Leikhúsferð innblásin af Baltasar

 

Þegar ég var stelpa var farið með mig á flest allar leiksýningar sem í boði voru og auðvitað elska ég leikhús.

Ég tók sömu aðferð á dætur mínar með ágætis árangri, þ.e. þær elska leikhúsið.

Þegar Maysa mín var 13 ára sýndi hún samt óvenju mikinn áhuga á að komast í Þjóðleikhúsið til að sjá  leikritið um rússnesku kennslukonuna hana Jelenu.  Við drifum okkur mæðgurnar, ekki mátti neita barni um leikhúsupplifunina sem myndi auðvitað stækka vitundarsvið hennar, bæta við tilfinningaflóruna og hvetja hana til enn frekari lesturs bókmennta (omg foreldrar). 

Í miðri sýningu varð mér litið á krakkann og þá sá ég að hún var með augun spennt á einn leikara á sviðinu - Baltasar.  Ég fór að fylgjast með enn betur og í hvert skipti sem Baltasar hreyfði sig, þá hreyfðist höfuð á ungling.  Í hléinu fór ég að spyrja út í verkið og María Greta Einarsdóttir leit á mig og sagði: Mamma ég er að horfa á Baltasar, ég tók ekkert eftir því hvað hinir voru að gera.

Trú mín á mannkyninu beið þarna mikinn hnekki.

Þetta kom upp í huga mér,  þegar ég las um að Baltasar væri með eftirsóttari leikstjórum.

Maðurinn er afburða leikari og afburða leikstjóri.

Verst að hann skuli ekki vera í hvorutveggja.

Og María Greta; skammastuðín, að hafa haft móður þína að ginningarfífli.

Úje!

 

 

Baltasar eftirsóttur

Athugasemdir

[Birna Dis Vilbertsdóttir (IP-tala skráð) 24.9.2007 kl. 10:14]

 

[Heiða Þórðar, 24.9.2007 kl. 10:21]

Já.... þú segir nokkuð. Maðurinn er auðvitað guðdómlega fallegur. Missti mig nánast undir svipuðum aðstæðum og María þegar ég var unglingur....;) Þakka Guði fyrir að honum fór að vaxa skegg....alls ekkert spennó með skegg. En augun eru ....þau fallegustu!

[Steingerður Steinarsdóttir, 24.9.2007 kl. 10:51]

Já, þetta kemur fyrir besta fólk. Ég hef staðið mig að því að tapa þræðinum í nokkrum verkum þar sem Hilmir Snær lék stórt hlutverk.

[Jenný Anna Baldursdóttir, 24.9.2007 kl. 10:57]

Hehe, góðar.  Þetta kippti mér a.m.k. niður á jörðina, í einhverjum skilningi þess orðs.  Hafi ég séð augu á stilkum, þá var það þarna.

[Ásthildur Cesil Þórðardóttir, 24.9.2007 kl. 11:06]

Dóttir þín hefur góðan smekk.  Og auðvitað er ekki hægt að fylgjast með öllum í einu

[Ósk Sigurðardóttir, 24.9.2007 kl. 11:49]

Sammála dóttur þinni, maðurinn er svakalega flottur - á líka alveg svakalega myndarlegan og sjarmerandi föður frá Barcelona :)

[Anna Ólafsdóttir (anno) (IP-tala skráð) 24.9.2007 kl. 13:21]

Ég hefði gert það sama og dóttirin  Baltasar er bara með þeim flottari, hvort sem talað er um útlit eða talent í leik og leikstjórn   

[Kristín M. Jóhannsdóttir, 25.9.2007 kl. 06:36]

Ókei, þetta var alveg hrikalega fyndið. Hversu oft hef ég ekki horft á bíómynd fyrir þá ástæðu eina að aðalleikarinn var fallegur.