Skádóttir, Hillary Swank, kjúklingabringur og sár vonbrigði.

 

Ástrósin, skádóttir mín, var hjá okkur í afmælisdinner, þessi elska, en hún varð 16 ára um helgina.  Jesús minn hvað tíminn líður.  Hún var ekki nema tæpra þriggja ára, þegar hún kom inn í líf mitt, snúllan sú arna.  Núna er hún sum sé orðin stór stelpa, samt minnsta barnið í barnahópnum okkar Einars.

Hún fór með pabba sínum út á vídeóleigu, þegar við höfðum snætt kjúklingabringur, með ofnbökuðum gulrótum, kartöflum og blómkáli, ásamt karrýlegnum eplum og dúndur sósu, allt framreitt af mér, eðalkokknum (ég er heitur aðdáandi sjálfrar mín eins og þið sjáið). 

Ég hef húsbandið grunaðan um að vera að venja mig af því að horfa á dvd-myndir.  Eins og hann er naskur að finna góðar ræmur, þá hafa undanfarin tvö skipti verið skelfileg törnoff í áhorfsdeildinni.  Núna leigðu þau hroðbjóð sem heitir "The Reaping".  Með Hillary Swank.  Ég veit ekki hvort ég muni nokkru sinni fyrirgefa Hillary fyrir þennan bömmer að leika í svona lélegri mynd, um hinar sjö biblísku plágur.  Myndin innihélt; Hillary, kaþólskan prest, svartan rannsóknarmann, myndarlegan son Satans og blóði drifið stúlkubarn , sem hljóp um allt, grunuð um að vera handbendi Satans en reyndist svo hlaupa um á Guðs vegum, þegar allt kom til alls.  Það voru pöddur og blóðá, engisprettur og bólusótt sem skreyttu myndina enn frekar.  Ójá, klígjulega spennandi.

Ég varð fyrir sárum vonbrigðum.

Þar áður leigði minn heittelskaði,  ævintýramynd um víkinga og indíána, með miklu vopnaglamri, blóði og öðrum viðbjóði.  Nei annars, ég hef hann ekki lengur grunaðan um að vera að venja mig af myndaglápi á kvöldin,  hann ER að því.

Úje

Athugasemdir

[krossgata, 3.10.2007 kl. 22:23]

Svakalega líst mér vel á þennan kvöldverð, þá sérstaklega karrýlegnu eplin.  Uppskrift?

[Jenný Anna Baldursdóttir, 3.10.2007 kl. 22:41]

Einfalt Krossgata mín. Sker nokkur epli í bita, set örlitla olívuolíu og karrý eftir smekk og læt standa í lokuðu íláti í ískáp í 2 tíma fyrir eldun. Léttsteiki eplin upp úr olíu með örlitlu hunangi.  Og vola þú ert með hinmasendingu á diski.

[Jenný Anna Baldursdóttir, 3.10.2007 kl. 22:43]

Æi grænmetið, gulrætur skornar í þrá bita ca. (hver gulrót, nota lífrænt ræktaðar). Afhýði kartöflur og brýt einn blómkálshaus frekar gróft.  Skelli öllu í eldfast form, með olífuolíu, maldonsalti, ferskum svörtum pipar og estragoni.  Læt bakast (með álpappír yfir) í 200 gr. þar til meyrt.  Ekki of lengi mind you.

[Anna Ólafsdóttir (anno) (IP-tala skráð) 3.10.2007 kl. 22:47]

Ég er mjög hneyksluð á henni Hillary að leika í þessari mynd, frétti af því að hún væri hræðilega léleg og skil ekki konuna að láta hafa sig út í svona hlutverk - fussumsvei - en BTW hvernig væri að konan sæi um valið næst???

[Sunna Dóra Möller, 3.10.2007 kl. 22:51]

Ég ætla aldeilis að horfa á þessa mynd......kaþólskur prestur......blóðidrifið barn á Guðs vegum....plágur og sonur satans........hvað getur aumjúkur guðfræðinemi beðið um það betra á hinum síðustu og verstu.....

[Jenný Anna Baldursdóttir, 3.10.2007 kl. 22:52]

Trúðu mér, næst (einhverntímann í des.) mun þessi kona velja og það verður enginn viðbjóður.  Það verður leikverk - án ofbeldis, blóðs og annars hroðbjóðs.  Hann má þakka fyrir það hann Einar minn að ég leigi ekki Sound of music til mótvægis við þetta alltsaman.

[Jenný Anna Baldursdóttir, 3.10.2007 kl. 22:53]

SD trúðu mér, you would´nt like it.

[Ragnheiður , 3.10.2007 kl. 22:56]

Isss ég er nú hætt að gá hvað minn kemur með til að horfa á..veit að ef hann velur þá er það glatað. Það er ekki úr háum söðli að detta þar.

Kvöldverðurinn hljómar vel . Var Birdí í desert ? Þú hefur ekki minnst á Arnarlíkið í dag ?

[Jenný Anna Baldursdóttir, 3.10.2007 kl. 23:07]

Ragga:  Skammastín, lillabarnið á heimilnu í desert?OMG.

Hér var borðað Lindubuff (sumir sem eru ekki með sykursýki) og drukkið kók zeró í tilefni dagsins.

[Jóna Á. Gísladóttir, 3.10.2007 kl. 23:35]

Til hamingju með skádóttur honey. Ég vil fá uppskriftir af öllum þínum grænmetisréttum haddna

[Þröstur Unnar, 3.10.2007 kl. 23:37]

Ég þjáist af myndvalsfóbíu, þarf alltaf að láta karkkana á vídóleigunni segja mér hvaða mynd ég á að taka. Vill ekki svona myndir um grátur barna og blóð í tengslum við þau, bara hata það. Þú mátt nú ekki gera manninn alveg fráhverfan vídeóum með Músikhjóði.

[Jenný Anna Baldursdóttir, 3.10.2007 kl. 23:42]

Hehe Þröstur, geri það ekki, þe leigi Tónaflóðið, nánast hata þá mynd, ef hægt er að nota það orð.

Jónsí mín, þú veist ég geri allt fyrir þig dúllan mín.

[Bjarndís Helena Mitchell, 3.10.2007 kl. 23:45]

Þá er búið að bæta einni myndinni við listann um þær sem ég vil ekki leigja næstu misserin. Hljómar samt eins og að sumir á mínu heimili myndu hafa gaman af, en ég ræð, enginn annar fær að fara í minn stað á leigurnar, bara að koma með og fá sitt val um eina mynd. Takk fyrir uppskriftirnar, mun sennilega prófa þessa með eplin einhverntímann þegar ég má vera að því. Knús

[Eva Þorsteinsdóttir, 4.10.2007 kl. 00:45]

Þyrftir nú að taka mig á matreiðslunámskeið, kann nebblega ekki að elda.

[Birna Dis Vilbertsdóttir (IP-tala skráð) 4.10.2007 kl. 08:45]

um æðisleg uppskrift, prófa hana um helgina 

[Hildigunnur Rúnarsdóttir, 4.10.2007 kl. 10:02]

horfa á Pan's Labyrinth. Hún góð :D