DÝRT AÐ VERA ERTANDI

Ef ég er ertandi (hvað sem það nú þýðir) eða með attitjúd úti í Hagkaup þegar ég kaupi í matinn, einhver slær mig "nokkur" (alls ekki mörg) hnefahögg í andlitið og sparkar svo í mig þar sem ég ligg, get ég sjálfri mér um kennt.

Þetta hef ég staðfest af Héraðsdómi Austurlands sem dæmdi mann í 30 daga skilorðsbundið fangelsi fyrir lítilræðið.  Í fréttinni stendur orðrétt " að konan hafi átt, samkvæmt gögnum málsins, upptök að árásinni með ertingum."

Ég velti fyrir mér hvað teljist ertinga.  Gæti verið að það teldist erting ef ég segi við einhvern í búðinni; "heyrðu ég var á undan þér", eða "ekki troðast" og sollis?  Ég meina að fólk er með misháan þröskuld fyrir böggi. 

Ég held að ég hætti að fara út í búð.

Yfir og út.

Við erum dauðar stelpur, fyrir Héraðsdómi Austurlands.

Úje

Skilorðsbundið fangelsi fyrir árás á konu

Athugasemdir

[hermann (IP-tala skráð) 11.9.2007 kl. 19:41]

thad er mjog lett ad haga ser med theim haetti ad thad eina retta i stodunni er ad kyla mann.

Audvitad tharf ad taka tillit til thess hvernig thetta allt bar ad.

[Ásdís Sigurðardóttir, 11.9.2007 kl. 19:42]

Jamm, steindauðar, ég er nefnilega voða oft svona ertandi en hef sem betur fer ekki verið lamin fyrir það ennþá, maður veit aldrei hvað framtíðin ber í skauti sér. Ertandi knús til þín.

[Guðrún B. (IP-tala skráð) 11.9.2007 kl. 19:44]

Mér hefur nú bara alltaf tekist að klóra mér, þegar eitthvað ertir mig. Oftast er ertingur kláði sem kemur af og til. 

[Huld S. Ringsted, 11.9.2007 kl. 19:48]

Eins gott að ég var aldrei ertandi þegar ég bjó fyrir austan

[Þröstur Unnar, 11.9.2007 kl. 19:52]

Já kannast við þessa ertu. Er stundum, að ég held ertandi hér á hinu háttvirta bloggi, þannig að sumum hefur þótt nóg um.

Vona samt að ég verði ekki dæmdur á skilorð fyrir það.

[Jenný Anna Baldursdóttir, 11.9.2007 kl. 19:57]

Málið snýst um það Þrölli minn að vera laminn í andlitið og sparkað í mann liggjandi ef maður er ertandi.  Það kostar  30 daga skilorðsbundið.

Og Hermann: Ofbeldi er ALDREI réttlætanlegt.

[Unnur R. H., 11.9.2007 kl. 20:02]

Mér finnst persónulega, þessi dómur RUGL Eins og þú segir er ofbeldi ALDREI réttlætanlegt

[Bjarndís Helena Mitchell, 11.9.2007 kl. 20:03]

Fáránlegt bara! Dómar á Íslandi eru bara út úr kú, stundum held ég að veruleikaskynið vantar alveg í lögin hérna. Mannslíf og þjáning af völdum annarra, er nánast einskis metin, en auðgunarbrot vega þungt. Fíkniefnabrot eru líka að fá allt of væga dóma finnst mér. Það þarf að taka til í þessum lögum okkar og endurskoða allan pakkann bara!!

[Hermann (IP-tala skráð) 11.9.2007 kl. 20:17]

Ja en thetta sem domurinn telur upp sem ertingu, eins oskyrt og thad er, hljomar eins og ad um andlegt ofbeldi se ad raeda.

Sem er engu betra en likamlegt.

Og tha erum vid ad tala um ofbeldi sem vidbrogd vid ofbeldi.

Sem setur magn orettsins sem framkvaemt er af theim sem lemur miklu laegra.

Moo vid erum sammala um thad ad ofbeldid se ekki rettlaetanlegt,  vid thurfum bara ad reikna thetta a bada boga. 

En mer er natturulega alls okkunugt um hvad gerdist tharna i raun.

[Fransman (IP-tala skráð) 11.9.2007 kl. 20:23]

Jenný: Ofbeldi getur verið 'útskýranlegt' og þannig ekki talið tilefni til að refsa fyrir það.

T.d. ef einhver ætlar að nauðga þér og þú slasar viðkomandi, þá efast ég um að þér finnist að það eigi að refsa þér fyrir það, eða hvað ?

[Birna Dis Vilbertsdóttir (IP-tala skráð) 11.9.2007 kl. 20:54]

Góð og ERTANDI að vanda

[Jóna Á. Gísladóttir, 11.9.2007 kl. 21:20]

ég velti fyrir mér hvaðan þessir fréttatextar komar. Eru þetta frétttilkynningar frá lögreglu? hvað þýðir ertandi? Ef ertandi þýðir að konan hafi kýlt manninn þá er kannski eitthvað vit í þessu. Annars ekki.

Fransman. hvernig getur kona beitt fullorðinn karlmann sem er að versla út í búð, svo andlegu ofbeldi að það réttlæti þvílíkar barsmíðar sem hann lét dynja á konunni?

Vandamálið er að svona fréttaflutningur er fyrir neðan allar hellur. Fólk vill fá að vita hvað gerðist þarna. Eins og dæmið lítur út, í þetta skipti, sem og oft áður, þá erum við löngu hætt að bera nokkuð traust til réttarkerfisins í landinu. Ekki allir bera sig eftir að lesa dóma í smáatriðum.