Sömu þreyttu frasarnir

Þann dag sem Samtök atvinnulífsins koma í fjölmiðla og segja að það SÉ svigrúm fyrir almennar launahækkanir, mun ég gefa það litla sem ég á af veraldlegum eigum og gerast kaþólsk.  Nunna sko.

Þessi söngur sem er yfirleitt orðaður á sama hátt, frá orði til orðs, eða "ekki er svigrúm fyrir almennar launahækkanir" er þreytandi svo ekki sé meira sagt.  Og í honum er holur hljómur.

Það er til nóg af peningum, en það kemur kannski til af því að stór hópur fólks lifir undir fátækramörkum, ég veit það ekki.  En á þetta mas á ekki að hlusta, en mér hefur heyrst undanfarið að aðilar launþega, syngi sama söng.

Þetta er falskur söngur og lítt sannfærandi.

Það er hægt að gera allan fjárann ef viljinn er fyrir hendi.

Er ekki tímabært að hysja upp um sig þið jakkafatakarlar?

Hljómandi málmur og hvellandi bjalla hvað? 

Almennar launahækkanir ekki réttlætanlegar

Athugasemdir

[Jónína Dúadóttir, 28.11.2007 kl. 14:17]

Kem þá með þér í klaustrið

[Jenný Anna Baldursdóttir, 28.11.2007 kl. 15:36]

Dharma: Þarf ég að svara? Þú ert eiginlega búinn að því kallinn (ertu nokkuð Pétur Blöndal, þú ert alltaf að biðja um dæmi), þú pakkar í vörn áður en ég hef andað frá mér orði.

Tillaga: Að draga saman í bruðli annarsstaðar og láta lágmarkslaun hafa forgang.  Kann ég að reikna? Nei lítið og illa Held ég að þetta sé gerlegt? Já ekki spurning.  Svo geta aðrir séð um útreikninginn, ekki mitt vandamál.  Spurning um forgang.

[Jenný Anna Baldursdóttir, 28.11.2007 kl. 15:39]

Já og eitt enn.  Eitt er að vera ósammála hinni feminisku hugmyndafræði t.d. en subbuskapurinn og óþverrahátturinn sem hefur liðist hér í bloggheimum í garð þeirra kvenna sem voga sér að benda á það sem miður má fara segir mér að það er mikil þörf á að konur eigi sér málsvara, ekki spurning.

Og hér er bannað (vúúú Vg, alltaf að banna) að tala illa um Sóleyju Tómasdóttur, Katrínu Önnu Guðmundsóttur og aðrar þær konur sem leyfa sér að hafa skoðanir.  Kapíss?

[Ásthildur Cesil Þórðardóttir, 28.11.2007 kl. 15:40]

Vá ekki ætla ég að ganga í klaustur.  Finnst alltof gaman að vera til.  Þetta GÆTI gerst, um leið og frýs í Helv...... LyklaPétur týnir lyklinum, eða sjálfstæðismenn taka upp rauða litinn í fálkanum.