Af mismiklum dúllurössum hjá RÚV

 

Vegna færslunnar um hann Helga Seljan "frænda" að austan, þar sem hann er talinn til þess mæta flokks fólks, sem eru dúllurassar, mun ég ekki hætta að gefa fólki þá einkunn, þrátt fyrir að karlmenn verki undan þessari lýsingu á kollegum sínum.  Þetta tek ég fram, að gefnu tilefni.

Ég elska bækur, alls konar bækur.  Ég las mig í gegnum barnæskuna og ég hef aldrei verið svo langt leidd á ævi minni, að bókin hafi ekki getað verið mér fróun.  Þegar ég les, loka ég á umhverfið, heyri ekki og sé ekki.  Þannig vil ég að það sé.

Þegar ég horfi á þætti um bókmenntir, er ég í essinu mínu.  Það er svo gaman að fá upplifanir annarra á því sem maður hefur lesið, velta bókinni fyrir sér frá mörgum hliðum og á þann hátt auka skilning á efninu.

Ég tók því Kiljunni, nýja þættinum hans Egils, fagnandi.  En ég er efins um hvað mér finnst. 

Stundum get ég látið ótrúlegustu hluti fara í taugarnar á mér.

Páll Baldvin hefur átómatiskt þannig áhrif á mig að mér finnst ég verða að reisa ágreining við allt sem hann segir.  Líka ef hann blikkar augunum.  Palli babe er svo pirraður karakter. Ég er hálf hrædd við manninn, honum virðist alltaf leiðast svo það sem hann er að gera. Páll Baldvin er þess vegna,  ekki dúllurass í mínum huga.

Kolbrún talar hinsvegar mannamál og hún talar við mig frá skjánum, kveikir í manni löngun til að lesa það sem hún er að fjalla um og hún elskar bækur.  Það fer ekkert á milli mála.  Hún er dúllurass.

Ég er ekki dómbær á hann Egil, en á sjöunda áratugnum hefði ég myrt fyrir hárið á honum.  Mér finnst hann aðeins og fræðilegur í tali, m.t.t. að þetta er ekki sjónvarpsþáttur fyrir um hundrað manna elítu með bókmenntasögupróf upp á vasann frá frönskum háskólum, heldur þáttur fyrir hinn almenna mann.  Ég er viss um að Egill elskar líka bækur, en ég myndi ekki nenna að hlusta á hann og Pál Baldvin á kaffistofu RÚV að ræða litteratúr.   Páll drullu pirraður á lífinu og Egill að tapa sér í "ismunum". Ég er viss um að maður þyrfti skýringartexta yfir hugtök og stefnur, til að skilja hvað þeim færi á milli.

Hvað um það, Kiljan er enn í vöggu (agú), vér fylgjumst með hvernig fram vindur.

Give me five!

Úje

Athugasemdir

[Hrönn Sigurðardóttir, 6.10.2007 kl. 20:53]

Í alvöru!! Hefðirðu drepið fyrir hárið á honum? Spurning hvort ég hefði ekki framið sjálfsmorð með þetta hár.........

[Sunna Dóra Möller, 6.10.2007 kl. 20:58]

Gaman að svona pælingum um dúllrassisma......mér finnst Egill vera smá dúllurass, það er eitthvað dúllulegt við hann. Á samt eftir að horfa á Kiljuna.....geri það við tækifæri og sé hvort ég botna eitthvað í þessu !

[Jóna Á. Gísladóttir, 6.10.2007 kl. 20:59]

***fliss*** ógisslega góður pistill. Takk fyrir mig. Ég hélt fyrst að þú værir að segja að þú hefðir myrt hann fyrir að vera með svona hár.

Þú varst í Heyrst hefur... dálkinum í Blaðinu í dag. Sem sagt ekki bloggara-megin heldur hinum megin. Í dálki með Yoko Ono og fleiri selebum. Spurning hvert þetta stefnir kelling. Bráðum verðurðu orðin of fræg til að tala við mig. sniff sniff. (ég er með króníska framtíðarsögu-áráttu.)

[Ásdís Sigurðardóttir, 6.10.2007 kl. 21:16]

Ég hefði líka drepið mig með svona hár, fór í permó þegar ég var 18 ára gekk með húfi jafnt inni sem úti í 5 mán. á eftir Ég þori ekki að horfa á kiljan svo það skemmi ekki þá ánægju sem ÉG hef af þeim bókum sem ég les, nenni ekki að hlusta á allt talað í skít. Svo er ég nú að reyna að hlusta á laugardagslögin, nýja þáttin, eina góða sem ég hef heyrt so far er edrú Krans að syngja lag eftir Gumma Jóns. Annars er þetta óttalegt prump, Tvíhöfðar óþolandi and so on, bíddu er mín í gremjukasti  :????? sko ég

[Jenný Anna Baldursdóttir, 6.10.2007 kl. 21:29]

Á permanentárunum var þetta lúkk á hári það sem maður  hálf drap sig fyrir.  Í alvöru.  Ég tók sérstaklega fram að það hafi verið í denn.  Núna myndi ég ekki drepa fluguskratta fyrir þessa greiðslu.

