Edrú - Edrú - Edrú - Hátíðarsnúra Jennýjar

Ok, hvað getur kona sagt, þegar ár er liðið frá því að hún labbaði inn á Vog?  Ég veit svei mér þá, ekki hvernig maður hagar sér þegar þeim áfanga er náð.  Ég fór svo sorgmædd og niðurbrotin inn í meðferð, með nánast ekkert að vopni nema smá von um að það væri möguleiki fyrir mig að komast aftur til mannheima.

Dagarnir hafa orðið að vikum, vikurnar að mánuðum og alltaf hefur útsýnið af snúrunni minni orðið fallegra og betra.  Það var erfitt að byrja að blogga um að ég væri alki.  En fljótlega var það orðið hreint ótrúlega auðvelt að gangast við því,  og ég hamraði um edrúlífið mitt af miklum móð, á lyklaborðið.  Erfiðast fannst mér þó að setja það í orð, að ég hefði líka misnotað lyf.  Bæði svefnlyf og róandi.  En ég lét vaða og fljótlega öðlaðist ég frelsi frá þeirri skömm líka.

Sumum sem ég þekki finnst út í hött að blogga um að vera alki.  Finnst að það eigi að vera prívat.  Nafnlaust.  Ég er ekki sammála.  Mér er illa við leyndarmál.  Þau hafa reynst mér þung í skauti.  Leyndarmálin og óheiðarleikinn sem fylgja því að vera virkur alkóhólisti meiða bara og særa.  Þess vegna hefur það bara hjálpað mér að tala og skrifa um það á opinskáan hátt.  Það hefur sætt mig betur við sjálfa mig og það sem var.

Ég er ekki stolt yfir því að hafa eytt einhverjum X fjölda ára í að hálfdrepa mig sullandi og étandi lyf.  Svo ég ekki tali um hvað það gerði mínum nánustu og öllum sem þóttu vænt um mig.  En ég get ekki breytt fortíðinni.  Það er ljóst.  En ég horfi nokkuð stolt fram á veginn.  Ég er að vinna á mínum sjúkdómi og ég hef verkfærin til þess.

Á Vogi eignaðist ég trú á sjálfa mig og lífið.  Með hjálp frábærs fagfólks og allra reyndar sem hjá SÁÁ vinna, gat ég risið upp og orðið sjálfri mér lík á ný.

Í dag hef ég verið undarlega meyr.  Ég hef eiginlega verið hálf klökk og glöð til skiptis.

 Jibbí, ég er eins árs í dag.  Í eitt ár hef ég verið allsgáð.  Ég ætla að fá mér súkkulaði með rjóma, í morgunmat í fyrramálið.

Og þið bloggvinir mínir og allir sem hafið sent mér stuðningskveðjur.  Takk kærlega fyrir mig.  Það hefur glatt mig ósegjanlega mikið.

Ójá.

 

Athugasemdir

[Ragnheiður , 5.10.2007 kl. 00:41]

Elsku Jenný, ég er glöð með þér. Að fá að heyra fallegu röddina þína svona eins og hún á að vera. Það er ómetanlegt. Ég er rosalega glöð með þér.

Elskan mín, til hamingju með þennan frábæra áfanga

[María Kristjánsdóttir, 5.10.2007 kl. 00:54]

Til hamingju með daginn, og bloggrósir.

