SNÚRA

Í gærkvöldi varð mér illa við.  Í sakleysi mínu fór ég inn í skáp heima hjá mér, sem átti að vera tómur og ætlaði að láta þar inn hluti.  Tek fram að þarna hef ég ekki komið síðan ég kom úr meðferð í fyrra.  Ég opnaði skápinn þann arna og þar var troðfullur poki af umbúðum utan af síðasta fylleríi Jennýjar Önnu Baldursdóttur.  Þetta veit ég vegna þess að pokinn var úr ríkinu og miðinn var í.  Hann var dagsettur þ. 4. ágúst í fyrra.  Mér kom svo sem ekki á óvart að ég ætti eftir að ganga fram á "sönnunargögn" sjálfri mér til handa, þar sem ég hef allt s.l. ár verið að finna bjórdósir og rauðvínsflöskur, þar og hér, á ólíklegustu stöðum.  En ég viðurkenni að mér brá í gær.  Á móti mér kom súr rauðvíns- og bjórlykt og ég kastaðist til baka í tíma, þegar ég sat og reyndi mitt besta til að drekka mig í hel.  Núna hef ég jafnað mig og er nokkuð glöð með atburðinn, þar sem hann er alveg gríðarlega góð áminning um hvaðan ég kem.  Allavega ákvað ég að blogga um hann, þar sem ég er svo opin, frjáls og utanáliggjandi í mínu edrú lífi.

Skammturinn þetta kvöldið hefur samkvæmt innihaldi pokans verið:

8. bjórdósir (stórar)

2 rauðvínsflöskur

Og auðvitað eitthvað af pillum fyrir svefninn. 

Og ég er á lífi.

Ég er farin að hallast að því að ég sé heppin kona.

Æmsóberandhappý.

Ójá

Athugasemdir

[Anna Ólafsdóttir (anno) (IP-tala skráð) 6.9.2007 kl. 22:57]

sóberandhappýandwonderfulperson - smjúts

[Jenný Anna Baldursdóttir, 6.9.2007 kl. 23:01]

Takk Anna mín, you´re not so bad your self

[Bjarndís Helena Mitchell, 6.9.2007 kl. 23:06]

Það er gott að vera soberandhappyperson...segi það bara með þér.

[Þröstur Unnar, 6.9.2007 kl. 23:10]

prufaðu að blanda við þessa lykt, rakspíra, ilvatns og svitalykt.

Það er lyktin á veitingahúsunum í dag. Held ég hafi ekki lyst.

Úps mikið af yppsilonum........

[Jenný Anna Baldursdóttir, 6.9.2007 kl. 23:13]

Oj Þröstur, þetta var alveg NÓGU slæmt.

[Guðríður Hrefna Haraldsdóttir, 6.9.2007 kl. 23:27]

Kommenta hér með á allar færslur dagsins hjá þér sem ég var að lesa núna fyrst. Vinna, gestir og vinna hafa tafið mig frá þér og öllum hinum, elskið mitt. Verð óhemjudugleg að lesa og kommenta alla helgina hjá öllum! Góða nótt, beibí!

[Guðrún B. (IP-tala skráð) 7.9.2007 kl. 00:17]

Uss nú þarf ég að fá mér rauðvín.

Nei grín,  gott hjá þér Jenný mín, þú stendur þig vel.  happy sobering .  

[Jenný Anna Baldursdóttir, 7.9.2007 kl. 00:27]

Guðrún, ég má fíflast með edrúmennskuna, enginn annarskammastínaddna.

[Brynja Hjaltadóttir, 7.9.2007 kl. 00:27]

Í guðanna bænum komdu útúr skápnum

[Jenný Anna Baldursdóttir, 7.9.2007 kl. 00:28]

Er komin, heilu og höldnu Brynja mín en vó hvað ég lykta

[Jóna Á. Gísladóttir, 7.9.2007 kl. 00:29]

[Kjartan Pálmarsson, 7.9.2007 kl. 00:30]

Þú ert sannarlega heppin kona  Til hamingju með það

[Ásthildur Cesil Þórðardóttir, 7.9.2007 kl. 00:33]

Jamm ég vissi að álfurinn myndi koma sér vel í dag elskuleg

[Jenný Anna Baldursdóttir, 7.9.2007 kl. 00:41]

Jabb, Ásthildur, álfurinn reddar þessu.

