Saga af Fíknó!

Mamma mín er frá Fáskrúðsfirði og þar af leiðandi ég líka.  En ég hef fjarvistarsönnun og ég kom ekki nálægt þessum heimaslóðum móður minnar, hvorki í gær né 2005 þegar skútan var skilin þar eftir.  Ég hef tvisvar sinnum heimsótt fjörðinn heim og það er orðið ógisla langt síðan.

Annars er kominn tími á að það finnist almennilegt magn fíkniefna og vonandi þeir sem fjármagna það í leiðinni.  Auðvitað á lögreglan þakkir skildar, en það þarf auðvitað ekki að þakka þeim fyrir að vinna vinnuna sína og svo gerðu þeir það svo ljómandi vel sjálfir á blaðamannafundinum í dag.

Þegar ég bjó á Laugaveginum var ég einu sinni veik heima og lá eins og slytti í rúminu.  Það var föstudagskvöld og húsbandið bauð sig fram í að labba út á Svarta Svan og kaupa mat handa sjúklingnum mér.  Út í hringiðu Laugavegsins hélt hann, en eins og fram hefur komið, áður, þá bjuggu dópistar á hæðinni fyrir neðan okkur.

Hvað um það, þegar minn heittelskaði er kominn að húsi Tryggingastofnunar, stoppar bíll, út stekkur hópur af mönnum, þeir hoppa á húsband og spyrja hvort þeir megi leita að fíkniefnum á honum.  Á meðan stöðvaðist hringiðan, fleirhundruð og fimmtíu manns fylgdust með, af alefli.  Húsband spurði hvað myndi gerast ef hann segði nei og hann fékk að vita að þá yrði farið með hann niður á stöð og blablabla.  Þar sem minn heittelskaði vissi af mér heimafyrir, blásaklausri að bíða eftir ruslfæði, lét hann gossa og var "þuklaður" skemmtilega frá toppi til táar í návist íslensku þjóðarinnar.  Hann spurði; hvers vegna ég og fékk það svar að hann byggi nú í þessu húsi þarna.

Síðan þá hef ég alltaf hugsað með ákveðnu glotti um fíkniefnalögregluna og stundum hef ég velt því fyrir mér hvort hún hefði ekki eitthvað betra að gera en að ráðast á einhverja dúdda úti á götu sem eru á leiðinni í sjoppuna eða eitthvað ámóta hversdagslegt.

En húsbandið segir að þetta hafi verið reynsla sem hann búi að, þó hann hafi gjarnan viljað vera án hennar. Hóst!

Ég fékk þó að borða þarna um árið.  Eitthvað bölvaðekkisens jukkeddíjukk eitthvað, en að borða samt.

Þökk sé Fíknó.

OMG.

Þrír þeirra handteknu hafa verið leiddir fyrir dómara

Athugasemdir

[Birna Dis Vilbertsdóttir (IP-tala skráð) 20.9.2007 kl. 20:31]

 snild eins og venjulega

[Heiða B. Heiðars, 20.9.2007 kl. 21:41]

Og þeir eru enn að þessu! Ég var á ferðinni um kl 3 eina laugardagsnóttina fyrir nokkrum vikum og var stoppuð af löggunni. Þeir gátu ekki sagt mér fyrir hvað... tautuðu bara eitthvað um "reglubundið eftirlit". Og ég fíflið sem hélt að þeir þyrftu að hafa ástæðu... en jæja..hann sagði mér að stíga út úr bílnum og ætlaði svo að stíga sjálfur inn í bílinn! Ég spurði hann hvurn andsk.. hann væri eiginlega að gera. "Bara svipast aðeins um" sagði hann og opnaði hanskahólfið.

Ég rak hann mjög svo (ekki) kurteisilega út úr bílnum mínum og heimtaði að fá að sjá leitarheimild...sem hann hafði að sjálfsögðu ekki!!

[Guðrún B. (IP-tala skráð) 20.9.2007 kl. 21:43]

Ég hefði frekar farið niður á stöð og bara sent þér pizzu. Hann er nú bara hetja að hafa látið sig hafa það. 

[Jenný Anna Baldursdóttir, 20.9.2007 kl. 21:46]

Ef hann hefði farið niður á stöð hefði þurft leitarheimild skilst mér og ég held að þeir geti haldið fólki í sólarhring.  Þar sem maðurinn er seinþreyttur til vandræða þá lét hann sig hafa þetta.

Heiða: Mér finnst þetta óþolandi persónuárás.

[Heiða B. Heiðars, 20.9.2007 kl. 21:54]

Ekki nóg með það... þetta er kolólöglegt ;) Lögreglan þarf að vinna smkv ákveðnum reglum og þar á meðal er að það er ekki leyfilegt að framkvæma leit á heimili, í bíl eða á manneskju án heimildar eða fá leyfi viðkomandi einstaklings til þess

[Ragnheiður , 20.9.2007 kl. 21:58]

Æj ég sé hann alveg fyrir mér þarna kallangann...alveg kafþuklaður þarna á horninu.

Ég kann nú ekkert á heimildir fyrir svona...þetta er kannski bara bannað almennt ? Ég meina að stökkva á svona menn útá götunni eða í bílum ?