[Þóra Sigurðardóttir, 5.10.2007 kl. 00:58]

Þú átt mikinn heiður skilið fyrir að tala um þetta á svona einlægan hátt. Ég óska þér innilega til hamingju með árið þitt

[Jenný Anna Baldursdóttir, 5.10.2007 kl. 00:58]

Takk allar dúllurnar mínar.  Oh María, bloggrósir.  Svo sætt

[Bjarndís Helena Mitchell, 5.10.2007 kl. 01:09]

Innilegar hamingjuóskir með áfangann. Fyrsta árið er yfirleitt erfiðast, en þegar ég náði þessum áfanga sjálf, á sínum tíma, ætlaði ég varla að trúa því. Mér fannst ótrúlegt að ég næði að vera edrú í heilt ár! Lífið var þá loksins að nálgast það að vera eðlilegt og ég var loksins búin að ná því að ég hefði ekkert til að skammast mín fyrir lengur. Mér fannst þá, og finnst enn dýrmætastur þessi léttir sem hrein samviska og skömmustuleysi færir manni. Sjálfsvirðingin endurheimt, sennilega í fyrsta sinn..... Síðan eru liðin einhver ár í viðbót, en merkilegastur áfanginn var fyrsta árið. 

Til hamingju aftur með árið, knús, bloggrósir, kerti og blöðrur til þín.

[Hrafnhildur Ýr Vilbertsdóttir, 5.10.2007 kl. 01:49]

Innilega til hamingju Jenný, að losna úr heimi vímunnar, það að fá að takast á við tilfinningar og lífið, sober og skýr í kollinum er það besta.

Mín besta og mesta víma er húmor, enda breytir hlátur boðefnum heilans og maður upplifir vellíðan, sanna heimatilbúna vellíðan.

Megi þér farnast vel á þessari braut.

[S. Lúther Gestsson, 5.10.2007 kl. 03:21]

Til hamingju með afmælið.

Þú ert lánsöm að hafa marga góða að sem styðja þig, enn mundu að þetta gerðir þú.

[Hrönn Sigurðardóttir, 5.10.2007 kl. 07:30]

Til hamingju með daginn. Frábær árangur hjá þér  

[Sædís Ósk Harðardóttir, 5.10.2007 kl. 07:32]

Hjartanlega til hamingju með þennan frábæra árangur sem þú ert ´buin að ná,.  Guð gefi þér styrk til að halda áfram á sömu góðu brautinni

[Huld S. Ringsted, 5.10.2007 kl. 07:48]

Til hamingju með ársafmælið. Frábær árángur

[Guðríður Haraldsdóttir, 5.10.2007 kl. 08:12]

Til hamingju, elsku hjartans krúttið mitt, dugnaðarsnúllukrúsípúsí ... Þetta er frábær árangur hjá þér! Ég er svo montin af þér!!!

[Katrín Snæhólm Baldursdóttir, 5.10.2007 kl. 08:23]

 Gleði og gæfa til þín Jenný.

[Sunna Dóra Möller, 5.10.2007 kl. 08:25]

Til hamingju með árið! Þetta er frábær árangur hjá þér og þú ert sannarlega hetja bæði að ná þessu ári og að deila með okkur öllum því sem að þú ert að ganga í gegnum . Gangi þér ótrúlega vel áfram og eigðu góðan afmælisdag!

[Þröstur Unnar, 5.10.2007 kl. 08:25]

Ég hef verið fastur gestur hérna á þinni síðu, lesið og lært frá því í síðastliðin vetur. Mér finnst þetta "snúrublogg" alveg frábært, og þú fyrir að geta sagt reglulega frá þínum sjúkdómi. Við eigum öll einhvern djöful að draga. Ég á minn, og hef velt svolítið fyrir mér hvort ég ætti að gubba einhverju af því hér inn á bloggið. Held nefnilega að það gæti "frelsað" mann á vissan hátt. Þú færir mig nær þeirri hugsun með þínum frábæru skrifum.

Innilega til hamingju með þig sjálfa og árangurinn.

[Ásthildur Cesil Þórðardóttir, 5.10.2007 kl. 08:40]

Innilega til hamingju elsku Jenný mín.  Þú ert hetja, og það er alveg rétt hjá þér, að þögnin og leyndarmálin fara ekkert, þau sitja föst í sálinni og hlaða utan á sig ennþá meiri leyndarmálum og þögn, þangað til við getum ekki meira, og allt er stíflað.  Það þarf kjark til að tala og þann kjark hefur þú elskuleg. 

