Drasl dagsins

Ég er svo þreytt að ég stend varla í lappir.  Hvoruga.  Dreg ýsur en það er það lengsta sem ég kemst þegar fiskur er annars vegar þessa dagana.  Kjöt, kjöt, kjöt, alltaf kjöt.  Ég vissi að ég myndi ekki höndla það að fara að heiman, strax við tvítugt, en ég lét gossa og velti mér upp úr syndsamlegum steikum hvern dag.  Hefði betur verið heima fram að þrítugu og látið foreldra mína ljúka uppeldinu.  Við erum mis fljót til þroska.

Hér hafa mublur verið bornar inn og út.  Öllu drasli sem ekki er bráðnauðsynlegt hefur verið hent.  Hér er ekki arða af óþarfa innan veggja, nema auðvitað undirrituð.  Minimalisminn orðinn algjör á heimilinu, nánast búin að ná hámarki, en því er náð, skv. Ibbu vinkonu minni, þegar við þurfum að ná í ausuna niður í kjallara.

Ég er búin að setja upp jólagardínur í eldhúsi, óróa og gyðingaljós.  Ég er svo líbó.

Eldaði góðan mat.

Jenný er í heimsókn.

Ég grét af sorg yfir lögunum í Laugardagslaginu.  Er þetta það besta sem við höfum upp á að bjóða? GMG:

Nóg um það.  Er farin að laga te.  Svo er það lúll.

Úje.

 

Athugasemdir

[Anna Ólafsdóttir (anno) (IP-tala skráð) 24.11.2007 kl. 22:59]

Tek undir með Hallgerði. Þessi húmor getur drepið mann ... 

[Laufey Ólafsdóttir, 24.11.2007 kl. 23:01]

OOOOOH! Ég missi alltaf (blessunarlega) af þessum (fjárans) laugardagslögum og er ekkert viðræðuhæf fyrir vikið. Hef ekki (að ég viti til) heyrt eitt einasta (fokking) lag (ææ).

Sofðu vel mússímúss!

[Hrafnhildur Ýr Vilbertsdóttir, 24.11.2007 kl. 23:25]

Ég segi nú bara laugardagslög...... hvað er það? Ég náttla missi af öllu important þar sem ég er í Finn en OMG ég tók ákvörðun fyrir 2 árum um að gera líf mitt einfalt, losa mig við ömurlega efnishyggju og henti svo til öllu nema húsbandi börnum bókum og gítar, seldi hús og allar veraldlegar eigur, hef aldrei verið eins ánægð, til hamingju með minimalisma og jólaljós .......

[Jóna Á. Gísladóttir, 24.11.2007 kl. 23:26]

Hvar er fjandans súpuskálin? Í risinu? Djö.. ertu dugleg manneskja. Hér er ekki arða af jólum enn sem komið er.

[Þuríður Björg Þorgrímsdóttir, 25.11.2007 kl. 00:54]

Jenný, ertu að segja að þú sért seinþroska...?

Hvað varðar laugardagslögin þá hef ég aðeins heyrt eitt gott lag, eftir hana Andreu Gylfa. En ég hef auðvitað ekki heyrt þau nærri öll...

[Einar Örn Einarsson, 25.11.2007 kl. 02:46]

Jenný.

Bara að kveikja á kerti, og setja gömlu gufuna á. Þá hellist yfir mann nostalgían og laugardagslagaþunnildin geta barasta átt sig í imbanum.

Alltént stendur imbinn undir nafni á slíkum stundum.

Stend tárvotur yfir pakkakössum að pakka niður fyrir flutning. Timi ekki að henda neinu, þó ég flytji ekki fyrr en í jan, þá verð ég sjómaðurinn að byrja að pakka núna. Fáir dagar í landi fram að flutningi.

Áttu nokkuð til mixtúru með minimalisma?, mér veitti ekki af góðum sjúss af henni

[Ragnheiður , 25.11.2007 kl. 08:56]

Vonandi stendur þetta lúll bara enn yfir. Horfði með öðru auganu á laugardagslögin, var bara í svo góðu skapi að þeim tókst ekki að koma út á mér tárunum. Ég verð vonandi ekki alveg eins upptekin í dag og ég var í gær.

klús inn í daginn elskan

[Jenný Anna Baldursdóttir, 25.11.2007 kl. 12:53]

Ragga: Var vöknuð fyrir 7 af lítilli dömu sem sá enga ástæðu til að sofa lengur. 

Einar Örn: Gangi þér vel í pökkuninni.  Engin mixtúra væntanleg í fyrirsjáanlegri framtíð.  Hehe.

Þuríður: Sammála, þ.e. Andrea er flott.

Krumma: Þú ert ekki að missa af miklu.  Bílíf jú mí.

Anna og Hallgerður: Við skiljum hvorar aðra.