Hverju á maður að trúa?

Nú vandast málin.  Hverju eiga neytendur að trúa í Bónus og Krónumálinu?  Ég veit svei mér ekki hvað skal gera.  Mér finnst ólíðandi að grunur um mögulegt verðsamráð á matvörumarkaðnum, og að þessi fyrirtæki beiti blekkingum gagnvart okkur neytendum, við gerð verðkannanna, verði ekki kannaður niður í kjölinn.  Ég sá í Kastljósinu að Bónusmaðurinn vildi það.

Það er talað um fimm til tíu manns sem tjáð hafi sig um þetta, allir fyrrverandi starfsmenn fyrirtækjanna.

Nógu er matvælaverð hátt á þessu landi, til að ekki bætist svona ofan á það litla traust sem maður hefur þó borið til lágvöruverslananna.

Þetta hlýtur að verða rannsakað.

Ætla ég rétt að vona.

Segjast aldrei hafa haft samráð við keppinauta á markaði

Athugasemdir

[Ragnheiður , 31.10.2007 kl. 20:48]

Hvað tekur langan tíma að setja nýjar hillumerkingar ? Ég hef flokkað þetta með nafnlausa bréfinu til LSP um daginn, neðanbeltis og ómarktækt. Fólk þarf að koma fram undir nafni til að það verði fyllilega marktækt...fyrrum starfsmenn...afhverju ?

[Sunna Dóra Möller, 31.10.2007 kl. 20:51]

Ef að þetta reynist rétt, þá er þetta svo ósvífið að ég hreinlega verð orðlaus !

[Jenný Anna Baldursdóttir, 31.10.2007 kl. 21:01]

Ég veit ekki hvað skal segja, þeir geta verið nafnlausir gagnvart almenningi en ekki gagnvart hinu opinbera.  Þar skilur á milli þeirra og nafnlausra bréfritara.

Ég er að vona að þetta sé ekki satt en þetta verður vonandi kannað.

[Vera, 31.10.2007 kl. 21:06]

Ég veit ekki hvað maður á að halda.  

Það er hinsvegar annað sem truflar mig í nánast hvert skipti sem ég versla í matinn. Ég fylgist vel með verði þegar ég versla inn og mér finnst afskaplega áberandi að þær lágvöruverslanir sem auglýsa hvað hæst að hjá þeim sé lægsta verðið - er nánast undantekningarlaust ósamræmi á verðmerkingu vöru í hillu og á kassa.  Þá á ég ekki við allar vörur, en hinsvegar í hvert skipti sem ég fer í þá lágvöruverslun sem er næst mér, er alltaf eitthvað sem er rukkað meira fyrir við kassann en er gefið til kynna í hillunni.

[Jenný Anna Baldursdóttir, 31.10.2007 kl. 21:13]

Vera: Þú segir nokkuð, þetta hefur mér ekki einu sinni dottið í hug.  Ég er svo lélegur neytandi að ég fylgist ekki einu sinni með strimlinum, gef mér bara að sá sem er að selja mér sé að kafna úr umhyggju fyrir mér og minni fjölskyldu.  Annars var vinkona mín að benda á þetta um daginn sjá hérna og þá ákvað ég að fara að fylgjast betur með.

Vona bara að þetta verði kannað til hlýtar.

[Ingi Geir Hreinsson, 31.10.2007 kl. 21:20]

Right on, góð umræða. Við ÞURFUM öflugra neytendaeftirlit.

[Kristín Katla Árnadóttir, 31.10.2007 kl. 21:38]

Það ætla ég rétt að vona er kannski verið að svindla á okkur kús dúllan mín.

[Ragnheiður , 31.10.2007 kl. 21:41]

Fór og las hjá Ibbu, kommentaði þar.

Það er samt annar endi á þessari umræðu, verðvitund okkar verður að vera í lagi. Ég held samt að það sé of mikið vesen að vera sífellt að breyta verðum eins og fyrrum starfsmenn ýjuðu að...ég veit það þó ekki.

Ráðið er að fylgjast með af öllum kröftum.

[Ásdís Sigurðardóttir, 31.10.2007 kl. 22:14]

Maður veit aldrei hver lýgur, nema maður sjálfur.

[Anna Ólafsdóttir (anno) (IP-tala skráð) 31.10.2007 kl. 23:31]

Ég hjó eftir einu í málflutningi Guðmundar sem kom fram fyrir hönd Bónuss í kastljósinu í kvöld. Hann margendurtók að hann einn bæri ábyrgð á verðlagningunni (þ.e.a.s. því sem þessar ásakanir snerust um) Ég er ennþá að reyna að átta mig á því af hverju hann notaði þessa stratigíu. Það kemur líklega í ljós þótt síðar verði.

[Júdas, 31.10.2007 kl. 23:42]

Hvernig má það vera og hvað græðir Krónan á því að vera með verðsamráð við Bónus um að vera alltaf hærri en þeir.......?   Hvað sem öðru líður getur þetta varla staðist eða hvað?

[Jenný Anna Baldursdóttir, 31.10.2007 kl. 23:43]

Anna: Hann hefur gert þetta áður, minnir mig, einhvertímann þegar var verið að fjalla um innflutta kjúklinga.  Hann hamraði á þessu aftur og aftur.  Einhver taktik?  Verið að fría einhverja aðra ábyrgð?  One wonders.

Ásdís: Jú maður veit það um leið og sannleikurinn hefur verið grafinn upp.

[Jenný Anna Baldursdóttir, 31.10.2007 kl. 23:44]

Júdas: Er það tilviljun að það skilur á milli um eina krónu?  Ég veit ekkert meira en þú, en þetta er ekki eins og ómerkileg frétt ef þetta er satt.  Og ef þetta er vitleysa þá verður það sanna að koma í ljós.  Því þá er þetta alvarleg skemmdarverkastarfsemi.

[Hildigunnur Rúnarsdóttir, 1.11.2007 kl. 09:21]

það sem ég skil engan veginn er hvers vegna verðkönnuðir verða að láta vita af sér þegar þeir koma og tékka. Hvernig stendur eiginlega á því? Það býður náttúrlega bara upp á svindl og svínarí, og gerir okkur neytendur enn varnarlausari.

Við fjölskyldan höfum tekið saman öll innkaup okkar, annan hvern mánuð, síðan í október í fyrra (þegar frétt barst um lækkaðan vask fyrsta mars). Að sjálfsögðu er matarkarfan nærri búin að ná sér að fullu, eigum reyndar eftir að reikna út nýliðinn október.

Bjakk!