Það er von að þú sért stolt, það er ekki heiglum hent að koma sér út úr svona ástandi.  Risastórt knús.

[Birna Dis Vilbertsdóttir (IP-tala skráð) 5.10.2007 kl. 08:59]

 Til hamingju með árið.Og áfram með snúrublogg.Knús til þín

[Hallgerður langbrók (IP-tala skráð) 5.10.2007 kl. 09:05]

Til hamingju með áfangan Jenný.Enn einu sinni sannast að stærsti sigurinn sem maður vinnur er sigurinn á sjálfum sér.Það sem gerir þig svo aðlaðandi er einlægni þín.Við viljum hana öll,en höfum ekki sjálfstraust í þessum hraða töffaraheimi til að opna okkur.Sjáðu alla sem skrifa þér,lesa bloggið þitt, trúlega dæmi um að sendi maður frá sér eitthvað gott kemur það þúsundfallt til baka !það einfalda er alltaf best og sannast.Ég hef áður sent þér línu varðandi mína fíkn sem er nikotínið sem undaralega nok nýtur aðeins meiri virðingar í fíknumræðunni.Allstaðar goggunnarröð.En prímerinn er sá sami að mínu viti,eitthvert helv...stjórnleysi ? Takk fyrir skemmtileg og ærleg skrif það er einhvern veginn það tungumál sem ég skil hvað best,takk líka fyrir frábærar myndir sem oft fylgja.....langbrókin

[Ragnhildur Sverrisdóttir, 5.10.2007 kl. 09:12]

Til hamingju með áfangann

[Hildigunnur Rúnarsdóttir, 5.10.2007 kl. 09:18]

til hamingju :)

[Einar Bragi Bragason., 5.10.2007 kl. 09:20]

TIL LUKKU

[Kristín Björg Þorsteinsdóttir, 5.10.2007 kl. 09:25]

Til hamingju með daginn og framtíðina. NJÓTTU!

[Heimir Lárusson Fjeldsted, 5.10.2007 kl. 09:27]

Þetta venst hreint ótrúlega vel, til hamingju :-)

[Kristjana Leifsdóttir (IP-tala skráð) 5.10.2007 kl. 09:28]

Jenný þú ert afrekskona, ekkert minna. Innilega til hamingju og njóttu dagsins. Þú átt skilið súkkulaði og rjóma í alla morgunverði framtíðarinnar..  ps. Alltaf svo gaman að lesa hugleiðingar þínar, takk fyrir mig þó ég kvitti sjaldan.

Kv. Kristjana Leifsdóttir

[Eva Þorsteinsdóttir, 5.10.2007 kl. 09:31]

Hún á afmæli í dag, hún á afmæli hún Jenný, hún er eins árs í dag ..... jeiiiii!

Eigðu góðan dag músla

[Margrét Össurardóttir (IP-tala skráð) 5.10.2007 kl. 09:33]

Til hamingju með áfangan dúlla, njóttu þessa í botn.

[krossgata, 5.10.2007 kl. 09:43]

Ég hef áður sagt það að mér finnst snúrubloggin þín merkileg.  Opin, stundum full af fyndni og alltaf raunsæ, þú ert ekki alltaf að vorkenna þér.  Innilega til hamingju með daginn. 

[Heiða B. Heiðars, 5.10.2007 kl. 10:06]

Til hamingju elsku klemman mín

[Brynja Nordquist (IP-tala skráð) 5.10.2007 kl. 10:13]

Elsku Jenný... til hamingju, ást og hlýja til þin

[Steingerður Steinarsdóttir, 5.10.2007 kl. 10:17]

Til hamingju og að mínu mati ertu meira en klemma. Þú ert heill snúrustaur og gangi þér vel áfram.