Takk Kjartan og Jóna einn flautandi farin til þín.

[Karl Tómasson, 7.9.2007 kl. 01:13]

Móðir, kona, Amma, systir, feministi sem stendur sig vel. Til hamingju með það mín kæra.

Vi-græn það er aukaatriði en samt.

Bestu kveðjur frá Kalla Tomm úr Mosó.

[Sunna Dóra Möller, 7.9.2007 kl. 07:56]

 ...þetta er stuðningsbros og ...þetta er bros fyrir baráttuandann sem að þú hefur til að sigra vínandann.......og þetta er góðan daginn brosið!!

[Hrönn Sigurðardóttir, 7.9.2007 kl. 08:13]

[Blómið, 7.9.2007 kl. 08:29]

Já þú ert lánsöm að losna út úr þessum ósköpum   Til hamingju með það og gangi þér vel

[Guðrún B. (IP-tala skráð) 7.9.2007 kl. 08:33]

skaammmast mín óggisslega Jenfó. 

[Jenný Anna Baldursdóttir, 7.9.2007 kl. 08:55]

Guðrún mín, ég elska þig óggisslega og hér er ALDREI bannað að fíflast

[Fanney Björg Karlsdóttir, 7.9.2007 kl. 09:26]

  gangi þér vel sóberandhappý...... þú ert flott fyrirmynd fyrir svo marga marga......

[Jenný Anna Baldursdóttir, 7.9.2007 kl. 09:27]

Takk þið öll elskurnar.  Það gefur mér mikið að fá jákvæð viðbrögð úr baráttunni (gleðikall).

[Hildigunnur Rúnarsdóttir, 7.9.2007 kl. 09:32]

þú ert ekki smá dugleg :)

[Katrín Snæhólm Baldursdóttir, 7.9.2007 kl. 09:34]

Næsta verkefni er að opna alla skápa og skúffur Jennsla mín og sortera allt gamalt í burtu og gefa eða henda eftir þörfum því sem á ekki lengur heima hjá þér. Þá losnar þú væntanlega við alla svona laumugesti á einu bretti og býrð til pláss fyrir allt það góða sem streymir nú í líf þitt í gegnum edrúmennskuna. Hugsaðu þér að opna skápa og finna bara yndilsegar bækur, svarta kjóla og milljón pör af skóm. Dót barnabarnanna og fartölvur troðfullar af moggabloggi??? Ég meinaða.. Knús!

[halkatla, 7.9.2007 kl. 09:37]

þú ert bara rosalega sterk og dugleg

I´m a fan

[Ásgerður , 7.9.2007 kl. 09:46]

Þú ert alveg frábær, óska þér áframhaldandi happýsóberframtíðar

[Birgitta Jónsdóttir, 7.9.2007 kl. 09:54]

Hetjuprik fyrir hinn vægðarlausa heiðarleika og svarthúmorsblönduna :)

[Kristín Katla Árnadóttir, 7.9.2007 kl. 10:03]

Elsku Jenný mín þú varst dugleg  og sterk. Mér þykir væntu þig.

[Guðni Már Henningsson, 7.9.2007 kl. 10:09]

Frábært að heyra þetta....gangi þér allt í haginn...

[Jenný Anna Baldursdóttir, 7.9.2007 kl. 10:16]

Takk kærlega enn og aftur.

[Laufey Ólafsdóttir, 7.9.2007 kl. 12:04]

Heppin heppin heppin Jenný mín! Gleymdu samt ekki hvað við hin erum heppin að hafa þig allsgáða
 

[Jenný Anna Baldursdóttir, 7.9.2007 kl. 12:15]

Laufey, hahahaha, ef ég hefði verið menice to sociaty undir áhrifum hefði þetta geta mistúlkast.  Muhahahaha

[Ásdís Sigurðardóttir, 7.9.2007 kl. 12:17]

Innilega til lukku með þessa frábærlegaskemmtileguogskynsömu ákvörðun þegar þú ákvaðst að hætta að drekka.

[Laufey Ólafsdóttir, 7.9.2007 kl. 18:43]

Haha Jenný! Meinti það ekki þannig! ...í alvöru sko!

[arg, 7.9.2007 kl. 18:51]

.