Nú krullast ég upp..

..miðaldra konan  Mér finnst ekki par huggulegt að Spaugstofukarlarnir skuli ekki hafa staðið með félaga sínum, Randver, þegar honum var sparkað úr Spaugstofunni, en að fara að safna undirskriftum um málið er ótrúlegt.  Maðurinn hefur ekki einu sinni sýnt fram á neina löngun til að fá djobbið aftur.  Kannski er hann bara dauðfeginn heima hjá sér og þá er eitthvað lið með "samstöðu" að reyna að húrra honum í vinnuna með eða án vilja hans.  Kommon ég er ekki svona illa haldin af samkennd.

Bloggvinkona mín hún Heiða (www.skessa.blog.is) bloggar um þetta líka.  Ég spyr; eru engin stórvægilegri mál sem hvetja fólk til  bregðast við, bara núna í vikunni, svo dæmi séu tekin?  Hvað með dóminn fyrir nauðgunina, sem Hæstiréttur lækkaði? Hvað um að menn geti verið viðstaddir yfirheyrslur í Barnahúsi og verið samtímis grunaðir um barnaníð?  Hvað með húsnæðisleysi einstæðra foreldra? Og svo mætti lengi telja.

Ég las reyndar einhversstaðar að Páll Magnússon, útvarpsstjóri, keyrði um á rándýrum Audi, á kostnað skattgreiðenda.  Ég man þá tíma, þegar fólk sá ekkert athugavert við að borga og reka sína bíla sjálft.  Hvaða snobb og fíflagangur er þetta?

Frusssss, ég á ekki orð og skrifa ekki staf undir undirskriftalistann fáránlega.

Ég er hinsvegar með pennann á lofti þegar réttlætismál í þjóðfélaginu eru annars vegar.

Súmíbítmíbætmí.

Úje

Styðja Randver

Athugasemdir

[Ásdís Sigurðardóttir, 20.9.2007 kl. 19:31]

Frussss í fimmta veldi, er svo hissa á þessu veseni í liðinu. Hugsaði einmitt eins og þú að kannski er Randver grey kallinn bara feginn, nennir þessu ekki lengur.  Margt er nú brýnna í dag en gamanleikari.

[Þröstur Unnar, 20.9.2007 kl. 19:42]

Mér finnst að ráherra ætti að skipa hann aftur í stöðuna Spaugstofufíbbl, og senda Örn í skógarhögg til Noregs.

[Sunna Dóra Möller, 20.9.2007 kl. 19:53]

ussss.....þetta er bara kjánalegt! Sýnir hvað forgangsröðunin í samfélaginu er alveg með á nótunum.......!

[Ásthildur Cesil Þórðardóttir, 20.9.2007 kl. 19:56]

Æ var þetta ekki 16 ára strákur sem stóð fyrir þessu. Mér finnst það svolítið krúttlegt af svona strák að standa upp og mótmæla því sem honum finnst rangt gert.  Aftur á móti þeir sem skrifuðu undir..... það er allt annað mál.  'Eg hefði til dæmis ekki skrifað undir.  Ekki af því ég hafi á móti Randver, heldur finnst mér eins og þér að þetta sé ekki forgangsmál í okkar þjóðfélagið í dag.

[Katrín Snæhólm Baldursdóttir, 20.9.2007 kl. 20:44]

Hefur eitthvað heyrst um málið frá Ranver sjálfum??? Er hann kannski bara sáttur með þessi lok eða??? Voða ljót að neyða manninn í vinnu sem hann vill kannski ekkert vera í með undirskirfta söfnun..eða bara sætt að hjálpa honu ef hann hefur verið misrétti beittur. En ég vil nú bíða og sjá hvað honum sjálfum finnst.

[Jóna Á. Gísladóttir, 20.9.2007 kl. 22:03]

hehe

[Hrafnhildur Ýr Vilbertsdóttir, 21.9.2007 kl. 08:00]

Get ekki annað en tekið undir orð þín Jenný Anna, en það hefur ekkert heyrst frá spaugstofumönnum sjálfum um málið, og maður veltir því fyrir sér hver ástæðan sé, kannski eru bara allir voða sáttir við þessa niðurstöðu, hvað veit maður? en reyndar finnst mér flest annað mikilvægara og merkilegra en þetta mál.

Common, undirskriftasöfnun........?