[Óskar Þorkelsson, 5.10.2007 kl. 10:17]

innilega til hamingju með þennan áfanga Jenný

[Kristín Katla Árnadóttir, 5.10.2007 kl. 10:20]

Elskan til hamingju með áfangan þú er mjög dugleg.

[Sóley (IP-tala skráð) 5.10.2007 kl. 10:24]

Til hamingju með þennan stóra dag og áfanga. Knús Sóley og Birta

[Jenný Anna Baldursdóttir, 5.10.2007 kl. 10:45]

Þið eruð yndislegur og eruð hér með útnefnd sem englakórinn minn.  Ég þarf að fara og hita mér súkkulaðið.  Vó eins gott að muna eftir insúlíninu í gleðilátunum.  Mikið skelfing ætla ég að njóta þess að hafa farið í gegnum heilt ár af hamingju, eða það sem ég skilgreini sem hamingju.  Þ.e. að vera sjálf skipstýra á minni "eigins" skútu Dem af hverju eru öngvar "broskjéddlingar" til?

Takk snúllurnar mínar.  Ég er rík kona.

[Hugarfluga, 5.10.2007 kl. 10:48]

Þú mátt bara alveg vera stolt af sjálfri þér. What's done is done, nú er það bara Fram fram fylking og Hver vegur að heiman er vegurinn heim og allt það. 

[Anna Einarsdóttir, 5.10.2007 kl. 10:54]

Hjartanlega til hamingju með þetta Jenný mín.  Þú ert kjörkuð kona að skrifa svona opinskátt um málin. 

[Jóna Á. Gísladóttir, 5.10.2007 kl. 10:54]

Æi.. ég er með tárin í augunum.. Þú ert svo flott Jenný Anna Baldursdóttir. Og eftir 4 vikur ætla ég að sýna litlu stúlkunni bloggið þitt. Hún getur lært svo margt af viðhorfinu þínu og  opinskáu umfjölluninni. love you. keep up the good work.

[Jenný Anna Baldursdóttir, 5.10.2007 kl. 11:11]

Takk elsku fluva mín og Anna.  Þið eruð ekki sem verstar sjálfar

Jónsín mín þú ert í hjartanu á mér, múr- og naglföst og ferð auðvitað ekki fet addna kjéddling

[Heiða Þórðar, 5.10.2007 kl. 11:20]

Ég er með gæsahúð eftir lesturinn. Þú er auðvitað æðisleg Jenný! Innilega til hamingju með áfangann!

[Anna Ólafsdóttir (anno) (IP-tala skráð) 5.10.2007 kl. 11:25]

Elsku hjartans vinkona! Til hamingju með áfangann  Það er búið að vera svo stórkostlegt að fá að fylgjast með öllum litlum sigrunum þínum sem birst hafa í snúrubloggunum og líka öllum manneskjulegheitunum og tilfinningunum sem þú hefur deilt með okkur bloggvinunum þínum. Þú ert og verður alltaf perla í mínum huga elsku Jenný. Njóttu dagsins í botn og lofaðu að hugsa smá til mín, þó ekki sé meðan þú rennir niður einum sopa af súkkulaðinu.

[Anna Ólafsdóttir (anno) (IP-tala skráð) 5.10.2007 kl. 11:37]

PS. það sem ég vildi sagt hafa var: ... þó ekki sé nema bara meðan þú rennir niður einum sopa af súkkulaðinu - nei annars tveimur (af því að ég skrifaði tvö komment)

[Dagbjört (IP-tala skráð) 5.10.2007 kl. 11:40]

Geðveikt!!! Til hamingju.

Þú ert í bookmarks hjá mér og ég les þig(reyni) daglega.

Stay cool :-)

[Daði Einarsson, 5.10.2007 kl. 11:45]

Til hamingju með daginn og frábæran árangur.

