Varúð - Stress er hættulegt!

Í dag er ég arfastressuð, enda að bíða eftir að komast í mergsýnatökuna.  Til að stytta mér stundir og komast hjá því að flippa út á biðinni, hef ég tekið mér ýmislegt fyrir hendur.  Þar var þar sem vandamálin byrjuðu.

Ég ákvað að baka.  Niðurstaða: Ég setti hrærivél á fullt en hafði gleymt vökvanum.  Eldhús ásamt bakara hulið hvítum salla.

Ég hálsbraut mig nánast á ryksugusnúrunni, þar sem húsbandið var að ryksuga í rólegheitum.  Ástæða: Síminn hringdi og ég varð að ná honum strax.  Vegna álags var ég löngu búin að gleyma tækniundrinu númerabirti.

Týndi Bördí, sem er á heimilinu í lausagöngu (flugi).  Vissi ekki að ég hefði týnt fugli fyrr en hann skilaði sér sjálfur.  Hann lagðist til svefns á bak við bækur í bókahillunni og gaf sig fram þegar hann var orðinn úrkula vonar um að matmóðir hans saknaði hans.  Fugl heldur annars að hann sé örn, liggur á bókastafla, flesta daga og horfir yfir ríki sitt.  Mergjaður karakter, Bördí Jennýjarson.

Nú er ég að ná mér niður.  Það er bannað að keyra undir áhrifum áfengis.  Það ætti líka að vera bannað að ráðast í verkefni eins og notkun rafmagnstækja undir álagi, að viðlögðum sektum og hræravélasvipti.

Úje

Athugasemdir

[Sunna Dóra Möller, 2.10.2007 kl. 14:57]

Farðu vel með þig

[Ragnheiður , 2.10.2007 kl. 15:22]

Æj þú ert sætust. Skil vel stressið en skil síður stresslosunaraðferðir frúarinnar hehehe

[Margrét Össurardóttir (IP-tala skráð) 2.10.2007 kl. 15:41]

heheh,,, alltaf jafn gaman að lesa pistlana þína .

[Birna Dis Vilbertsdóttir (IP-tala skráð) 2.10.2007 kl. 15:53]

Hef verið í þessum gír og það leiðir yfirleitt af sér brandara innan fjölskyldunnar. Knús og farðu vel með þig. Það er erfitt að bíða eftir hinum og þessum niðurstöðunum 

[Hildigunnur Rúnarsdóttir, 2.10.2007 kl. 15:54]

tojtoj.

Jón Arnar, snilldarkisa :D

[Eva Þorsteinsdóttir, 2.10.2007 kl. 16:09]

Ekkert stress, vertu bara hress, ó já ;)

[Ásthildur Cesil Þórðardóttir, 2.10.2007 kl. 16:17]

Knúsi knús elskulegust. 

[Kristín Katla Árnadóttir, 2.10.2007 kl. 16:17]

Já blessuð farðu vel með þig ljúfust.

[Ragnheiður , 2.10.2007 kl. 16:43]

Yndislega vinkona mín Jenný. Ég fór og fann ljós handa þér og ætla að senda þér þær hlýjustu hugsanir sem ég á til.

[krossgata, 2.10.2007 kl. 17:45]

Dragðu nú djúpt andann - mundu að anda samt frá þér aftur.  Gangi þér svo vel í rannsókninni.

[Guðríður Hrefna Haraldsdóttir, 2.10.2007 kl. 18:05]

Þú kannt að láta mann fara að hlæja en samt hafa svo mikla samúð með þér, elsku Stressí mín.

[Jenný Anna Baldursdóttir, 2.10.2007 kl. 18:21]

Þið eruð yndisleg upp til hópa, og Ragga kertið er æðislegt.  Nú er að bíða eftir niðurstöðunum og njóta lífsins og meðan og gefa allri dramatík frí.

Lofjúgæs. Og ég meinaða

[Jóna Á. Gísladóttir, 2.10.2007 kl. 22:53]

Voða er Einarrrrr duglegur að ryksuga og sonna.....

verð að fara að fá að hitta alla þessa karaktera; Einar ryksuguglaða, Jenny Unu Erikssssssdóttir, Örninn bördí og Jenný Önnu merglausu.

Mikið djö... er ég ógisslega fyndin í kvöld

[Jenný Anna Baldursdóttir, 2.10.2007 kl. 23:04]

Þú ert ógisla fyndin í kvöld Jónsí mín, erða rauðvínið með matnum eða ertu bara fyndin á eigin safa krúttið mitt?