Í FIÐURMJÚKUM "MÖRMUM" MÍNUM

..sungu skátvibbarnir mínir,  þegar þeir voru litlir.  En þeir voru algjör krútt.  Mér datt þetta í hug þegar ég las þessa frétt þar sem ISG segist hafa "tekið" eftir því að Ísland væri ekki lengur á lista yfir hinar staðföstu þjóðir (þvílíkt nafn á stríðandi þjóðum).

Ég vil að utanríkisráðherrar þessa lands taki mig í fangið í pólitískum skilningi.  Segi við mig: Jenný Anna við gerum ekki neitt sem stofnar landinu þínu, þjóðinni og afkomendum þínum í hættu.  Við efnum ekki til ófriðar og við virðum rétt annarra þjóða til að ráða ráðum sínum.

Hm.. ég hvíli þessa dagana ekki í fiðurmjúkum "mörmum" utanríkisráðuneytisins.  Er til of mikils ætlast að ráðherrann (sem ég lít upp til og virði mikið), viti hvort við erum á þessum bölvaða lista eða ekki? Taki ekki bara eftir því einn daginn að við séum horfin af honum?  Eigum við að bíða eftir að vera sett eða tekin af honum, ef og þegar Bandaríkjamönnum dettur það í hug? 

Hvað varð um okkar eigin ákvarðanarétt?

Farið það í hoppandi, hvað ég er öryggislaus.

Súmí.

Ísland ekki lengur á lista yfir staðfastar þjóðir

Athugasemdir

[Ásthildur Cesil Þórðardóttir, 12.9.2007 kl. 10:18]

"Segist hafa tekið eftir " Segi það með þér hvurslags eiginlega er þetta.  Það hefði verið betra fyrir hana að kanna málið, og segja svo hátt og skýrt, við erum ekki lengur á lista yfir hina staðföstu.  Svona upplýsingar eru best til þess fallnar að veikja viðkomandi ráðherra. Og sýnir ákveðin undirlægjuhátt að mínu mati.  Vona samt að þetta séu byrjendabrek hjá henni.

[Ásdís Sigurðardóttir, 12.9.2007 kl. 10:30]

Já, mér finnst það lélegt að "hafa tekið eftir" deili áhyggjum þínum af þessu máli.

[Ólafur Sveinn Haraldsson (IP-tala skráð) 12.9.2007 kl. 11:25]

Sammála athugasemd Ásthildar. Það væri nær fyrir hana að staðfesta hluti áður en að gaspra svona út í loftið.

mbk.

[Heiða Þórðar, 12.9.2007 kl. 11:47]

Sammála Ólafi og Ásthildi. Myndin þvílík falleg. En þetta með öryggisleysið; ÞÚ...!!!! enn hlæjandi......skítt með allt og allt....en common reyndu ekki að telja fólki trú um svona bullshit! :) Eigðu yndislega dag.

[Katrín Snæhólm Baldursdóttir, 12.9.2007 kl. 14:14]

Ég er hneyksluð, undrandi og jafnöryggislaus og þú í þessu máli

Var ekki einhver að tala um það um daginn þetta með að gera lágmarkskröfur til ráðamanna þjóðar. Maður myndi nú gera þá lágmarkskröfu að utanríkisráðherra viti hvað stríð við heyjum með stuðningi okkar þarna úti í heimi..ha??

[Anna Ólafsdóttir (anno) (IP-tala skráð) 12.9.2007 kl. 19:51]

Ég vil líka fá að vita hvar þessi listi er. Er hægt fyrir almenning að sjá hann? Við eigum að geta séð hvar þjóðin stendur í grundvallamálum. Á hvernig plagg var nafn íslensku þjóðarinnar sett -hmmmm