fram að ég er ekki á móti feminisma en ég er á móti viðhorfi vissra feminista (er ekki að tala um þá feminista sem Gillz fjallaði um).

Ég er heldur langt frá því að vera stuðningsmaður Gillz. Finnst hann oft vera sniðugur penni en mér finnst hann hafa farið yfir strikið í þetta skipti þó svo að ég telji hann engan veginn hafa verið að hvetja einn eða neinn til kynferðislegra ofbeldisverka.

[Sævar Einarsson, 5.12.2007 kl. 18:42]

Ótrúlegt svo ekki sé meira sagt, ég fordæmi þessi ummæli hjá Eddu og mér finnst að hún ætti að biðjast afsökunar. Sjái hún ekki ástæðu til þess þá er það henni ekki til framdráttar og það sýnir þá bara hvernig persónu hún hefur að geyma.

[Guðrún B. (IP-tala skráð) 5.12.2007 kl. 18:42]

  já nú fattaði ég þetta..

[Þórhildur (IP-tala skráð) 5.12.2007 kl. 18:55]

Það sem hann skrifar er fyrst og fremst meiðandi fyrir þessar konur sem hann nafngreinir. Það er varla í lagi bara af því hann segir að þetta sér grín. Þetta eru bara einfaldlega ósmekkleg skrif og hann ætti að skammast sín.

[Signý, 5.12.2007 kl. 18:58]

Vegna þess að það er nokkuð augljóst, það sem við erum ekki mörg hérna sem erum að tala á móti því sem hér er sagt, að því væri meðal annars beint til mín sem og einhverja tveggja annara sem hér skrifa á sömu, eða svipuðum nótum og ég, svo ég tek það til mín.  Enda er engin sérstakur tiltekin, nema bara ALLIR þeir sem ekki eru sammála.

En það er þá fínt ef þú varst ekki að beina því til mín, það er hinsvegar frekar öfugsnúið að kalla aðra það sem ekki eru sammála, eða er það ekki?  En það er svosem alveg í stíl við allt annað

Friður! 

[Ásdís Sigurðardóttir, 5.12.2007 kl. 19:09]

Ætla ekki að blanda mér í þessa umræðu, en drengurinn er orðljótur og subbulegur að mínu mati.  Það ætti að þvo á honum túlan með sápu.

[Egill, 5.12.2007 kl. 20:01]

æ þessi maður ef mann skal kalla má alveg fara að hverfa úr fjölmiðlum og halda áfram þessum pælingum í einhverja dagbók undir rúminu sínu, sé ekki neinn annan stað sem svona kjaftæði á heima.

[Huld S. Ringsted, 5.12.2007 kl. 20:26]

Mikið svakalega getur fólk orðið heitt í hamsi útaf ádeilum á þennan  ofljósaða, aflitaða óspennandi dreng.

Segi eins og Ásdís, hann er orðljótur og subbulegur.

[Jenný Anna Baldursdóttir, 5.12.2007 kl. 21:00]

Einar Örn: Berðu litla virðingu fyrir karlmönnum sem tala niður til kvenna? Hvað segist þá um þetta komment þitt inni hjá Agli Einarsyni (Gilzenegger): "Mér þykir Gillz vera oft ansi skemmtilegur penni, fannst þessi sérstaka færsla ekkert ógurlega fyndin en samt hressilega ósmekkleg. Hversu oft hefur maður ekki heyrt karlmenn tala um það að feministar þurfi bara að fá almennilega að ríða? Ég hef eflaust sagt það sjálfur nokkrum sinnum. Ég vona að ég verði ekki kærður fyrir að hvetja aðra til kynferislegs ofbeldis. Svona tala karlar bara, pjúr and simple. Okkur tekst oft alveg að vera jafn dónalegir í kjaftinum og stelpurnar eru þegar þær tala um typpastærðir og kynlíf með karlmönnum (mæli ekki með kaffihúsaferðum með hópi af kvenfólki btw).
Einar Örn Guðmundsson | 05.12..07 - 4:56 pm | # " Jájásæll.

