Takk fyrir mig frá edrúafmælisbarninu - Aukasnúra

Ég hef fengið yfir fimmtíu komment við afmælissnúruna hérna fyrir neðan.  Ég er hálf klökk og feimin, vegna allra fallegu kveðjanna, sumar frá fólki sem ég þekki ekki neitt.  Ég þakka ykkur öllum alveg kærlega fyrir mig.  Þetta gefur mér svo mikið og hvetur mig áfram.

Ég er búin að eiga góðan dag fram að þessu og ég efast ekki um að þannig muni dagurinn líða.  Sólin skín, það er ekki verra, en ég hefði ekki haft á móti rigningu og roki enda með sjúklegar hvatir þegar veður er annars vegar.  Þess meiri læti og hamagangur, því betra, finnst mér.

Þegar ég byrjaði að blogga, tók ég þá ákvörðun að blogga um batann minn og draga ekkert undan.  Ég gerði það vegna þess að ég var að baktryggja mig.  Leyndarmál og feluleikur hafa reynst mér hættulegir. Fyrir mig er þetta spurningin um að lifa af, ég á ekki neinn kvóta af endurkomum inni, í mínu tilfelli er þetta einfaldlega "do or die" dæmi.  Þessi ákvörðun hefur hjálpað mér fram að þessu.  Það eitt skiptir máli.  Öðrum henta aðrar aðferðir.  Ég er svo milljón prósent sátt við að leiðirnar að markmiðinu eru misjafnar og það sem meira er, mér gæti ekki staðið meira á sama, þó sumum finnist e.t.v. mín leið ekki vera hin rétta.

Nú á ég mánuð í eins árs edrúafmæli.  Það er heilmikill áfangi fyrir mig. 

Ég held að ég bjóði mér og familíu út að borða, þann 20. október, svei mér þá.  Hana, þá er það orðið skriflegt og löglegt.  Eins gott að standa sig.

Með hægðinni hefst það, einn dag í einu.

Takk aftur svo innilega fyrir mig. 

 

 

 

Athugasemdir

[Jóna Á. Gísladóttir, 20.9.2007 kl. 15:29]

Do or die held ég að sé málið hjá fleirum. júnó... knús til þín snúllurassgatarúsínurúllutertan mín.

[halkatla, 20.9.2007 kl. 15:34]

til hamingju með þessa eðalsnúru (ertu annars nokkuð búin að fá uppí kok af hamingjuóskum? ég var svo sein á ferðinni í dag...)

[Steinunn Ólína Þorsteinsdóttir, 20.9.2007 kl. 15:43]

Til hamingju!

[Edda Agnarsdóttir, 20.9.2007 kl. 16:04]

Úps ég er líka sein á ferðinni í dag - til hamingju elsku gamla vinkona og ég hlakka rosalega til þegar þú heldur upp á 5 ára afmælið!

[Anna Ólafsdóttir (anno) (IP-tala skráð) 20.9.2007 kl. 16:04]

Þú ert svo flott að það hálfa væri nóg - knús frá mér

[Jóna Á. Gísladóttir, 20.9.2007 kl. 16:10]

[Birna Dis Vilbertsdóttir (IP-tala skráð) 20.9.2007 kl. 16:16]

Það er svo frábært að fá að fylgjast með snúruafmælum. Það er svo einstakt. Elsti minn er bara 30 ára en átti 10 ára snúruafmæli í apríl. Prinsessan mín datt aðeins af snúrunni á meðan ljóta Byrgismálið tók sem mest á en hún prílaði aftur uppá snúruna og er þar sem fastast.Og allt í einu komnir 7 mánuðir. Það eru forréttindi að fá að taka þátt í lífinu með snúruvinum mínum. OMG væmnikast  og það feitt

[Kristín M. Jóhannsdóttir, 20.9.2007 kl. 16:16]

Óska þér hér með til hamingu þótt seint sé. Er búin að vera 'out-and-about' undanfarið og hef dregist aftur úr bloggvinahringnum.

[Jóna Á. Gísladóttir, 20.9.2007 kl. 16:25]

[Sunna Dóra Möller, 20.9.2007 kl. 17:33]

Þú ert svo mikil hetja og einlægni þín og heiðarleiki er okkur sem lesum Hvatning og fordæmi! Ég hef mikla trú á að þú náir, einn dag í einu 20.október og svo áfram veginn! Með kærri kveðju, Sunna Dóra!

[Einar Indriðason, 20.9.2007 kl. 18:02]

Til hamingju með daginn, og haltu þínu striki.

[Magnús Geir Guðmundsson, 20.9.2007 kl. 18:09]

Komin tími á að karl einn blandi sér í þetta!

Þótt stundum sé í kellu kurr

og kannski það um of.

Heima ennþá hangir þurr,

hamingjunni sé lof!

Ertu ekki bara sæl og glöð með þetta, Jennifer beibí!?

[Ásdís Sigurðardóttir, 20.9.2007 kl. 19:00]

Rík ertu vinkona af vinum og vandamönnum, ég gleðst í hjarta mínu eftir að hafa lesið allar fallegu kveðjurnar til þín í dag.  Þú hefur snert marga og átt eftir að gera, takk enn og aftur kæra bloggvinkona fyrir allt sem þú ert að gera með bloggi þínu.

[Ásthildur Cesil Þórðardóttir, 20.9.2007 kl. 19:59]

Fyrirgefðu elsku Jenný mín, ég hef ekki farið blogghringinn ennþá, er svolítið lítil í mér í dag, er í krýsu út af mínum syni, sem er á barminum, og eiginlega dottin ofaní.  Og ég er bjargarlaus.  Þú átt svo gott að eiga vinninginn.  Hann einhvernveginn er búin að standa sig svo vel í ár, en svo bara kemur þessi tími, og allt fer í hönk og mamma gamla, finnur að naflastrengurinn er ekki veikari en þetta, þrátt fyrir allt.  Til hamingju.

[Guðríður Hrefna Haraldsdóttir, 20.9.2007 kl. 20:13]

[Kristín Katla Árnadóttir, 20.9.2007 kl. 20:31]

[Sigurjón Sigurðsson, 21.9.2007 kl. 09:08]

Sælar.

Ég gleymdi að óska þér til hamingju með edrúafmælið þitt, TIL HAMINGJU.

Edrú afmæli í minni bók er miklu mikilvægara en öll önnur afmæli, s.s. fyrir okkur alkana. Vínið tók mikið af lífsgæðum frá okkur og við sem náum að finna frið og frelsi finnum til auðmýktar yfir því hvað við séum heppin að hafa getað sagt ,,bless" við áfengið, það er RISA áfangi.

Njóttu dagsins.

Sigurjón Sigurðsson

[Jenný Anna Baldursdóttir, 21.9.2007 kl. 09:38]

Takk kærlega öll sömul og Magnús Geir, þú ert snilli.