Jólagjöfin í ár - Taka II

Jæja, þar sem ég hef tekið að mér, fyrir hönd okkar (ný)ríka og fallega fólksins að vera á jólagjafavaktinni (ekki er ráð nema í tíma sé tekið), stend auðvitað mína plikt í því.  Í gær benti ég á demantinn stóra sem tillaga að gjöf undir hvítagullsjólatréð og nú er komið að hinu nauðsynlega fjarskiptatæki.

Skv. Þorsteini Þorsteinssyni, vörustjóra hjá Hátækni, eiga margir tvo til þrjá síma og nota þá eftir verkefnum og klæðaburði og þessir lúxussímar seljast nú sem aldrei fyrr. 

Þessi Nokia sími er úr gulli og kostar um 170 þúsund krónur stykkið. "Sirocco-síminn er smíðaður úr 18 karata gulli og ryðfríu stáli. Skjárinn úr safírgleri og með honum fylgir gullitaður handfrjáls búnaður. Þá eru hringitónar í símanum eftir Brian Eno, en þeir eru að sjálfsögðu spilaðir á flygil."

Ég mæli sterklega með honum þessum, fyrir krakkana sko, einkum þau yngri, en auðvitað eru þeir hjá Nokia ekki að ætlast til að við fullorðna fólkið notum síma á útsöluverði, þar sem ekki einn einasta demant er að finna í appíratinu.

Svo má taka svona gullsíma og láta demantsskreyta hann þannig að hann fari yfir milljónina a.m.k. svo að hann sé nothæfur fyrir okkur, þau fögru og efnuðu.

En þarna er komin fram góð jólagjafahugmynd fyrir foreldrana til að gauka að afkomendunum, með öðrum og merkilegri gjöfum að sjálfsögðu.   Símar eru jú fylgihlutir, og nauðsynlegir sem slíkir, en fylgihlutir verða aldrei neitt aðalatriði, ef þið skiljið hvað ég meina.

Ég held áfram að fylgjast með fyrir okkur útvöldu.

Money makes the world go around!

Újejeje!

Íslenskir auðmenn tala í 170 þúsund króna gullsíma

Athugasemdir

[Sunna Dóra Möller, 24.10.2007 kl. 07:49]

Ó mæ.....gullsími...Ég elska allt gull ! Þetta er nú reyndar aðeins yfir því sem að ég er vön að eyða í jólagjafir...... en góð hugmynd, mín 7 ára er allat að suða um síma.....!

Njóttu dagsins

[Jónína Dúadóttir, 24.10.2007 kl. 07:49]

.....að sjálfsögðu eru hringitónarnir spilaðir á flygil

[Ía Jóhannsdóttir, 24.10.2007 kl. 08:10]

Reddaðir jólagjafaveseninu  Var í gær að pæla í því hvað ég ætti að gefa litla eins árs ömmustrák.  Hann elskar að leika sér með farsíma og fjarstýringar.  Ætli sé hægt að fá þær gullslegnar?

[Hólmdís Hjartardóttir (IP-tala skráð) 24.10.2007 kl. 08:26]

Upplagður í skóinn....

[ex354 (IP-tala skráð) 24.10.2007 kl. 09:02]

Gull smull. Gull er ódýr og ómerkilegur metall.

Ég bíð eftir Platinum útgáfunni sem getur ryksugað, þvegið þvotta og straujað

[Guðríður Hrefna Haraldsdóttir, 24.10.2007 kl. 09:21]

Ég frétti frá sjokkeruðum prófarkalesurum hér að biblían væri færð til nútímamáls og mætti lesa eitthvað á borð við: Ég er ekki að skilja þetta ... í stað: Ég skil þetta ekki!

Nú er ég brjáluð, þetta er öllu alvarlegra en sú breyting að sýna fólki meiri virðingu, m.a. konum og hommum ...  

[Hrafnhildur Ýr Vilbertsdóttir, 24.10.2007 kl. 10:05]

Þetta er frábær hugmynd.  Ég er bara alveg á innsoginu. Auðvitað kaupi 4 stykki fyrir mína afkomendur til að lauma með í pakkann......... ofsa sniðugt.... svo kostar þetta ekkert.

[Anna Ólafsdóttir (anno) (IP-tala skráð) 24.10.2007 kl. 15:30]

Heyrðu mig frú Jenný - Er þorandi að heimsækja þig ef ég kemst t.d. ekki suður fyrr en í desember? Það er allavega stórhættulegt að bjóða þér í verslunarleiðangur  demantshringar, gullslegnir gemsar .....  

[Erna (IP-tala skráð) 24.10.2007 kl. 16:48]

Skil ekki hvað er fréttnæmt við þetta.  Sumt fólk á meir aur en aðrir og það er nákvæmlega ekkert athugavert við það.  Við hjónin kvörtum ekki og höfum það gott, myndum þó sennilega ekki fjárfesta í álík síma og eru ofangreindir.  Sé samt ekkert athugavert við það að fá sér slíkt, hafi menn á annað borð áhuga eða efni á þessu.  Öfundin í samfélaginu er okkar mesta mein, það er galli sem íslensk þjóð hefur borið allt of lengi. 

[Greta Björg Úlfsdóttir, 24.10.2007 kl. 18:15]

Þetta er náttúrulega öryrkjasíminn eini og sanni...bara rífleg mánaðarlaunin...næstum tvöföld...