Hið flókna ferli er að baki..

..og eftir fleirhundruð umsóknir um þetta mæta starf, er búið að ráða þulu í sjónvarpið.

Mér fannst á tímabili, þegar blöðin fjölluðu um yfirvofandi þuluráðningu að það væri verið að velja í starf sem framtíð Íslensku þjóðarinnar stæði og félli með.

En það tókst og þulan er ráðin. 

Hvað er það með sjónvarp og mikilvægi?

Jafnvel dagskrárkynningar eru svo hott að það verður allt brjálað og fólk sækir um í tuga-ef ekki hundraðatali, þrátt fyrir að alls staðar vanti fólk.

Er þetta hálaunastarf?

Annars myndi nægja mér að hafa "rödd" sem segir mér hvað er næst á dagskrá.

En þulan er fengin. Til hamingju með það þú íslenska þjóð.

Annars væri gaman að fá vinnu við upplestur.

Ég er með ógeðslega kúl og reykmettaða rödd.

Af hverju er ég ekki að meika það á röddinni?

Það er sennilega vegna þess að ég er alltaf bloggandi og er hætt að tala.

Talking to me?

Ædóntðeinksó!

Úje

 

Flugfreyja flýgur í þulustarfið á RÚV

Athugasemdir

[Edda Agnarsdóttir, 9.11.2007 kl. 09:25]

Ægilega flott starf! Hefurðu prófað blindravinafélagið?

[Kristín Katla Árnadóttir, 9.11.2007 kl. 10:01]

Mér finnst þula óþörf en Bó hefur svo fallega rödd á stöð 2 mér finnst hann ómissandi

[Birna Dis Vilbertsdóttir (IP-tala skráð) 9.11.2007 kl. 10:24]

Hahahahahah.Bó er svo linmæltur að þegar hann kynnir eitthvað er það eins og óskiljanlegt suð.Bizzzzzzzzzzzzzzzzzzzzzzzzz.Óskiljanlegt.Það er mjög virðulegt og merkilegt starf að vera þula. Mér fannst Rósa Ingólfs best. Maður vissi aldrei uppá hverju hún tæki. Það var eins og spennandi framhaldssaga á milli leiðinlegra atriða.hahhahahahahaha

[Greta Björg Úlfsdóttir, 9.11.2007 kl. 10:26]

Úff, ég þoli ekki Bó, kannski þess vegna sem ég er ekki með stöð 2?!

Annars er mér slétt sama um þessar þulur, þær eru nú bara huggulegar og maður myndi sakna þeirra og skreytinganna á jólunum og svoleiðis, annars er ég ekki með sjónvarp núna og horfi bara á fréttir og Kastljós og kannski sunnudagskvöld og út og suður í tölvunni. Fæ mér diska á bókasafninu og horfi á þá líka.

Mér líst vel á að þú hefjir lestur fyrir blindrabókasafnið, það vantar alltaf upplesara þar skilst mér. Aðalatriðið að lesturinn sé líflegur, skítt með whisky, nei reykingarödd, kannski má finna sögu sem passar henni? 

[Jenný Anna Baldursdóttir, 9.11.2007 kl. 10:30]

Greta og Edda: Ég er farin niður í blindra.  Heimurinn á eftir að uppgötva hæfileika mína.  Ég get lesið hryllingssögurþannig að eftir verður tekið.  Mér finnst Bjöggi vera kominn aðeins og neðarlega í röddinni.  OMG

Birna Dís: Man eftir Rósu með kaffibollann.

Katla: Bó á að syngja dagskránna. 

[Jóna Á. Gísladóttir, 9.11.2007 kl. 12:01]

Hei... bannað að krítikera Bo í þulastarfinu því það er gagnrýni á Bretann. hann tekur hann upp. Vera góð.

[Hildigunnur Rúnarsdóttir, 9.11.2007 kl. 12:17]

Eins og ég þoli ekki gaulið í Bó þegar hann syngur þá er hann bara fínn í kynningunum.

[Sunna Dóra Möller, 9.11.2007 kl. 13:16]

Mér finnst jóla-bó flottur. Elska jólalögin hans og jólagestina!

Farin í Kringluna að kaupa jólabó!

Senn koma jólin......