Stelpur, til hamingju með daginn..

..þó seint sé.  Er utan við mig þessa dagana, enda margt í farvatninu.

Hvað um það.  Ég man kvennafrídaginn 1975 í smáatriðum, eins og hann hafi verið í gær eða fyrradag, nánast.

Stemmingin á Lækjartorgi var ótrúlega mögnuð og mér fannst eins og að nú myndu hlutirnir gerast hratt og örugglega.

Ekki reyndist ég sannspá þar, en hellingur hefur gerst í jafnréttismálum síðan þá og það ber að geta þess sem gott er.

Ég er smá óróleg yfir viðhorfunum sem virðast ráðandi hjá ungu kynslóðinni varðandi jafnréttismál.

Ég vona annars að allar konur, hafi notið dagsins.

Ójá.

Unga kynslóðin íhaldsöm og bakslag komið í valdahlutfall kynjanna

Athugasemdir

[Bara Steini, 24.10.2007 kl. 19:44]

[Margrét Össurardóttir (IP-tala skráð) 24.10.2007 kl. 19:48]

Til lukku sjálf, vonum að unga kynslóðin átti sig.

[Sunna Dóra Möller, 24.10.2007 kl. 19:50]

Ég mætti víst líka á kvennafrídaginn 1975, var hálfs árs í vagni með mömmu. Hún segir að þetta hafi verið ótrúlegur dagur!

Ég mætti svo 2005 með mömmu, systur minni og dætrum mínum tveimur og þetta var svo mikil lífsreynsla að taka þátt í þessum degi þá og upplifa allar þessar konur og samstöðuna með baráttu kvenna sem er fjarri því lokið eins og bara má sjá á launamun kynjanna.

Til hamingju með daginn sömuleiðis !

p.s. gangi þér vel á morgun og ég veit og trúi að þú kemur út úr þessu jafn sterk og mikil hetja og þú ert í dag!

[Edda Agnarsdóttir, 24.10.2007 kl. 20:03]

Til hamingju sömuleiðis Jenný mín. - Það var sérstakt þá!

[Ásdís Sigurðardóttir, 24.10.2007 kl. 20:14]

Ég man líka vel eftir þessum degi 1975. Var á mótþróaskeiðinu og vildi sko engan andskotans kvennadag. Vann eins og strákarnir og var svo ánægð með sjálfa mig.

[Hrönn Sigurðardóttir, 24.10.2007 kl. 21:07]

Man eftir þessum degi. Sagði þáverandi vinnuveitanda mínum að ég ætlaði að taka mér frí, held hann sé enn í fýlu!!

Byrjaði snemma að pissa mína vinnuveitendur off

[Jónína Dúadóttir, 24.10.2007 kl. 21:36]

Til hamingju allar

[Þóra Sigurðardóttir, 24.10.2007 kl. 21:56]

Ég var í Eyjum á þessum tíma og við konur þar tókum þátt í kvennafrídeginum. Svo var ógleymanlegur dagurinn 24. okt. 2005 í Reykjavík. Þessar minningar gefa mér trú um að við konur stöndum saman

[Guðríður Hrefna Haraldsdóttir, 24.10.2007 kl. 22:43]

Ég var í góðu stuði í Borgarnesi þennan dag ... og í hittiðfyrra í Rvík, mikil stemmning. Knús yfir hafið, elskan!

[Gísli Bergsveinn Ívarsson, 24.10.2007 kl. 23:50]

Til hamingju með daginn

Hann fór einhvernvegin framhjá mér.

[Jóna Á. Gísladóttir, 24.10.2007 kl. 23:52]

Ég man ekkert eftir þessum degi

En til hamingju við allar. Og reyndar karlmenn líka.

[Anna Ólafsdóttir Björnsson, 24.10.2007 kl. 23:55]

Takk sömuleiðis. Þessi dagur er alltaf sérstakur.