Missir starfsleyfis er lágmarkskrafa..

..alls sómakærs fólks á Íslandi.  GT verktakar/Nordic Construction virðast haga sér eins og ótýndir glæpamenn, sem hagnast á starfsmönnum sínum, misnota aðstöðumuninn og hafa í hótunum og ástunda skjalafals og mannréttindabrot.

Þeir hafa ekkert að gera með mannaforráð og eiga ekki að fá að halda úti starfsmönnum, með þeim vinnubrögðum sem þeir ástunda.

En þeir eru ekki einir í þessum óþverrahætti.  Nú er að leita uppi þessi fyrirtæki, sem misnota aðstöðu sína gegn erlendu vinnuafli og brjóta íslenska vinnulöggjöf, nánast uppi í andlitinu á yfirvöldum.

Sviptum þá starfsleyfi, þessa menn sem sýna svo einbeittan brotavilja.

Það verður þá kannski til þess að aðrir hika við að feta í fótspor þeirra.

Stundum skammast ég mín niður í tær að vera Íslendingur.

Fussogsvei!

Fleiri starfsmenn GT verktaka leita eftir aðstoð hjá AFLi

Athugasemdir

[Anna Ólafsdóttir (anno) (IP-tala skráð) 8.10.2007 kl. 00:59]

Mér finnst alveg með ólíkindum hvað þetta fyrirtæki vogar sér mikla ósvífni og það í beinni! Það er eitthvað mikið að siðvitinu hjá svona fólki.

[Jens Guð, 8.10.2007 kl. 01:01]

  Voðalega ert þú neikvæð út í fyrirtæki sem að eru að svindla á útlendingum.  Eigendur þessara fyrirtækja eru bara að reyna að ná hámarks arði út úr sínum rekstri.  Það er bara aðdáunarvert að menn reyni að græða pening.  Mikinn pening. 

[Jenný Anna Baldursdóttir, 8.10.2007 kl. 01:07]

Jens: Ertu búinn að liggja yfir bókinni "Emma öfugsnúna" alla helgina? Frusssssssssssssss

Anna:  Þessir glæpamenn ættu ekki að hafa leyfi til að vera með starfsfólk.

[Magnús Paul Korntop, 8.10.2007 kl. 02:33]

Sammála þér og Önnu,svona fyrirtæki á að banna og ekki veita starfsleyfi.

hEYR,HEYR.

[Katrín Snæhólm Baldursdóttir, 8.10.2007 kl. 06:59]

Kannski að beinalíka spjótum okkar að þeim seim veita leyfin og hafa svo minna en ekkert eftirlit eftir að reglum um starfsmannaréttindi og starfsmannahald. Alveg er það ömurlegt að þetta skuli fá að viðgangast. Ekki eins og það sé ekki hægt að taka í taumana ef vilji er fyrir hendi.

[Birna Dis Vilbertsdóttir (IP-tala skráð) 8.10.2007 kl. 07:21]

Óþolandi framkoma þetta.

[Ari Guðmar Hallgrímsson, 8.10.2007 kl. 09:19]

Svo er til fólk í dag sem hneykslast á þrælahaldi fyrri tíma......

Beint í steininn með þessa menn,þeir eiga engar málsbætur