[Hrönn Sigurðardóttir, 20.9.2007 kl. 22:03]

Æj hvað ég er fegin að þú fékkst þó að borða........

lofjútúpíses

[Jóna Á. Gísladóttir, 20.9.2007 kl. 22:04]

Var nokkuð búið að finna pizzuna upp á íslandi á þessum tíma

[Örn Johnson´43 (IP-tala skráð) 20.9.2007 kl. 22:23]

Þvílík íslensku kunnátta !

[Jenný Anna Baldursdóttir, 20.9.2007 kl. 22:29]

Örn: Do you spek finish?

Kristjana:  Hann var glæpsamlega vondur og hefði átt að skilast m.t.t. harmana sem það kostaði að nálgast hann

Jóna: Auli og fíbbl

Stelpur: Við þurfum að bjóða fram í næstu kosningum.  Mikið djö..held ég að við myndum geta brett um ermar

[Þröstur Unnar, 20.9.2007 kl. 22:38]

Ok, þetta kemur þessari færslu ekkert við, en fer framá að vera látin vita þegar birtar eru svona krúttmyndir af tónlistarfólki eins og í færslunni "Jenný Trommar".

Þar sem maður er nú orðin gamall og hægfara getur maður misst af einhverju.

[krossgata, 20.9.2007 kl. 22:50]

Ég tók einmitt eftir því hvað þeim fórst vel úr hendi að hrósa sér á blaðamannafundinum í dag.  Fallegt af þeim að taka ómakið af okkur hinum. 

[Anna Ólafsdóttir (anno) (IP-tala skráð) 20.9.2007 kl. 23:08]

Mér fannst fundurinn fyndinn og svo fannst mér áherslan á Íslendinginn hjá Europol líka soltið fyndin.

Þess fyrir utan er mér ofboðslega létt að öll þessi kóló sem líklega hefðu endað í 100 eftir að búið hefði verið að drýgja þau lentu ekki í sölu á götunum, skemmtistöðunum, framhaldsskólaböllunum, heimapartýunum, neimit....... Þó vafalaust sé nóg eftir að selja þá hefur kílóunum allavega fækkað í bili.

Þetta mál finnst mér sýna að þetta virðist vera orðinn hörkuatvinnurekstur og það er sorglegt að þeir sem fjármagna þetta skuli yfirleitt alltaf ef ekki alltaf sleppa  Ég held að það hljóti að vera deginum ljósara að þessir gæjar sem voru teknir áttu ekki peningana sem voru borgaðir fyrir þetta þarna úti.

[Anna Ólafsdóttir (anno) (IP-tala skráð) 20.9.2007 kl. 23:09]

kíló - sorrý  

[Edda Agnarsdóttir, 20.9.2007 kl. 23:56]

Þetta er svakalegt í einu orði sagt.

[Bjarndís Helena Mitchell, 21.9.2007 kl. 00:00]

Ég vona bara að fullt af fíklum sjái sér tilefni til að verða edrú núna, þegar góssið er horfið....Það væri náttúrulega bara flott mál.....

[Laufey Ólafsdóttir, 21.9.2007 kl. 08:41]

Úff hvað hann er heppinn að hafa ekki lent í þvagleggsárás

Ég hef nokkrum sinnum lent saklaus í svona persónuleitum og það vekur endalaust upp í mér púkann.  

[Jenný Anna Baldursdóttir, 21.9.2007 kl. 08:53]

Laufey: Þú minnir mig á það.  Ég hef ekki þvagleggsbloggað í 10 mín. eða svo.  Verð að bæta úr þessu

Bjarndís: Ætli það sé ekki nóg af efnum samt, þó óneitanlega setji þetta eitthvað strik í reikninginn.

Edda: Skelfilegt.

Beta: Ég flutti úr miðbænum, segir það ekki eitthvað?

Anna:  Mér fannst "kóló" svo flott, hélt að þetta væri eitthvað fíknóslang sem þú hefðir komist í

Krossgata: Er ekki dásamlegt að sjá hógværðina og auðmýktina myndbirtast á blaðamannafundum?

Þröstur:  Settu mig í gjörgæslu í stjórnborðinu góði og hættu að kvarta, þér er nær að hafa mig í almenningnum.

[halkatla, 21.9.2007 kl. 10:40]

þoli ekki svona

en ég hef aldrei lent í neinu, nema einu sinni og það var algjörlega weird, þeir fóru mannavillt og héldu að ég væri einhver súperdópisti, hehe. Sakleysinginn sjálfur, á röngum stað á röngum tíma! Meiraðsegja dópsalar vilja ekki tala við mig, halda að ég sé svo saklaus, humm

[Fríða Eyland, 21.9.2007 kl. 15:45]

Við ég og húsbandið mitt lentum í þessu ´91 á leiðinni úr vinnu, þeir þukluðu okkur hjónin á suðurlandsbrautinni fyrir framan Hótel Esju, skelltu honum í járn en ég ók heim og þeir í kjölfarið. Það var ekki fyrr en voru komnir inní eldhús að húsbandið mitt bað um heimild sem þeir höfðu ekki, þeir hurfu á braut.