Leiðarvísir II

Einhver talaði um það í kommentakerfinu við færsluna um greinina í Djöflaeyjunni, þar sem fíkniefnaleiðarvísinn er að finna, að þetta væri nú ekki svo alvarlegt mál, eins og ég vildi vera láta.  Ég ætti að kynna mér efni greinarinnar betur áður en ég færi að rífa mig.  Ég er búin að því.  Gjörsvovel:

"Kókaín: Svalasta dópið.  Sértu á leiðinni inn í leiklistina eða á listasviðið almennt er eiginlega skylda að sjúga þetta hvíta gull.  Það veitir eldi í persónuleikann.  Skundaðu niðurá Sirkus og sofðu hjá einum af bóhemunum, þá færðu líklegast eina línu að launum."

"Ketamín (smjörsýra): Nauðgunardjúsinn, bráðnauðsynlegt á allar útihátíðir og ef þú ert almennt ljótari en fólk flest.  Þú þarft ekki einu sinni að hafa áhyggjur að því að sæta stelpan sé hrifin af þér, þú þarft bara að komast nógu nálægt henni til að geta teygt þig í glasið hennar."

"Amfetamín: Námsmannadópið.  Þú ræður hvað þú gerir, spítt gefur þér kraftinn." 

"Þú einfaldlega röltir út á bensínstöð og kaupir þér eitt stykki flösku af vel sterku lími.  Skellir því í poka og dregur djúpt andann."

" Viltu hafa sögu að segja í öllum jólaboðum og öllum áramótapartýunum þangað til þú verður fertugur?  Droppaðu smá sýru og áttu skrýtnustu 48 klukkutíma í lífi þínu."

Þetta breytir öllu.  Alveg er ég viss um að þolendur stefnumótanauðgana, garga úr hlátri við þennan lestur.  Og allir aðstandendur sem misst hafa sína nánustu út í neyslu fíkniefna, þar sem neyslan hefur stundum endað með geðveiki eða dauða, hlýtur að vera afskaplega skemmt.

Húmorinn hjá Baltasar Breka Baltasarssyni, sem segir í Fréttablaðinu að þeir sem ekki fatta að þessi grein sé djók, séu hvort sem er þegar á dópi, er alveg að slá í gegn.  Merkilegt að skólastjóri Menntaskólans við Sund er líka húmorslaus eins og ég (er hann á dópi?) en hann ætlar að henda blaðinu rakleiðis út í gám.

Kva!

Athugasemdir

[Ásdís Sigurðardóttir, 16.9.2007 kl. 20:46]

Ég er nú bara farin að halda að við séum öll í dópi, þessi sem ekki liggjum í hláturskrampa yfir þessu. ASNAR

[Ragnheiður , 16.9.2007 kl. 20:50]

Já þetta er hryllilega "skemmtilegt" ég ætti kannski að hringja í Hjallann minn og lesa þetta fyrir hann, rosalega hlýtur honum að finnast þetta æðislegt !?

[Hrönn Sigurðardóttir, 16.9.2007 kl. 21:14]

 Mér er ekki skemmt!! En ég er náttúrulega edrú og ferlega leiðinleg

[Anna Ólafsdóttir (anno) (IP-tala skráð) 16.9.2007 kl. 21:51]

Nákvæmlega - ég var búin að sjá þetta en samkvæmt því sem sagt var í kommentakerfinu var ég samt ekki búin að kynna mér greinina. Ég er líka greinilega húmorslaus og þar sem ég tek þetta svona alvarlega á ég skv. formúlu aðstoðarritstjórans að vera á dópi. Merkileg lógík hjá þessum köppum. Annars er ég líka búin að bæta annarri færslu við um þetta mál. Ég er staðráðin í að láta ekki þagga niður í mér á þeirri forsendu að ég sé ekki nógu ung til að fatta þetta.

[Jóna Á. Gísladóttir, 16.9.2007 kl. 22:07]

Látið ekki svona krakkar mínir. Við erum bara orðin svo gömul, við föttum ekki húmorinn.

[Kolgrima, 16.9.2007 kl. 22:35]

Við getum þó glaðst yfir því að það er fylgst með þessum krakkaormum, takk fyrir þitt innlegg Jenný og ykkur öllum sem hafið skrifað.

