Hvenær drepur maður mann?

Ég veit minna en ekki neitt um Grímseyjarferjumálið, nema það sem ég hef séð í fréttum og hef ekki kynnt mér það sérstaklega.  En mér brá illilega þegar samgönguráðherra nefndi Einar Hermannsson, sem ábyrgan og lýsti því reyndar yfir að klúðrið væri honum að kenna.  Ég er einstaklega viðkvæm fyrir því, þegar fólk er tekið af lífi í fjölmiðlum, og veit hvaða áhrif það getur haft.  Nú er ég að reyna að átta mig á atburðarásinni hérna og er að klippa út í pappa fyrir sjálfan mig hérna á blogginu mínu, til að reyna að skilja hvernig menn eins og Kristján L. Möller, samgönguráðherra láta sér detta í hug að gera svona lagað. 

1. Samgönguráðherra segir að Einari Hermannssyni sé um að kenna og hann beri ábyrgð á peningasukkinu í kringum Grímseyjarferjuruglið.

2. Eftir umræður um Einar, hingað og þangað í fjölmiðlum, þar sem vegið er að starfsheiðri mannsins aftur og aftur, mætir Róbert Marshall í Kastljós, ver gjörðir ráðaherra með kjafti og klóm og er ekki á því, aldeilis, að eitthvað hafi verið gert á hlut skipaverkfræðingsins, né að ráðherra hafi gert nokkuð rangt.

3. Nú biður samgönguráðherra Einar afsökunar á að hafa nefnt hann sérstaklega þegar spurt var um ábyrgð í ferjumálinu.

Einar Hermannsson (sem égveit nákvæmlega engin deili á) þarf nú að kljást við að sjálfur ráðherra samgöngumála hefur gefið skít í hann opinberlega og það á fólk eftir að muna.  Leiðréttingar í litlum klausum og afsökunarbeiðnir, sitja síður eftir í minni fólks.

Ég spyr:

HVENÆR DREPUR MAÐUR MANN OG HVENÆR DREPUR MAÐUR EKKI MANN?

Kristján biðst afsökunar

Athugasemdir

[Margrét Össurardóttir (IP-tala skráð) 22.9.2007 kl. 09:03]

Sem betur fer er Kristján búin að biðjast afsökunar til Einars og það opinberlega.

[krossgata, 22.9.2007 kl. 09:39]

Mannorðsmorð eru yfirleitt framkvæmd til að a:  fela beinagrindurnar í skápnum hjá mannorðsmorðingjanum,  b:  af því fjölmiðlar þurfa að selja blöð eða áskriftir.

Hvoru tveggja frekar slakar ástæður.  Það er sorglegt að þegar búið er að níða mannorð fólks, þá breytir afsökunarbeiðni litlu því hitt er farið og verður ekki tekið til baka.

Hver er annars Einar Hermannsson?

[Jenný Anna Baldursdóttir, 22.9.2007 kl. 10:12]

Magga: Afsökunarbeiðni gerir lítið þegar búið er að vega að starfsheiðri fólks, þó það sé skárra en ekkert.

Krossgata og Arna: Einar Hermannsson er skipaverkfræðingurinn sem sá um ráðgjöf vegna þessa dalls sem keyptur var.

[Birna Dis Vilbertsdóttir (IP-tala skráð) 22.9.2007 kl. 12:00]

Þarna átti að klína eigin ábyrgð á einhvern annan sem betur fer mistókst.

[Hildigunnur Rúnarsdóttir, 22.9.2007 kl. 12:56]

heh, einn desperat: Haa? nei! ekki mér að kenna! Hvað meinarðu, hverjum þá? Uuuuu, hummm, tja, jú, hann Einar. Allt Einari að kenna.

mjög ábyrgðarfullt...

[Anna Ólafsdóttir (anno) (IP-tala skráð) 22.9.2007 kl. 15:36]

Ég skrifaði um þetta mál í blogginu mínu fyrir einhverju síðan. Mér fannst ekki spurning að smagöngumálaráðherrann skuldaði þessum manni afsökunarbeiðni. Hann er þó allavega búinn að áta sig á því. En ég held að það verði aldrei þurrkað yfir svona. Maður verður að gera þá kröfu að menn í þessari stöðu hugsi áður en þeir tali.