[Jenný Anna Baldursdóttir, 5.12.2007 kl. 21:07]

Varðandi konur sem segjast vera jafnréttissinnar en telja að femínistar skemmti fyrir réttindabaráttu kvenna, vil ég segja þetta:  Það er svo auðvelt að vera MEÐ jafnrétti en ég lofa að reynslan hefur sýnt að um leið og hinir s.k. jafnréttissinnar verða óþægilegir, þ.e. segja hug sinn um stöðu kvenna, þá hrapa þær af vinsældarlistanum og eru snöggar að því.  Heldur fólk að kosningarétturinn, rétturinn til skilnaðar, fæðingarorlofs og áfram og áfram, hafi fengist í gegn með huggulegu stofukjaftæði við valdhafanna? Halló, get a grip, kosningarétturinn kostaði blóð, svita og tár, fangelsun kvenna, jafnvel dauða og fleira.  Af þessari baráttu fleytum við nú rjómann og ég held að konur ættu að hafa sig hægar áður en þær tala illa um konur sem berjast fyrir auknu jafnrétti okkur, börnunum okkar og barnabörnum til handa.

Við karlmenn sem tjá sig hérna inni á ósmekklegan hátt, segi ég bara mikið skelfingar kjánar eruð þið og rosalega ógnar jafnréttisumræðan ykkur.  Þegar þið eruð komnir í þrot þá grípið þið til þess örþrifaráðs að ráðast að útliti kvenna og talið um að þær þurfi að fá að ríða, væntanlega til að róa sig og hætta að vera með kröfur um réttlát samfélag.

Stundum skammast ég mín fyrir hönd annarra.  Mér finnst sárast þegar konur fara fram með þeim hætti sem sumir hafa gert hér í bloggheimum.

[Sunna Dóra Möller, 5.12.2007 kl. 21:10]

Heyr heyr...þetta var snilldar innlegg Jenný og orð í tíma töluð!

Takk fyrir mig

[Ása (IP-tala skráð) 5.12.2007 kl. 21:12]

Jeremías....segi ég nú bara!!

Það er svo merkilegt hvað fólk getur endalaust pirrað sig á honum Agli (Gillz)....og sér í lagi fólk sem komið er á miðjan aldur (40-60)!! Ég get nú ekki annað en hlegið af ykkur sko! Getur einhver af ykkur nöldurseggjunum komið með góða ástæðu fyrir því að mislíka við Egil?? Af þvi að hann er hraustur, duglegur, myndarlegur ungur strákur með skoðanir sínar á hreinu og þorir að flíka þeim??? Ég bara botna þetta engan veginn!

Ég bara mæli eindregið með því, að þið sleppið því að lesa það sem hann er að skrifa ef þið þolið það ekki! Eða að reyna að kynnast Agli sjálfum og þá sjáiði að hann er vænsti piltur á öllum sviðum! og hana nú.....

[Einar Örn Guðmundsson (IP-tala skráð) 5.12.2007 kl. 21:17]

Ég ber litla virðingu fyrir karlmönnum sem tala um illa um kvenfólk. Þá á ég við karlmenn sem tala illa um kvenfólk sem heild, alveg eins og ég lít niður á fólk sem talar illa um svertingja sem heild.

Ég er ekkert andvígur því að fólk tali illa um einhvern ákveðinn einstakling einungis vegna þess að sá einstaklingur sé kona eða svertingi (sem dæmi).

Ég hefði kannski átt að setja inn orðið heild upprunalega en mér fannst það vera frekar augljóst hvað ég átti við.

Og já strákar tala svona um stelpur (og karlar um konur) og konur tala oft mjög niðrandi um karla.

Mér finnst samt sjaldgæfara að karlmenn tali illa um konur sem heild heldur en að konur tali niðrandi um karlmenn sem heild.