Jóna: Ætli við endum ekki tvær í fílabeinsturni með attitjúd og stjörnustæla.  Ég held að það stefni í það

Ásdís, svona erum við misjafnar manneskjurnar.  Er að bilast úr hlátri yfir Jón Gnarr.  Hef ekki séð aðra eins persónusköpun í áraraðir.  OMG. 

[Þröstur Unnar, 6.10.2007 kl. 21:30]

Kolla rokkar feitt, og hefur alltaf gert. Vann einu sinni með henni á síðustu öld. Hún er frábær persóna og "talar við mann" í sjónvarpinu.

En er ekki "dúlluafturendi" frekar en Egill.

[Heiða Þórðar, 6.10.2007 kl. 21:38]

Púff ...sá hann á labbinu á Laugarveginum í dag....rokkaði feitt!

[Marta B Helgadóttir, 6.10.2007 kl. 21:42]

.... ég hefði gert eins og Hrönn

systir mín er með svona hár og kvartar - alla ævi undan skrattans krulliríinu  

[Halldór Egill Guðnason, 6.10.2007 kl. 22:34]

Mikið er ég sammála þér með hana Kolbrúnu. Alltaf jafn gaman að horfa og hlusta á hana. Talar einfalt og gott má, algerlega laus við alla takta. Egill...veit ekki. Ágætur oftast, en þessi næstum því spastíska líkamstjáning hans fer dulítið í taugarnar á mér á köflum. Virkar svolítið ofvirkur á mann og spurning hvort hann ætti bara að vera í útvarpsþáttum. Skilst að hárið hans þyki hvort eð er ekkert spennandi lengur.

[krossgata, 6.10.2007 kl. 22:43]

Þegar ég var ung dreymdi mig um liðað hár en var með rennislétt.  Fékk mér stundum permó í gegnum tíðina.  Síðast 2000 og svo um tveim árum síðar ákvað ég að fá mér smá lit í hárið og hárgreiðslustúlkan segir þú ert með svo passlega liðað hár.  Ég segi auðvitað iss þetta er permanett, sem ég fékk mér fyrir 2 árum, hárið á mér tekur svo vel við.  Stúlkan fær auðvitað kast.    Upplýsir mig um það að sama hversu vel hárið taki við þá sé ekkert eftir af permanetti eftir 2 ár.  Ég sem sagt var allt í einu komin með liðað hár.  Ég varð mjög glöð með það og er enn, en fannst þetta fullseint - mér var löngu orðið sama.

En að Kiljunni og Agli.  Ég hef séð brot úr 2 þáttum og hvorugt spennandi og full af uppskrúfuðu listasnobbi.  Ég veit ekki hvort ég ætla að gefa því mikið fleiri tækifæri.  Ég held ég verði þó, hef ekki hitt á Kolbrúnu enn, svo það er kannski von.

Ég hef alltaf átt betur með að þola Egil ef ég sé hann ekki, svo ég er sammála hann er ekki dúllurass.

[Birna Dis Vilbertsdóttir (IP-tala skráð) 6.10.2007 kl. 23:18]

Man eftir permó tímabilinu.OMG hvað það er hallærislegt í dag. Kolbrún er flott og talar mannamál. Egill er ekki dúllurass.Krullurass kannski ?

[Jenný Anna Baldursdóttir, 6.10.2007 kl. 23:22]

Egill hefur fínar hliðar.  Mér fannst æðislegt þegar hann byrjaði með Silfur Egils.  En enginn er hafinn yfir gagnrýni.  Annars skulum við ekkert vera að velta okkur upp úr hárinu á honum, ég nefndi það vegna þess að hann er með fullkomnar krullur, svona eins og maður reyndi stöðugt að ná með permanenti hérna í denn.

En hann er óneitanlega sakleysislegur glókollur, þessi dúlla.

[Hugarfluga, 6.10.2007 kl. 23:46]

Ji, ég sá Egil einmitt á Laugaveginum í dag ... eins og Heiða. Hann var með hatt og gleraugu og trullurnar komu útundan hattinum ... eiginlega hálfgerður dúllurass if you ask me. Með þetta krúttlega göngulag. Langaði eiginlega til að bjóða honum heim á aðfangadagskvöld eða allavega elda hand'onum læri með brúnuðum, rauðkáli og grænum Ora. En já ... Kolla rokkar feitt. 

[Jenný Anna Baldursdóttir, 6.10.2007 kl. 23:50]

Æi nú tryllist ég fluga, mig langar í læri með nákvæmlega þessu sem þú telur upp.  Þetta er uppáhaldsmatur hússins, hér á bær.  Arg.