Einhver til í að gefa mér kr. 80.000?

Ég á óteljandi uppáhaldsrithöfunda.  Nánast allir rithöfundar sem ég hef nennt að lesa, getað haldið þræði og gleymt mér yfir, hljóta þennan titil.  Oscar Wilde er svona uppáhalds, uppháhalds.  Ég á flestar bækurnar hans þýddar og ég á safnið hans komplett á frummálinu.  Reyndar gerðist ég Oscars áhangandi á sama tíma og ég lá í bókum Edgar Allans Poe, sem á sama afmælisdag og ég og var fórnarlamb dauðans en er brilljant engu að síður. Þeir félagar voru "inn" á sama tíma.

Myndin af Dorian Grey, eftir OW er fullkomnasta lýsing á sjálfsdýrkanda sem skrifuð hefur verið fram á þennan dag, það er ég viss um.

Nú er hægt að fá frumútgáfu "The Importance of Being Earnest eftir O.W. og það er tölusett eintak nr.349.  Ef ég ætti peninga sem ég þyrfti nauðsynlega að losa mig við, myndi ég kaupa bókina, bara svo dætur mínar gætu látið bjóða hana upp eftir svona fimmtíu ár og þær eignast smá lausafé til að spandera á sjálfar sig.  Gætu t.a.m. keypt bækur fyrir peninginn.

En þetta er nú bara asnagangur í mér, ég er alveg sátt við mína útgáfu af TIoBE, fjölföldaðri í nútíma prentsmiðju og alveg þræl læsileg.

Reyndar er ég hissa á að bókin skuli ekki vera dýrari.

Dem, hvað Wildarinn er góður rithöfundur.

Og mikið fjárann sem þeir voru vondir við hann samtímamenn hans sem fangelsuðu hann fyrir að vera hommi.

Ójá.

Fágætt eintak bókar eftir Oscar Wilde fannst í handtösku

Athugasemdir

[Jenný Anna Baldursdóttir, 21.10.2007 kl. 22:57]

Hehe, fyrst þyrftum við að kaupa í matinn Kristjana en það er hugsunin sem gildir.

[Halldór Sigurðsson, 21.10.2007 kl. 23:00]

Og mikill húmoristi var hann

[Jenný Anna Baldursdóttir, 21.10.2007 kl. 23:08]

Ójá Halldór, hann var leifrandi greindur og mikill húmoristi.  I love the man.

[Kolgrima, 22.10.2007 kl. 02:36]

80.000? Ekki meira? Iss, þetta nýríka pakk ber ekki skynbragð á neitt.

[., (IP-tala skráð) 22.10.2007 kl. 04:40]

Ég geri fastlega ráð fyrir að hér hafi krónan misritast í stað punda. 80.000 ensk pund, vega 9.802.000 krónur, pínu munur þar á. 

[Jenný Anna Baldursdóttir, 22.10.2007 kl. 07:41]

.,: Það hlaut að vera.  Hehe, ég dreg þá bón mína um peninga til baka, hm.. nema nottla að Björgúlfur og Jóhannes séu til í að styrkja verkefnið: "Óskar heim".

Kolgríma: Auðvitað var þetta of gott til að vera satt. eins og sjá má hjá punkti-kommu.

Ljónynja: ÞÚ hefur verið mynduð.  Muhahahaha

[Earnest (IP-tala skráð) 22.10.2007 kl. 08:16]

Nei, hún var víst á sölu fyrir 650 pund.

http://news.bbc.co.uk/player/nol/newsid_7050000/newsid_7053600/7053628.stm?bw=nb&mp=rm&nol_storyid=7053628&news=1