[Heiða B. Heiðars, 16.9.2007 kl. 23:01]

Voðalega eruði viðkvæmar!

Of gamlar til að fatta... húmorslaus... þagga niður í mér!!

Hvað er að ykkur? Þurfa allir að vera sammála? Kannski er það málið.. þið eruð of gamlar til að fatta kaldhæðnina og hversu lítið er gert úr dóp "flottræflum" hérna. 

Allavega alveg hræðilega viðkvæmar 

[Jenný Anna Baldursdóttir, 16.9.2007 kl. 23:14]

Skessa, hey ertu að skamma okkur "gömlu" konurnar, ha?

[Heiða B. Heiðars, 16.9.2007 kl. 23:17]

Nei....ekki þannig:)

Mér finnst þetta bara full mikið drama:) Hver var að reyna að þagga niður í Önnu t.d.... 

Og svo held ég að ég sé eldri en þið allar ef út í það er farið :) 

[Birna Dis Vilbertsdóttir (IP-tala skráð) 16.9.2007 kl. 23:35]

Ég er líka húmorslaus þegar kemur að dópi og nauðgunum enda málið mér tengt.

[Heiða B. Heiðars, 16.9.2007 kl. 23:40]

Líka mér... þess vegna verð ég alltaf ánægð að sjá aðra nálgun á málefninu;)

[Brynjar Jóhannsson, 16.9.2007 kl. 23:54]

Hvað er að því þó að einhver krakki skrifi í einhverju HÁÐi um eiturlyf ?.. ekki hneiklist þið svona yfir því þó að spaugstofan sé ófyndin viku eftir viku, ár eftir ár og svo eruð þið að grátbölva því sem einhverjir unglingar eru að setja í einhverju misheppnnuðu spaugi ..

Ef það á að fara að henda þessum bæklingi niður í gám þá get ég alveg eins hent sjónvarpinu í næsta gám .. nægur er  nú viðbjóðurinn þar 

[Heiða Þórðar, 17.9.2007 kl. 00:16]

Ég er greinilega stödd inn í einhverri allt annarri bíómynd en þið. Ég verð bara hrædd og ætla að snáfa út á stundinni!

[Jenný Anna Baldursdóttir, 17.9.2007 kl. 00:24]

Við hvað ertu hrædd Heiða?

[Bjarndís Helena Mitchell, 17.9.2007 kl. 00:33]

Er þetta öll greinin, eða vantar í þetta? Ég verð að viðurkenna að þó mér sé ekki skemmt, þá er ég ekki búin að lesa alla greinina. Það sem komið er fram hér að ofan er samt ekki fyndið að mínu mati og ég leyfi mér að stórefa að öllum framhalds og háskólanemum sé álíka skemmt og höfundum og ritstjórum þessa blaðs. Kannski sem betur fer. Mér finnst þetta sem er hér að ofan vera hallærisleg tilraun til að vera töff. Ekkert fyndið, bara sorglegt.

Hei, en það er bara mín skoðun...

[Jenný Anna Baldursdóttir, 17.9.2007 kl. 00:36]

Og skoðanir eru leyfilegar Bjarndís.

[Jens Guð, 17.9.2007 kl. 00:40]

  Ég las þetta blað Djöflaeyjunnar.  Strax í fyrstu setningum áttaði ég mig á því að þarna var grín og kaldhæðni á ferð.  Bara saklaust grín og glens.  Ósköp erum við gamla fólkið forpokað ef að ungir grínarar skella okkur í baklás með svona léttu djóki. 

[Jenný Anna Baldursdóttir, 17.9.2007 kl. 00:46]

Jens það þarf enga "vita" til að átta sig á lélegum húmor. ARG

[Brynjar Jóhannsson, 17.9.2007 kl. 02:02]

Jenny ...

ég held að þú ættir að lýta í þinn eigin barm.. Hvernig lyði þér ef allir hérna inni hefðu misskilið pistilinn þinn sem þú gerðir grín af ÞULUNNI ? ....  Ef fólki hefði nú blöskrað það sem þú sagðir þar um rauðbikna lyfjasalann og konuna með flatlúsina ? Fólk hefði dregið þá ályktun að þú værir kynóð .....

hverju hefðir þú þá svarað ?

