Umboðsmaður Íslands

Ég er ekki sérlega hrifin af umboðsmönnum, fasteignasölum, tryggingarsölumönnum og öðrum milliliðum sem nútíma þjóðfélag hefur komið sér upp.  Einu sinni handsalaði fólk samninga, virti þá og viðskipti voru gerð milliliðalaust og báðir aðilar högnuðust ef um hagnað var að ræða.

Ðe umboðsmaður, eða Einar Bárða, er að koma út á bók, það er trixin sem hann notar til að ná árangri í bransanum.

Ég hef ekki smekk fyrir þeirri "list" sem hann er umboðsmaður fyrir, ef undan er skilinn Garðar Cortes, en Einar Bárðarson er duglegur í vinnunni og býr í mörgum löndum.  Amk tveimur.  Hann halar líka inn peninga,  en það hafa aðrir gert á undan honum, þ.e. hagnast feitt á tónlistarmönnum. 

Hefur Jón Ólafsson komið út á bók?

Fyrir mér er samasem merki á milli umboðsmannsins og  commercial-músík.

Er þetta metsölubókin í ár haldið þið?

Verðum við einhverju nær?

Ædóntþeinksó.

Bók um Einar Bárðarson

Athugasemdir

[Bryndís R (IP-tala skráð) 30.9.2007 kl. 00:30]

Ég veit að ég mun ekki lesa þessa bók. Finnst þetta vera frekar halló

[krossgata, 30.9.2007 kl. 00:41]

Bráðum verður farið að gefa út ævisögur fljótlega upp úr fæðingu. 

[Eva Þorsteinsdóttir, 30.9.2007 kl. 00:45]

Er ævisaga ekki saga einstaklings sem hefur átt langa og viðburðarríka ævi ...... eða er það out?

[Jenný Anna Baldursdóttir, 30.9.2007 kl. 01:03]

Nú eru "afreksmennirnir" komnir með ævisögur upp úr tvítugu.  Bindi I, II,II og svo vidare koma svo á árs fresti lífið út.  Muhahahaha

[Kolgrima, 30.9.2007 kl. 02:51]

Eða það sem verra er, sumir fá ævisögur mjög ungir og eins og hætti að vera til eftir það. En hvernig fólk veit hverjir eru umboðsmenn tónlistarmanna er mér hulin ráðgáta - ekki veit ég hver Ðe umboðsmaður er og langar einhvern veginn ekki til að komast að því. Mér finnst bara gaman að lesa ævisögur dauðra!

[Sunna Dóra Möller, 30.9.2007 kl. 08:50]

Ég auglýsi hér eftir einhverjum til að skrifa bók um mig......ég hef gert margt, upplifað ýmislegt....get sagt skemmtisögur af mistökum í eldamennsku og margt, margt fleira. Vil helst að bókin komi út eftir ár.....áður en ég verð of gömul til að það verði smart að gefa bókina út........

[Hildigunnur Rúnarsdóttir, 1.10.2007 kl. 12:55]

neineinei, klassíkerar eru líka með umboðsmenn. Reyndar ekki sérlega algengt hér á landi, en úti kemstu ekki spönn frá rassi nema komast að hjá góðum umboðsmanni. Sem er ekkert auðvelt...