[Doddi - Þorsteinn G. Jónsson (IP-tala skráð) 5.10.2007 kl. 12:00]

Elsku besta Jenný. Til hamingju með þetta eins árs afmæli!! Eins og ég sagði í bloggi varðandi 11 mánaða afmælið, þá er ég afar ánægður að heyra af svona árangri, þar sem október er t.d. mjög sérstakur mánuður í mínum huga hvað þetta varðar - en mamma hætti að drekka 31. október 1982.

Til hamingju með þig aftur - þúsundfaldir hamingjukossar og knús til þín frá Akureyri!

[Jenný Anna Baldursdóttir, 5.10.2007 kl. 12:06]

Ég er búin að fara hjá mér svona fimmhundruð sinnum, hm.. djö sem ég ýki, en að minnsta kosti jafn oft og kveðjurnar eru margar.  En svo hugsa ég jafnframt; kva, þetta ER stór áfangi og ég MÁ alveg láta mér þykja vænt um hann og njóta þess að það er til fullt af yndislegu fólki sem hugsar í alvörunni fallega til mín og nennir að segja mér það.  Það er alls ekki sjálfsagt og ég ER alveg ofsalega þakklát ykkur öllum sem hafið "snúrast" og "klemmast" með mér alveg frá því ég hef byrjað að blogga, hvatt mig áfram og verið þáttakendur í lífinu mínu.  Arg hvað ég er þakklát ykkur fyrir það. 

Þúsund milljón kossar og klemm.

[Marta B Helgadóttir, 5.10.2007 kl. 12:29]

Innilega til hamingju Jenný, þú stendur þig vel

[Guðrún Jóhannesdóttir, 5.10.2007 kl. 12:37]

Frábært Jenný bara frábært! Innilega til hamingju með afmælið, sannarlega eitthvað til að vera stolt af Megi góður Guð styrkja tig í áframhaldandi vinnu með sjálfa tig, tú ert frábær.

Knús og kram frá einni á Skaganum, sem les tig nánst daglega 

[Ásdís Sigurðardóttir, 5.10.2007 kl. 13:16]

Elsku Jenný enn og aftur til hamingju með afmælið, þú mátt sko vera stolt af þér. Ég er sannfærð um að þú hefur hjálpað mörgum með því að vera svona hreinskiptin.  Bódís biður að heilsa Bördí og lofar að hún mundi ekki borða hann ef hún fengi að koma í heimsókn. 

[Kolgrima, 5.10.2007 kl. 15:44]

Vá, til hamingju  

[maysan (IP-tala skráð) 5.10.2007 kl. 22:14]

til hamingju mammsl

elska þig

[Sigfús Sigurþórsson., 6.10.2007 kl. 00:03]

Smelltu og hafðu hljóðið á Jenny.

http://www.star28.net/penguin_tebe.swf?msg=Til%20lukku%20Jenny

Kveðja:

[Jenný Anna Baldursdóttir, 6.10.2007 kl. 01:02]

Elsku Maysubarnið mitt, takk snúllan mín, þetta gladdi mömmuna í tætlur.  Eslka þig og knúsaðu fallegast smádrenginn í heiminum frá ömmu.

Elsku Sigfús, þetta er bara svo sætt. 

[Árni Gunnarsson, 7.10.2007 kl. 18:02]

Hamingjuóskir til þín Jenný!!!

Og ekki minni hamingjuóskir til allra sem eru þátttakendur í þínu lífi, deila með þér gleði og sorgum og elska þig.

[Bogga (IP-tala skráð) 7.10.2007 kl. 23:35]

Sæl Jenný. Og til hamíngju með 1árs afmælið glæsilegt hjá þér. Ég kannast alveg við hvernig þér líður var svona sjálf fyrir rúmum 15 árum.

[Jenný Anna Baldursdóttir, 8.10.2007 kl. 00:39]

Kærar þakkir fyrir fallegar kveðjur, Árni og Bogga.

[Axel Jón Fjeldsted (IP-tala skráð) 8.10.2007 kl. 03:04]

og hvernig fórstu að því?