[Jenný Anna Baldursdóttir, 5.12.2007 kl. 21:20]

Ása: Já drengurinn er afskaplega mikið krútt, það segirðu satt og örugglega vænsti drengur og jájá og jabb.  Sniðugt að koma með ábendingu um að lesa ekki bloggið hans, það ætti að benda fréttaskrifara mbl.is á þetta, fréttamenn ættu auðvitað upp til hópa að hætta að skrifa fréttir svo við séum ekki að pirra okkur á öllum viðbjóðnum hér heima og úti í heimi.  Dö, enginn fattað þetta.  Ingnorance is a bliss.

[Kristín Katla Árnadóttir, 5.12.2007 kl. 21:37]

Ég er alveg sammála þér Jenný mín.

[Hallveiga (IP-tala skráð) 5.12.2007 kl. 21:57]

Það eru amk nógu margar perur í hausnum á honum til þess að ljúka háskólanámi. Hann er að útskrifast sem leikfimikennari frá HR.  Kannski endar hann á að kenna börnum þessa feminista handahlaup og armbeyjur.

Sammála því að þessi færsla var vel yfir strikið reyndar eins og flestar hans færslur.  Ég samt gat ekki lesið út úr þessu hótun um kynferðislegt ofbeldi.

[Munda (IP-tala skráð) 5.12.2007 kl. 22:49]

Sæl, ansi undarleg umræða. Oftast er ég sammála þér Jenný en er það ekki full langt gengið að tala um Að drengurinn hafi óskað þessum ágætum konum að verða fyrir kynferðislegu ofbeldi. Það kom hvergi fram, hvergi. Subbulegt orðbragð og ógeðfellt en þú skalt passa þig mín kæra að vera ekki með svona fullyrðingar sem standast ekki, þá ert þú komin á sama plan.

[Bjarni (IP-tala skráð) 5.12.2007 kl. 23:02]

Ótrúleg viðbrögð frá feministum, þvílíkur æsingur yfir einhverju bloggi útí bæ! Jafnvel hlaupið með saklaust grín í lögguna og kært, er ekki allt í lagi heima hjá þessu liði?

Svo er það náttúrulega ótrúleg ófagleg vinnubrögð fjölmiðla að éta það hrátt upp eftir feministunum að um hafi verið að ræða hótun um kynferðisofbeldi. Þvílíkir asnar.

Að lokum smá sögukennsla handa þér Jenný, það voru karlar sem ruddu brautina fyrir mannréttindum kvenna með baráttu sinni fyrir mannréttindum. Feministar höfðu ekkert með fæðingarorlof að gera, lögðust t.d. gegn feðraorlofi. Vertu ekki að eigna þessu öfgaliði eitthvað sem það á ekki rassgat í. Sýndu alla vega að þú hafir snefil af siðferði og láttu þá njóta sem eiga.

Svo ættir þú að biðja þá afsökunar sem hafa svarað gegn þér á þessu bloggi, engin þeirra hefur ráðist á útlit kvenna eða sagt að þær þurfi að fá að ríða, það er haugalýgi hjá þér.

[Jenný Anna Baldursdóttir, 5.12.2007 kl. 23:14]

Bjarni: Gættu orða þinna.

Lestu færsluna sem einhver setti inn hér fyrir ofan Munda og þar má lesa í smáatriðum hvað maðurinn skrifaði.

[Hallveiga (IP-tala skráð) 5.12.2007 kl. 23:30]

Færslan er komin aftur á www.gillz.is  fyrir áhugasama. 

[Laufey Ólafsdóttir, 6.12.2007 kl. 02:09]

Ég tek undir með þér Jenný. Pilturinn er heima en það er allt rafmagnslaust. Þarf að ræða þetta eitthvað?

