Af Bördí Jennýjarsyni, niðurhali og óvissuferð um eldhús

Bördí Jennýjarson gerir það ekki endasleppt.  Hann er núna í algjörri lausagöngu og fer aðeins inn í búrið til að borða.  Hann hefur tekið yfir stofuna, ganginn og eldhúsið.  Í kryddhillunni er öllum þurrkuðum jurtum ógnað, þar sem hann ýtir öllum staukum sem fyrir honum verða, frá með miklum gassagangi.  Niðurstaða: 4 kryddkrukkur brotnar og mikð vænghaf yfir eldavél.

Ég hef ekki komist í tölvu vegna niðurhals eiginmanns á allskyns fídusum.  Það hefur tekið 4 klukkutíma.  Á meðan sat ég í fýlu í eldhúsinu ásamt Bördí, sem týndist bak við reikningahrúgu fyrir ofan ískápin.

Nú fara fram samningaumleitanir við fuglskratta, um veru í búri til morguns.  Horfur á niðurstöðu ekki góðar.

Sé ykkur eftir að fugl hefur verið veiddur í slæðu og troðið í búr.

Fíddfíjú

Athugasemdir

[Jóna Á. Gísladóttir, 4.10.2007 kl. 22:56]

hahahaha ég þekki þetta syndrome. Þ.e. fljúgandi páfagauka sem neita að fara í bælið. Mikið er ég fegin að þú hafðir félagsskap í fýlukastinu.

[Katrín Snæhólm Baldursdóttir, 4.10.2007 kl. 23:06]

Steikja hann og éta er mitt mat á aðstæðum. Góð máltíð og fullt af vandræðum úr sögunni.

Nema kannski með Jenný litlu Unu næst þegar hún kemur í heimsókn en saga um fugl sem flaug út um opinn glugga virkar oft.

Knús

[Katrín Snæhólm Baldursdóttir, 4.10.2007 kl. 23:08]

Legg þetta bara til af því að ég veit að þú elskar að éta eldaða fugla.

[krossgata, 4.10.2007 kl. 23:11]

Ómægod, ert þú líka með reikningahrúgu.   Mín er ofan á örbylgjuofninum.

[Ásdís Sigurðardóttir, 4.10.2007 kl. 23:26]

Góður fugl, heldur stuðinu gangandi hjá þér.

[Jenný Anna Baldursdóttir, 4.10.2007 kl. 23:50]

Katrín, Bördí Jennýjarson, er sonur Jennýjar Unu, þess vegna fer hann ekki út um glugga né verður hann étinn.

[Jenný Anna Baldursdóttir, 4.10.2007 kl. 23:51]

Á mínum örbylgjuofni eru greiddir reikningar.  Þeir eru örfáir.

[Birna Dis Vilbertsdóttir (IP-tala skráð) 5.10.2007 kl. 00:26]

Mín hrúga er greidd en er Á LEIÐINNI í möppuna.ég er búin að sortera og flokka.Bara eftir að raða.Og hvað á að þíða að tala um svona rétt fyrir háttinn? Nú verður sveigjanleg ég að vakna upp í alla nótt við það að ég sé að raða í möppu. Ekki martröð með ógreiddum reikningum heldur dreyma frágang á greiddum.

[Magnús Geir Guðmundsson, 5.10.2007 kl. 18:24]

Blessuð Jenný skraufþurra skvísa, til hamingju með daginn!

Sagði þinn heittelskaði, að hann væri að hlaða eða hala niður "Fídusum"? sem tók heila fjóra klukkutíma!?

Ef hann hefur gert það og er mikill snillingur í tölvunum, þá áttu endilega að láta hann skyra málið betur og deila því svo með okkur. Yrði mjög fróðlegt að heyra það!