AÐ HRÆÐAST RAPPARA...

 

..er vandamál sem hrjáir marga.  Ég er ekki vitund smeyk, ónei, þeir eru bara sumir svo rosalega pírípú og heitir út í samfélagið.  Auðvitað skil ég það og veit að þessi tegund af takti er sprottin úr fátækrahverfum stórborganna.  Eða er það ekki annars?  Gurrí segja Jenný sinni gúkkulaði frá rappi.

Ég hallast að því samt að það sé ekki beint hægt að skilgreina rapp sem músík í hefðbundnum skilningi, mér finnst það meira svona rímnakveðskapur.  Ég tek fram að mér finnst sumt rapp alveg þræl sniðugt, það er þegar textarnir rífa mann ekki á hol af hneykslan.

Foxy Brown fékk ársfangelsi í New York fyrir að brjóta gegn skilorði.  Ég vildi ekki þurfa að fikta í hárinu eða andlitinu á þessari konu, en hún hlaut skilorðsbundin dóm í október sl. fyrir að hafa ráðist á tvo starfsmenn snyrtistofu í ágúst árið 2004.

Annars skil ég vel fólk sem á það til að reiðast á hárgreiðslu- og snyrtistofum, en það eru nokkrir klipparar sem hafa farið höndum um hárið á mér í gegnum tíðina sem hefðu haft ástæðu til að óttast væri ég ekki alfarið á móti ofbeldi.  Því get ég lofað.

Ég heiti Jenný og ég á heima í blokk..

ég hlusta bara á þungarokk...

búmm-búmm-búmm-búmm ba

Foxy Brown dæmd í árs fangelsi

Athugasemdir

[Guðríður Haraldsdóttir, 9.9.2007 kl. 21:39]

Hmmm, ég hlusta ekki á rapp út af textunum, heldur tónlistinni. Hef alltaf verið svoleiðis, frétti kannski seinna að uppáhaldsrapplagið þá stundina sé troðfullt af kvenfyrirlitningu og slíku. Hmmmm! Yndisleg tónlist, þeir gætu sungið á kínversku mín vegna ef lagið væri nógu gott. 

Hlusta sko líka á þungarokk, úje! 

[Ásdís Sigurðardóttir, 9.9.2007 kl. 22:07]

ÉG hlusta bara alls ekki á rapp, basta.

[Huld S. Ringsted, 9.9.2007 kl. 22:20]

Það hefur enginn brjálast á snyrtistofu hjá mér ennþá, ég hef líka aldrei snyrt rappara (að ég viti)

[Hrönn Sigurðardóttir, 9.9.2007 kl. 22:43]

Já - ég hlusta líka á rappara.

Ferlega rappar þú snilldarlega

Ég heiti Hrönn, ég á heim´í sveit

ég elska Jenný þó hún sé ekki feit

búmm-búmm-búmm-ba

[Jóna Á. Gísladóttir, 9.9.2007 kl. 22:47]

Ég heiti Jóna, í Árbæ á ég heima

Jenný í blokk, þér ég sendi kokk

[Kristín Katla Árnadóttir, 9.9.2007 kl. 23:20]

Ég hlusta á allt eiginlega. Og Rapp i like that, sonur minn er algjör rappari.

[Guðrún B. (IP-tala skráð) 9.9.2007 kl. 23:30]

Búm ba búbúmmbúm ba, shakalaka.

[Jenný Anna Baldursdóttir, 9.9.2007 kl. 23:37]

Ég hlæ mig máttlausa asnarnir ykkar addna

[krossgata, 9.9.2007 kl. 23:52]

Rapp finnst mér oftast afar leiðinlegt.  Rapp og rímur með þeim Erp og kvæðamanni, já Steindóri, fannst mér þó bráðskemmtilegt.  Einstaka rapplag blandað þungu rokki kemur vel út.

Niðurstaðan... rapp er skárra' í bland með öðru, fer ég nú og tappa' af blöðru, tsjiss oh oh oh búmm stjisss.

[Jenný Anna Baldursdóttir, 9.9.2007 kl. 23:57]

Hahaha krossgata.

[Anna Ólafsdóttir (anno) (IP-tala skráð) 10.9.2007 kl. 00:27]

Það sem mér finnst leiðinlegt sem hefur gerst með rappið er hvernig það virðist vera notað til að réttlæta ofbeldi. Um daginn heyrði ég viðtal við konu sem hefur unnið eitthvað í tengslum við starfsemi þar sem í hlut eiga unglingar með hegðunarvandamál. Hún talaði um ofbeldisdýrkun sem væri að verða meira og meira áberandi hjá þessum jaðarhópum og þessi dýrkun tengdist m.a. rapp-kúltúrnum. Ég er ekkert viss um að rapp hafi upphaflega verið meint til að hvetja til ofbeldis en það virðist svo oft gerast að einhvers staðar á leiðinni fer fólk að nota stefnur eða strauma eða jafnvel trúartexta til að réttlæta eitthvað sem annars væri ekki samþykkt. Rapp er sú tegund af tónlist sem höfðar síst til mín.

[Kristín M. Jóhannsdóttir, 10.9.2007 kl. 04:10]

Mér finnst Eminem algjör snillingur en ég vildi að hann væri ekki alveg svona reiður!!! Hehe, þetta er nú eins og að biðja um gott veður í heilt sumar á Íslandi.