[Kolgrima, 6.12.2007 kl. 15:01]

Fáfræði er stundum hreinasta blessun. Habbði ekki hugmynd um að þessi drengur væri til, hélt kannski að hann væri þessi sem var krýndur fyrir fegurð og síðan sviptur - en af hverju virðast allir hérna vita hver hann er?

Og Hjördís - "Viðurkennið það bara - ef ykkur byðist það þá myndi engin ykkar hafna honum til bólfara" - ???? 

Stundum þegar það gengur gjörsamlega fram af mér, þá vildi ég líka óska þess að femínistar næðu ekki árangri fyrir allar konur. Það segi ég hreina satt. 

[Helga (IP-tala skráð) 6.12.2007 kl. 18:00]

Sammála Hjördísi í öllu.

Kolgríma: Vildiru óska að feministar næðu ekki árangri fyrir allar konur?  Það vilja allar konur jafnrétti, en það er hópur kvenna sem fer undir merkjum feminista sem gang allt of langt.  Við hinar sem erum þeim ekki sammála erum þá ekki tilbúnar að berjast eða úthrópaðar. Ef þetta eru ekki öfgar þá veit eg ekki hvað

[Jenný Anna Baldursdóttir, 7.12.2007 kl. 00:39]

Kolgríma, var gjörsamlega laus við að vita deili á manninum þar til hann skrifaði þessa hótunarfærslu.  Segi enn og aftur "ignorance is a bliss".  Er sammála þér með sumar konur og réttindi fyrir okkur allar (flestar)

Helga: Hvernig væri að fara að skoða raunveruleikann?

[Helga Magnúsdóttir (IP-tala skráð) 7.12.2007 kl. 13:21]

Ég er alveg á því að uppeldi hefur mikil áhrif á skoðanir karla og kvenna hvað jafnrétti varðar. Eldri sonur minn var mikið með mér á Rauðsokkuheimilinu á Skólavörðustíg 12. Kom með mér eftir vinnu og um helgar. Hann er núna einn gallharðasti femínist sem ég þekki og konan hans er mjög þakklát fyrir hvað hann er vel uppalinn.

[Bjöggi (IP-tala skráð) 8.12.2007 kl. 00:43]

Mér finnst fólk farið að teygja og beygja merkingu orða eins og hótanir og kynferðislegt ofbeldi, ef það sér það út úr þessari færslu hans Gillznegger. Kannski hægt að segja að hún væri ósmekkleg og móðgandi en mér finnst að fólk megi segja hvaða dellu sem því sýnist, svo er bara undir okkur komið hvort við tökum mark á henni.

Svo megum við ekki hlusta á þessa hugtakaafskræmingu femínista. Núna eru menn orðnir rasistar ef þeir eru ósammála þeim, svo er allt orðið kynferðislegt ofbeldi. Femínistar þurfa að passa að kalla hlutina réttum nöfnum, annars hættir fólk að taka mark á þeim. 

[Bjarni (IP-tala skráð) 8.12.2007 kl. 01:17]

Hótunarfærslu segir Jenný.  Hvað skyldi feministum endast þessi færsla Gillz lengi til að leika hið hugumstóra fórnarlamb?  Sjálfsagt um alla tíð ef ég þekki þeirra hugarfar rétt.  Svo pikkfastar í fórnarlambaleiknum að þær mega ekki vera að því að sækja um kauphækkun, stofna fyrirtæki eða vinna eftirvinnu og fá þannig hærri laun.  Nei allur krafturinn fer í sjálfsvorkun og aumingjaskap.

 Þér að segja Jenny, þá vita allir að þú, að betur skoðuðu máli, veist að það var engin hótun eða hvatning um ofbeldi í þessu bloggi Gillz, þú ert bara að veiða þér vorkun og velta þér uppúr sjálfsvorkun.

Svo er saga Helgu M. sönnun þess að feministar ættu ekki að fá að ala upp börn, þetta er sárara en tárum tekur hvernig hún hefur farið með barnið.