Ég geri ráð fyrir að þú hefðir svarað nákvæmlega eins og Balstasar...  Að það sem þú sagðir var sett fram í AUGLJÓSU HÁÐI.. 

[Sunna Dóra Möller, 17.9.2007 kl. 08:41]

Það má vel vera að þetta sé augljóst háð og allt voða sniðugt og fyndið, en það sem mér finnst svo alvarlegt í þessu er það að það er verið að grínast með hluti sem eru grafalvarlegir í lífi fólks í dag. Hlutir sem að eru einmitt ekkert grín og aðstæður þar sem er bara sorg og þjáning! Þess vegna hlæ ég ekki neitt að þessu augljósa háði! Það eru til börn sem að lesa þetta og munu ekki greina á milli alvarleika og háðs......það er líka grafalvarlegt!

Þetta er nú barasta mín skoðun á þessu!

[Jenný Anna Baldursdóttir, 17.9.2007 kl. 08:45]

Brynjar: Hvernig dettur þér í hug að leggja að líku, fíflagang um bláar bloggfærslur og svo umfjöllun í blaði sem dreift er inn í framhaldsskóla og háskóla, þar sem hlutir eins og nauðgun ofl. er gert að aðhlátursefni á þennan hátt?  Get a grip.

Sunna Dóra: Sammála og hvar ertu búin að vera kona?

[Sunna Dóra Möller, 17.9.2007 kl. 08:48]

Fékk alltíeinu leið á tölvunni í 2 daga.....slökkti bara á henni og fór út úr bænum  ! En nú er leiðinn farinn og tölvan orðin skemmtileg á ný....!

[Hildigunnur Rúnarsdóttir, 17.9.2007 kl. 10:13]

ég tek undir færslu Heiðu á síðunni hennar.

[Heiða B. Heiðars, 17.9.2007 kl. 12:07]

Prófið að lesa þetta með augum 

[Heiða B. Heiðars, 17.9.2007 kl. 12:08]

Úps!

..með augum 17 ára unglings.

Æi og þó! Veriði ekkert að því. Haldið frekar áfram að vera með hysteríu og upphrópanir.

[Jenný Anna Baldursdóttir, 17.9.2007 kl. 13:05]

Heiða hehe, með augum!  Það hef ég aldrei prófað, einu sinni verður allt fyrst en Skessa mín, ekki fara þessa leið að gera lítið úr þeim sem eru ósammála með því að tala um hýsteríu og við höfum öll gerst "sek" um að vera með upphrópanir.  Ekki satt?

[Heiða B. Heiðars, 17.9.2007 kl. 13:51]

Júbb mikið rétt.... EN

Mér finnst fyndið hvað það hlaupa allir upp til handa og fóta með upphrópanir. Finnst ykkur í alvöru vera að virka svona vel það sem er verið að gera í forvörnum?

Finnst ykkur lögreglan vera að standa sig vel?

[Högni Jóhann Sigurjónsson, 17.9.2007 kl. 14:04]

Fyrst vil ég sega að reynslan hefur sýnt að þeir sem verja fíknefnaneyslu eru annað hvort í neyslu eða selja fíkniefni, nema hvort tveggja sé.

Næst mundi ég vilja vita hvoert að leikarar ætli að skrifa undir að það að það sé fyndið að borið sé uppá þau að þau séu meira og minna á kókaini.

Svo væri gaman að vita um ykkur sem verjið þetta sem mest hvort einhver ykkur náinn, ath. svo þið vitið, sem er í neyslu.

Það er svo annað með þau sem eruð í afneitun, Heiða ! ég hef staðið fyrir framan haugdrukkinn vin minn sem var að rústa öllu sem í kringum hann var og hann sagði bara einfaldlega að hvorki okkur vinum hans né fjölskyldu kæmi það við hvort hann væri í neyslu eða ekki, þó svo að það bytnaði meira á okkur en honum.

