Á ekki bara að brenna íslenska fánann..

..og rappa þjóðsöng okkar Íslendinga?  Svona mönnum á ekki að hleypa inn í landið, sem forsmá íslenska gestrisni, fara með níð um hana Björk og gera grín að okkar frábæra hermanni, sem við reyndar létum hörfa heim, í einhverju bríaríi. 

Svo getur hann hrækt á lambalærið sem honum verður boðið til átu, sparkað í forsetann og kastað fúleggjum í Alþingishúsið.  GMG.

Mikið asskoti fannst mér hann skemmtilegur þessi bjáni frá Ameríku.  Og mikið rosalega voru blaðamennirnir skilningsvana á svipinn á blaðamannafundinum.  Það þarf auðvitað sterk bein, til að þola sannleikann beint í æð í stað lofræðunnar sem alla ætlar lifandi að drepa, þegar útlendingar taka predikunina um hversu dásamlegt Ísland er.

Annars eru skiptar skoðanir um hversu fyndin Jason Jones er, hér á kærleiksheimilinu.  Húsbandinu fannst hann eins og hoppandi fáviti, mér fannst hann flippaður og mikill dúllurass.

En vér erum sammála um það hér við hirðina að það sé algjörlega og gjörsamlega háleyfilegt að gera grín að okkur Íslendingum.  Því oftar, því betra.

Míómæ!

Úje

Osama bin Laden „hatar Björk“

Athugasemdir

[Yngvi Högnason, 18.10.2007 kl. 06:05]

Það sem þessi Jones sagði síðast er hárrétt: íslendingar eru fávitar og er ég nokkuð sammála honum með það.

[Kristín Katla Árnadóttir, 18.10.2007 kl. 08:17]

Ég er nú alveg sammála þessu það er gert grín af okkur.

[Laufey Ólafsdóttir, 18.10.2007 kl. 08:20]

Auðvitað er hann hoppandi fáviti en hann er nokkuð fyndinn. Ég er líka nokkuð sammála honum að mörgu leyti

[Sunna Dóra Möller, 18.10.2007 kl. 08:22]

 Góðan daginn! Þetta er ógó fyndið og bara smá gott á okkar litlu þjóðarsál! Við höfum bara gott af þessu ...annars verðum við eins og ofdekraðir krakkar undir öllu þessu lofi...!

Eigðu góðan dag

[Dísa Dóra, 18.10.2007 kl. 08:55]

Hann er nú nokkuð skondinn en mér fannst samt þessi ofurfindni hans mistakast töluvert þar sem hann var ekki með staðreyndir á hreinu.  Hann kenndi súrsaða selshreifa við okkur   Ef hann ætlaði að vera með mjög vel heppnaða grínádeilu á okkur hefði hann nú átt að hafa heimldir sínar betur unnar

[María Kristjánsdóttir, 18.10.2007 kl. 12:21]

Mér fannst einsog þér ákaflega fyndið hvað allir fréttamennirnir á fundinum og svo Snorri í Íslandi í dag voru grafalvarlegir!

[Sjóveikur, 18.10.2007 kl. 22:55]

blessuð og sæl Jenny Anna, ég man nú ekkert eftir þér frá Vimmerby, en systir mín segir að þú sér búin að búa hér, vildi bara lýsa aðdáun minni á þínum satiýríska skrifstíl og upplýsa þig um að ég hef mikla ánægju af því að lesa það sem þú skrifar, það gefur loft undir vængina, þar sem ég hef séð að þú "slettir" á sænsku datt mér í hug að þú hefðir gaman að því að hlusta á Lifvens frá Hultsfred, það er góð endurhleðsla að heira bændurna spjalla, spila og syngja, það er einhvern vegin eins og að húmorinn sé á vandaðra plani hér, hér er slóðin http://youtube.com/watch?v=9f9j7AQrvw8 ég gat ekki stillt mig um að hlaða þessu upp, ef Paparnir voru góðir, þá getum við sagt að þeir voru bara efnilegir, Lifvens eru það sem ég meina með orðinu góðir, hefur þú heirt fólk á Íslandi hlæja svona innilega uppá síðkastið? þetta er fyrir sitjandi puplik och frekar nyktert, Besta kveðja frá Vimmerby, Palli

ps. ekki klikka á lífinu, go väl