Loksins dómur við hæfi?

Svona miðað við dóma í kynferðisafbrotamálum þá held ég að dómurinn yfir Róberti Árna Hreiðarssyni, sé viðunandi, svona miðað við allt og allt.  Ekki að hann sé svo sem eitthvað til að hrópa húrra fyrir, en m.t.t. þess að refsiramminn er fjögur ár, þá er þetta skaplegt.  Ekki það að mér finnst nóg að gert.

Fyrir utan þann skelfilega glæp, að misnota sér aðstæður ungra stúlkna, til kynferðislegrar misnotkunar, er maðurinn í þeirri aðstöðu að sitja við yfirheyrslur á fórnarlömbum kynferðisofbeldis og auðvitað ætti honum að vera ljós, alvarleiki þeirra mála, fyrir nú utan siðleysið sem felst í því að vera inni í Barnahúsi svona yfirleitt.

Nú hefur Róbert Árni verið sviptur réttindum sínum sem héraðsdómslögmaður og það er gott.  Svo er spurning hvort hann áfrýjar til Hæstaréttar og hvað þar gerist svo.

Mikið skelfing mun ég fylgjast vel með því ef af verður.

Mér þætti gaman að vita hvers vegna ekki er hægt að tengja á þessa frétt í Mogganum.  Það er ekki eins og einhver hafi látist af slysförum.  Eru þeir hræddir um að við brjálaðir dómarar götunnar Lúkasiserum málið? 

Hvað veit ég.

 

Athugasemdir

[Brynjar Jóhannsson, 26.9.2007 kl. 20:41]

Ég er sammála þér varðandi að dómurinn sé meira í takt við réttlætiskennd fólks.

Ég er samt gallharður á þeirri skoðun minni að það verður að breita refsivist fanga með einum eða öðrum hætti. Ég fæ ekki séð að menn sleppi Litla hrauni sem breittir og betri einstaklingar sem taka ábyrð á gjörðum sínum. Refsivistin þarf að stuðla að því að láta menn lúta ábyrð.

Einnig finnst mér að auka þarf meðferðaform þolanda til muna. Mér skylst að þolendur nauðgannamála og aðstendur morða fái mjög takmarkaða hjálp frá hinu opinbera. Ekki get ég sagt í hverju slík meðferð á að vera nákvæmlega þó ég telji hana brína.

sem sé að unnið sé með sjálfsmynd þolanda nauðganna og þolandanum sem er oftast kona er hjálpað að komast aftur út í lífið án þess að vera með varanleg brunasár á sálinni.  

[Jóna Á. Gísladóttir, 26.9.2007 kl. 20:54]

Vel mælt hjá Brynjari.

Jenný það er ekki spurning að það er ástæðan fyrir því að þeir leyfa ekki link inn á fréttina. Þeir vilja ekki Lúkasinn á þetta. En það er fáránlegt ef þeir ætla að fara að stjórna með þessum hætti hvað/hvernig/hvort fólk ræði og/eða óskapist yfir mönnum og málefnum. Hefði einmitt haldið að þetta ætti aðeins við um banaslys, morð og þess háttar fréttir.

[Birna Dis Vilbertsdóttir (IP-tala skráð) 26.9.2007 kl. 21:00]

Ég linkaði á fréttina í dag.Hvort hægt sé að hjálpa svona mönnum veit ég ekki. Er efins um það en er ekki sérfræðingur í svoleiðis hjálp.

[krossgata, 26.9.2007 kl. 21:03]

Það er linkur á frétt hjá Huld Ringsted http://ringarinn.blog.is Þetta hlýtur að hafa verið tekið út síðar.

Ég hafði áhyggjur af því í dag hvað myndi gerast svo?  Gæti hann bara haldið áfram að verja þá sem gunaðir væru um barnaníð, en létti þegar ég heyrði í kvöldfréttum að hann hafi verið sviptur lögmannsréttindum.

[Jenný Anna Baldursdóttir, 26.9.2007 kl. 21:07]

Ég tel mig vita með vissu að refsidómar og gjaldþrot leiði átómatiskt til réttindasviptinga lögmanna/lögfræðinga.

Það er amk ekki hægt að linka á hana núna.  Ég sem er í penni kantinum í dag.  Hehe

Jóna búin að senda þér meil ´sskan.