[Jenný Anna Baldursdóttir, 17.9.2007 kl. 14:07]

Mér finnst mikið upp á vanta til að unnið sé af einhverju viti í forvörnum og betur má ef duga skal.  Ég hinsvegar sé ekkert forvarnargildi í þessari ömurlegu grein.  Ég er með jafningjafræðslu og er handviss um að hún skilar frábærum árangri í bland með öðru. 

Það eina jákvæða við títtnefnda grein er umræðan sem hefur skapast og ég er viss um að það skilar sér.

Ég er á því að allir hafi eitthvað til málanna að leggja í umræðunni, annaðhvort vegna eigin reynslu, reynslu nákominna, kunngja og annarra og sumir vegna fræðilegs/leikmanns áhuga á efninu.  Allir þurfa einfaldlega að leggjast á eitt.  Það er mikið í húfi.

Ég hef ekki nokkra trú á að höfundar greinarinnar hafi hugsað hana sem forvörn.  Ég held að þeir hafi verið að slá sig út með skemmtilegheitum.

[Brynjar Jóhannsson, 17.9.2007 kl. 14:21]

Jenny

Auðvitað dettur mér EKKERT ANNAÐ Í HUG en að leggja, fíflagang þinn í garð fréttaþulnar, að líku við meinhæðni framhaldskólanemanna, um undirheima eiturlyfja, því bæði skrifin voru letruð með hæðnistónum- Eini munurinn er að þinn humor heppnaðist en ekki fyndni framahldsskóla nemanna. Þinn humor var gegn klámi og þeirra spaug var í raun forvörn gegn eiturlyfjum. 

FÓSTBRÆÐUR -Frímann í sigtinu -Spaugstofan hafa ölll gert misvel lukkað grín undirheimum eiturlyfjafensins svo ég sé ekki ástæðu að hneikslast yfir skrifum Baltasarar frekar en kímni umræddra skemmtiþátta. Þeir sem hæðast mest og gera grín af eiturlyfjaneislu eru þurrir dópistar og alkahólistar og í raun var það sem Baltasar var að segja ekki ólíkt spaugi sem jafnvel þurrir dópistar myndu segja sín á milli á NA fundum...  

Segðu mér annars.... þú ert að biðja mig um ná mér í GRIP ? jötungrip þá eða kannski annarsskonar ?  Í það minnsta ég með gott grip við veruleikan og er eingönga að lýsa því sem ég sé. 

[Jenný Anna Baldursdóttir, 17.9.2007 kl. 14:59]

Ég sem óvirkur alki hef ágætis húmor fyrir neyslu.  En brandarar um nauðgunarmál ásamt leiðarvísi í notkun fíkniefna, kemur ekki við brostaugarnar Brynjar.

Takk fyrir innlegg.

[Brynjar Jóhannsson, 17.9.2007 kl. 15:45]

Jenny.

Mér fanst þetta ekkert fyndið hjá þeim heldur enda er ég búin að tönlast á því að  þetta var algjörlega misheppnað spaug hjá þeim. 

Ég sjálfur hef hæðst t.d af brenglaðri kvenímynd í lögum sem ég hef samið og verð að viðurkenna fyrir mína parta að ég er ekki með einasta vott af samviskubiti yfir því. Enda er ég sannviss að ég sé frekar að leggja frekar kvennabáráttu lið með slíku umtali en að leggja fyrir hana stein í götu.  

Fyrir mér er kaldhæðni eitt sterkasta vopn tjáningafrelsins en verr og miður þá á ungt fólk til með skjóta með slíkum vopnum langt yfir markið.

Í þetta skipti skutu þeir ekki einu sinni yfir markið heldur lengst út í stúku.  

ég þakka málefnalega umræðu. 

[Jenný Anna Baldursdóttir, 17.9.2007 kl. 16:21]

Takk sömuleiðis Brynjar fyrir umræðuna.  Ég er einlæglega viss um að kaldhæðni og húmor er ein besta leiðin til að kalla á umræðu og fá fólk til að bregðast við.  En eins og þú segir þá má ekki fara yfir strikið því þá skýtur fólk sig í fótinn.

[Laufey Ólafsdóttir, 17.9.2007 kl. 19:04]

Þið segið nokkuð. Ég verð að segja að þetta lét mig ekki brosa. Ég er líka ákaflega fúllynd kona ...og gasalega gömul.