DV-rætinn og bitur snepill!

Hvaða annarlegu hvatir eru að baki "fréttaflutningi" á DV?  Það er einhver ristjórnarleg biturð í gangi, svo ég tali ekki um smásálarlega rætni, sem birtis t.d. í þessari frásögn um að forsetafrúin okkar hafi borgað verðlaun sem Louise T. Blouin stofnunin veitti forsetanum, fyrir framlag hans til umhverfismála.

Hvernig dettur þeim þetta í hug?  Hafa þeir kvittun undir höndum þar sem stendur að Dorrit hafi borgað eitt stykki verðlaun fyrir eiginmanninn?

Halló!  Er ekki líklegast að forsetinn hafi einfaldlega unnið til verðlaunanna, það vita vel flestir og viðurkenna, að Ólafur hefur lagt heilmikið af mörkum til þeirra mála.

Dorrit hefur heldur ekki látið sitt eftir liggja í að kynna Ísland.

Ég er amk. viss um að sú ákvörðun mín að líta þennan snepill ekki augum, hefur verið aldeilis hárrétt og ég hvet aðra til þess að gefa honum frí á meðan hann veltir sér í drullupollum.

Er ekki heimurinn nógu ljótur þó það þurfi ekki að vera að búa til og ætla fólki allskonar ljótar hvatir?

Arg og pirr.

Dorrit segir frétt DV móðgandi og særandi

Athugasemdir

[Ragnheiður , 8.10.2007 kl. 20:51]

Burtséð frá þessarri frétt þá eru orðin ár síðan ég hætti að styrkja þetta blað DV. Það er ekki og verður ekki keypt á mínu heimili meðan ég stýri útgjöldum hér.

[Anna Ólafsdóttir (anno) (IP-tala skráð) 8.10.2007 kl. 21:15]

Mér finnst DV-stíllinn kristallast í þessari frétt sem Dorrit vísar til. Ótrúleg rætni og fádæma óvönduð blaðamennska. En það versta er að þeir kunna ekki að skammast sín.

[Jenný Anna Baldursdóttir, 8.10.2007 kl. 21:23]

Ragga:  Ekki hissa á að þú kaupir ekki DV og Sólvei Lára, vinkona mín sagði eimitt við mig þegar við töluðum um Dévöff þessa heims, að þau lifðu góðu lífi einfaldlega vegna þess að fólk kaupir þau.  Þannig að það er okkar að ákvarða hvort svona sneplar lifa eða deyja.

Anna: Plús rætni og biturð þá plúsum við með siðleysi, því það er rétt hjá þér, þeir kunna ekki að skammast sín og gera út á lægstu hvatir fólks, Þórðargleði og hnýsni, svo eitthvað sé nefnt.

ARG

[Birna Dis Vilbertsdóttir (IP-tala skráð) 8.10.2007 kl. 22:08]

Blaðið speglar þá sem stjórna þ.e.a.s.ritstjórana. Var Reynir ekki að koma og hjálpa Sigurjóni með sorann? Ég er búin að kaupa 3 blöð síðan maðurinn fyrir vestan dó. Það voru blöð sem syndu vini Gvendar perra kenndan við Byrgið í boði hjá kalli og 2 með viðtölum við aðila tengdum málinu. En aldrei meir. Ekki einu sinni notað sem skeini

[Kristín Katla Árnadóttir, 8.10.2007 kl. 22:39]

Ég er nú svo sammála þér í þessu Jenný mín En ég kaupi ekki DV en ég fæ það stuntum sent til mín.

[Katrín Snæhólm Baldursdóttir, 8.10.2007 kl. 22:46]

Ein vinkona mín sagði mér einu sinni þegar hún hafði verið blönk lengi að það væri þægilegra að skeina sér á kaffipokum en dagblöðum. Svo nú þarf enginn að kaupa DV..er það nokkuð???

[Sunna Dóra Möller, 8.10.2007 kl. 22:54]

Ég hef aldrei keypt DV......mun ekki kaupa það ...kíki ekki einu sinni í það í biðröðum í Nóatúni þar sem það liggur fyrir framann mig þegar ég er að raða í poka. Mér finnst þetta afar ósmekkleg frétt og kannski kominn tími til að blaðið syngi sinn svanasöng !

[Heiða Þórðar, 8.10.2007 kl. 22:58]

Afhverju ætti þetta að koma á óvart? Skítasnepill!

[krossgata, 8.10.2007 kl. 23:13]

Er þetta ekki dæmigert fyrir það blað?  Ekki kaupi ég það og hef aldrei gert og mun líklega aldrei gera - ef ekkert breytist.

[Þröstur Unnar, 8.10.2007 kl. 23:23]

Fór að lesa dv einu sinni í viku, eftir að ég byrjaði að blogga. Maður verður að fylgjast með slúðrinu ehaggi?

[Fríða Eyland, 8.10.2007 kl. 23:29]

Fæ DV á mánudögum í kaupbætir með Sýn heheh.

Annars á Svandís Svavars ,blaðið í dag, viðtöl við hana á hverri síðu nánast.....mjög góð hún Svandís

[Magnús Paul Korntop, 9.10.2007 kl. 01:47]

Sæl jenný:
Svona fréttafluttningur dæmir sig sjálfur ekki rétt?
Þeir eru búnir að vera nokkrir svanasöngvarnir hjá þessu sorblaði en ætli það fari nú ekki að líða að hinum hinsta svanasöng.
Dorrit er góð og elskuleg kona og á þetta ekki skilið.

[Jens Guð, 9.10.2007 kl. 02:08]

  Er ekki bara ágætt að DV tékki á stöðunni?  Stundum er þar farið yfir strik.  Stundum upplýsir blaðið á meðan aðrir fjölmiðlar þegja.  Er ekki bara í fínu lagi að DV sé að taka púlsinn á því sem að hæst ber?