Að kafna úr frekju

Bandaríkjamenn eru að kafna úr frekju.  Þeir minna mig á ofdekrað barn sem tekur ekki tali, nema hvað börn hafa sjarma, þau eru krútt.

Ef eitthvað er ekki að skapi þessarra kjánaprika þá reyna þeir að snúa upp á hendur fólks og neyða það til hlýðni eins og í þessu tilfelli þar sem þeir þrýsta á flugvélaframleiðandann Boeing um að stunda ekki viðskipti við Iclenadair Group vegna Kúbuferða íslenska fyrirtækisins.

Með góðu eða illu skulu þeir hafa sitt fram.

Vonandi verður þeim ekki að ósk sinni.

Svo lýðræðiselskandi eitthvað Kanarnir.

Vá hvað þeir mega fara að skoða sinn gang.

Ójá.

Finna að Kúbu-flugi íslenskra flugfélaga

Athugasemdir

[Sunna Dóra Möller, 19.11.2007 kl. 12:18]

Það er versta er að það er nánast ómögulegt að setja ofdekruðu barni mörk !

[Jón Þór Ólafsson, 19.11.2007 kl. 12:23]

Sérstaklega þegar það á hættulegustu leikföngin

[Jenný Anna Baldursdóttir, 19.11.2007 kl. 12:28]

Þið eruð góð.  Hahahaha

[Jón Þór Ólafsson, 19.11.2007 kl. 12:50]

Hvenær ætla stjórnvöld í Washington að hætta að refsa Kúbversku þjóðinni fyrir að sitja upp með sjálfskipaðan einræðisherra?

[Jenný Anna Baldursdóttir, 19.11.2007 kl. 13:06]

Jón Þór: Þeir hætta aldrei á meðan Kastró lifir.  Og karlinn hangir endalaust.

G.L.F. Stjórnvöld, maður, stjórnvöld.  Hvað stendur skammstöfunin annars fyrir: Glataður Leiðindapúki Fáviskunnar?

[Predikarinn - Cacoethes scribendi , 19.11.2007 kl. 13:55]

Flugvélar hafa íslensku fyrirtækin keypt á kaupleigu sem kallað er. Þannig eru þær ennþá ekki komnar í eigu félagsins. Annað hvort er þá eitthvert kaupleigufyrirtæki í bandaríkjum Ameríku, eða Boeing sjálft, sem er í raun formlegur eigandi vélanna. Þar með er Boeing óheimilt að eiga viðskipti við Kúbu í gegn um þessar vélar, að viðlögðum refsingum, þó svo að um visst eignarhald íslenska félagsins sé að ræða á vélunum. Þannig fellur eignarhald bandarísks félags á flugvélunum undir lög sem banna bandarískum fyrirtækjum að eiga viðskipti við Kúbu.

[Hallgerður Pétursdóttir (IP-tala skráð) 19.11.2007 kl. 13:58]

Skellihlátur hér með þessa skammstöfun.Jenni þú ert .....

[Gísli Baldvinsson (IP-tala skráð) 19.11.2007 kl. 14:29]

Vonandi verður kona næsti forseti Bandaríkjanna. Setjum Bush inn í eldavélina ekki bakvið.

[Jóhanna Magnúsar- og Völudóttir , 19.11.2007 kl. 15:55]

Bandaríkjamenn ættu að fara að passa upp á eigin rass og hætta að pota í aðra, svona generalt.

[Jóhanna Magnúsar- og Völudóttir , 19.11.2007 kl. 15:57]

Æi, ,,on second thought" er þetta kannski rasismi að tala svona um heila þjóð!...   Ameríkanar eru sem betur fer misjafnir, fullt af fínu fólki - þó við séum ósátt við stjórnvöldin þar.

[Ásdís Sigurðardóttir, 19.11.2007 kl. 16:08]

Víða eru frekjurassarnir.

[Jenný Anna Baldursdóttir, 19.11.2007 kl. 16:20]

Jóhanna: Ég er auðvitað að tala um stjórnvöld, almenningur í USA hefur ekkert með málið að gera

Gísli: Líklegast verða demókratar að velja um Hillary eða Ombama: Það verður áhugavert að sjá útkomuna úr því dilemma.  Ég persónulega er föst BAKVIÐ eldavélina.

Jón Arnar: Þetta er hugmynd, ansi góð meira að segja (en hverjir eiga airbus?)

Ásdís: Þeir eru út um allt frekjuhundarnir.  Vóff.

[Svala Jónsdóttir, 19.11.2007 kl. 19:15]

Þegar ég fór til Kúbu fórum við m.a. á næturklúbb, þar sem kynnirinn spurði salinn hvaða gestirnir voru. Nokkuð stór hópur var bandarískur. Kaninn fer nefnilega líka til Kúbu, en fólk fer í gegnum önnur lönd og sleppir því að láta stimpla vegabréfin sín.

Hræsnin leynist víða.