Kæri Vilhjálmur

Myndirðu vilja vera svo vænn að fara að láta sjá þig.  Það eru allir að bíða eftir því að þú mætir og segir eitthvað.

Þinn eigin borgarstjórnarflokkur er að fríka út og sjálf er ég og mín fjölskylda orðin þreytt á að hanga í óvissu með hvað þú ætlar að gera í REI og GGE.

Svo hár er blóðþrýstingurinn í þínum eigin flokki, að einhver lét sér detta í hug að slíta samstarfinu við Binga (Framsóknarflokkinn reyndar, en er það ekki bara Bingi og svo bróðir hans í nefndarstörfum?) og fara í samstarf með VG.  Þú sérð að málin eru komin á hættulegt stig.

Plís láttu sjá þig áður en allt verður vitlaust.

Komasho.

Átti að vaða yfir okkur

Athugasemdir

[Stefán (IP-tala skráð) 8.10.2007 kl. 09:22]

Það ætti nú fyrst og fremst að reyna að drösla gamla framsóknarhundinum honum Alfreð G Þorsteinssyni fram í sviðsljósið fyrir þetta og spyrja hann spjörunum úr, því að auðvitað er það hann sem stjórnar þessum mönnum á bak við tjöldin. Villi og Björn Ingi eru bara strengjabrúður í hans höndum, enda Villi oft kallaður Vilfreð.

Stefán 

[Birna Dis Vilbertsdóttir (IP-tala skráð) 8.10.2007 kl. 09:27]

Hvaða vitleysu er Villi kominn í og það með framsóknarspillingaraflinu? Ég sem yfirlýst íhald er ekki sátt við Villa núna.

[Jenný Anna Baldursdóttir, 8.10.2007 kl. 09:44]

Ég sá ekki betur Stefán en að Alfreð hafi verið að verja gjörninginn í sjónvarpinu rétt fyrir helgi.  Ójá.

Birna Dís, ég skal fyrirgefa þér íhaldsmennskuna en Vilhjálmur er flokknum til skammar.

[Sunna Dóra Möller, 8.10.2007 kl. 11:14]

Þetta er svo ósvífið mál að ég er bara gjörsamlega algjörlega orðlaus! Ég vona að mér verði fyrirgefið fyrir að segja þetta....en þessi borgarstjórnarmeirihluti með Villa í brúnni er að drulla upp á bak.....þó að restin að íhaldinu hafi ekkert vitað! Það eru bara fleiri mál sem eru í ólestri eins og leikskólamál og fleira. En svo eru bara menn á Spáni að skoða vatnsrennibrautir......það eru greinilega til peningar fyrir því !!