Merkisberar mannkærleiks, umburðarlyndis og víðsýni!

Enn eru kaþólikkar að halda á lofti öllu því sem kristin trú stendur fyrir og nefnt er hér í fyrirsögn. Er það ekki dásamlegt að hafa þessar nútímasprengjur að fyrirmynd?

Það er auðvitað dauðasök að játa samkynhneigð sína og vera prestur.

En ekki svo mikið mál að misnota unga drengi sem kirkjunni hefur verið treyst fyrir, í gegnum aldir.

Svo er kvenfyrirlitningin söm við sig og telst ekki einu sinni fréttaefni.  Fóstureyðingar bannaðar og skilnaðir líka.

Almáttugur að fólk skuli aðhyllast þennan miðaldaboðskap.

GMG

Vatíkanið vísar samkynhneigðum presti á dyr

Athugasemdir

[Ásdís Sigurðardóttir, 13.10.2007 kl. 19:08]

Þó svo að jörðin hætti að snúast, þá myndu þessir menn ekki láta af sannfæringu sinni.  En hvernig var í IKEA??

[Edda Agnarsdóttir, 13.10.2007 kl. 19:30]

já léttara hjal, hvernig var í IKEA?

[Jenný Anna Baldursdóttir, 13.10.2007 kl. 19:34]

Það má segja að það hafi verið hreint afskaplega fróðlegt og þreytandi.  Samt gaman.  Jenný söng og lék við hvern sinn fingur.  Svo fékk ég gesti þegar við komum heim.  Gerist ekki betra.

[Jóna Á. Gísladóttir, 13.10.2007 kl. 20:18]

Ég var einmitt að kommenta á þetta hjá Kristínu Björgu:

Er þetta ekki týpískt? ARGH. Það viðgengst svo áratugum skiptir misnotkun á börnum (aðallega drengjum) í kaþólsku prestastéttinni og svo fer allt í háaloft út af því að maðurinn er samkynhneigður. Hvers konar eiginlega vanþekking og heimska er þetta? Halda þeir til dæmis að kaþólskir prestar yfirhöfuð hafi enga kynhvöt? Eða leggja þeir að jöfnu barnaníðing og homma??? Ég á ekki til orð.

[Sunna Dóra Möller, 13.10.2007 kl. 20:18]

Vá hvað ég gæti skrifa heila færslu hér á þessu bloggi um þessa frétt en vegna tillitsemi við síðueiganda segi ég bara þetta  og svo þetta ...að lokum þetta !

[Sunna Dóra Möller, 13.10.2007 kl. 20:24]

Veistu ég held að það sé einmitt lagt að jöfnu barnaníð og samkynhneigð  .... hef meira segja heyrt þessu tvennu líkt saman! Það er einmitt vanþekking og heimska á tilfinningum og eðli fólks sem á ekkert skylt við barnaníð þegar samkynhneigð er annars vegar! Var einmitt á meistarafyrirlestri um daginn hjá sr. Bjarna Karlsyni sem var hreint stórkostlegur og fjallaði á svo flottan hátt um samkynhneigð og kirkju! Hann vill ganga alla leið og vígja samkynhneigða í hjónaband og þessi meistararitgerð hans er bara snilld og opinberun fyrir kirkjuna á þessum tímum 21. aldarinnar!

jí....ég er nýbúin að segjast ekki ætla að skrifa langt mál......svo geri þeg það 5 mín seinna.....Þorrí...!

[Laufey Ólafsdóttir, 13.10.2007 kl. 20:52]

En þeir mega hvorteðer ekki stunda kynlíf! Hvaða máli skiptir þá hvernig kynlíf þeir mættu stunda ef þeir mættu það? Ég held að aðal vandamálið hér er að hann opinberaði þetta, annars hefðu þeir bara legið á þessu eins og flestu öðru. Þetta er nú meira batteríið...

[Laufey Ólafsdóttir, 13.10.2007 kl. 20:54]

...hvernig kynlíf þeir myndu stunda ef þeir mættu það... Átti þetta að vera

[Helgi Hrafn Gunnarsson (IP-tala skráð) 13.10.2007 kl. 21:07]

"I'm sorry if anyone here is Catholic. I'm not sorry if you are offended, I'm actually sorry – just the fact that you're Catholic. Gotta be one of the most ludicrous fucking beliefs ever. Like these vampire priests sink their twin fangs of guilt and sin into you as a child and suck your joy of life out of you the rest of your fucking existence." -Bill Hicks

[Birna Dis Vilbertsdóttir (IP-tala skráð) 13.10.2007 kl. 21:22]

 . kvitt og knús til þín

[Anna Ólafsdóttir (anno) (IP-tala skráð) 13.10.2007 kl. 21:26]

Miðaldaboðskapur er orðið yfir það. Voða væri gott að eiga einhvern stað með svona miðaldalúkki sem væri hægt að senda þetta lið á og geyma það bara þar sem það gæti ekki skaðað neinn nema hvert annað

[Jenný Anna Baldursdóttir, 13.10.2007 kl. 22:53]

Sammála öll.  Þessar fáránlegtu reglur eru tímaskekkja og gefa öfgafullri Islamstrú ekkert eftir.  Full af mannfyrirlitningu og rugli.  Held að þeir ættu að leyfa prestunum að giftast og henda út öllum þeim urmul af pedófílum sem þarna safnast saman.  OJ

[Jón Valur Jensson, 14.10.2007 kl. 13:44]

Þetta snýst ekki um 'kynhneigð', eins og Jenný o.fl. virðast álíta -- t.d. var sagt í DV.is frétt um þetta: "Í viðtali við sjónvarpsfólkið sagði presturinn að hann liti ekki á samkynhneigð sína sem synd." En í BBC-heimildinni að baki þeirri frétt var þetta orðað þannig: "Monsignor Stenico told his interviewer that he did not regard himself as being in a state of sin because of his homosexual activities." Hugtakið 'homosexual activities' þýðir ekki 'hneigð', heldur ATHAFNIR. Þær athafnir, sem hér um ræðir, eru ekki aðeins lýstar alvarleg synd í kenningu kirkjunnar allar götur frá frumkirkjunni, heldur í Nýja testamentinu sjálfu. Honum var því ekki aðeins vísað úr starfi og sínu virðulega embætti vegna alvarlegrar syndar, heldur og vegna þess, að hann hélt því fram, að þessar athafnir hans væru ekki syndsamlegar, sem teljast verður viðleitni til að afvegaleiða áheyrandann og áheyrendur frá kristinni trú í þessu siðferðismálefni. Kirkjunni hlýtur að vera í sjálfsvald sett, hverja hún kýs að hafa sem fulltrúa sína og talsmenn, rétt eins og íslenzkur stjórnmálaflokkur myndi ekki kjósa að hafa fulltrúa, sem talar þvert gegn stefnu flokksins. Monsignorinn fyrrverandi getur talað fyrir sannfæringu sinni í öðrum samtökum en í kristinni kirkju. -- Hvað varðar barnaáníðslu, er hún fordæmd sem stórsynd af kirkjunni og verið að taka á þeim málum innan hennar, bæði með sviptingu embætta og vandaðri vinnubrögðum (síu) við inntöku nemenda í prestaskóla kirkjunnar.