BLOGGNEFNDIN AFHJÚPUÐ

Bloggarafegurðarsamkeppni Mannlífs hefur farið fram.  Ekki einn kjaftur af Moggabloggi nær á bestalistann.  En nánast allir VONDU bloggararnir (ef ekki bara allir, eru héðan).  Hver á aftur Mannlíf? Æi það skiptir ekki máli. 

Álitsgjafar Mannlífs voru: Andrés Jónsson framkvæmdastjóri, Jakob Bjarnar Grétarsson blaðamaður, Júlía Margrét Alexandersdóttir blaðamaður, Þórunn Hrefna Sigurjónsdóttir rithöfundur, Bolli Thoroddsen verkfræðinemi, Guðfríður Lilja Grétarsdóttir forseti Skáksamb. Ísl., Helga Vala Helgadóttir lögfræðinemi.

Ég skúbbaði þessu frá henni Gurrí vinkonu minni (www.gurrihar.blog.is), af því mig langar að dreifa fagnaðarefninu víðar.

A.m.k. tveir álitsgjafar eru Moggabloggarar. Hm..

Hverjum dettur í hug að setja hana Katrínu Önnu og Sóleyju Tómasar á vondubloggalistann?  Er þá verið að dæma efnistökin eða hvað?  Konurnar eru afskaplega vel ritfærar báðar tvær.

Annars er þessi mergjaði listi inni hjá Gurrí börnin góð.  Þið kíkið þangað.

Ég elska lista.

Töffgæsdóntkræ.

Úje

 

Athugasemdir

[Ásthildur Cesil Þórðardóttir, 6.9.2007 kl. 11:36]

Jamm var einmitt að lesa færsluna hennar.

[Bjarndís Helena Mitchell, 6.9.2007 kl. 11:40]

Já, fróðlegt fyrir nýliða eins og mig. Hef ekki myndað mér skoðun og kýs því að halda mér utan við umræðuna...en takk fyrir mig

[Jenný Anna Baldursdóttir, 6.9.2007 kl. 11:46]

Ég er svo sem ekki að efna til neinnar umræðu.  Finnast svona listar alltaf hæpnir, þe hversu markverðir þeir geta talist.  Þetta er eiginlega meira grín.

[Guðrún B. (IP-tala skráð) 6.9.2007 kl. 12:10]

Mér finnst það geðveikt fyndið að Mengella sé titluð besti bloggarinn. Hvað með alla þá sem hafa eitthvað að segja ??

Nei ég segi bara svona ... DARAREIIIII

[Hrönn Sigurðardóttir, 6.9.2007 kl. 12:53]

Eftir hverju fer valið........?

[Jenný Anna Baldursdóttir, 6.9.2007 kl. 12:54]

Smekk nefndarinnar væntalega Hrönn mín góð.

[Hildigunnur Rúnarsdóttir, 6.9.2007 kl. 12:58]

Guðrún B, Mengella er snilld. Stingur á öllum kýlum, maður orgar iðulega af hlátri yfir íróníunni hjá honum. Og ótrúlega góður penni.

[Margrét Össurardóttir (IP-tala skráð) 6.9.2007 kl. 17:12]

Ekki skil ég svona listasamkomu, hver er vinsælastur o.s.frv. minnir á fegurðarsamkeppnir. Hver og einn er öðruvísi en hinn, skil ekki mælistikuna, sýnist vera farið eftir geðþóttaákvörðun viðkomandi nefndar.

[svala (IP-tala skráð) 6.9.2007 kl. 20:03]

Katrín Anna og Sóley hafa ekkert að gera á listanum yfir 10 verstu. Það loðir einhver gamaldags karlremba við þennan Mannlífs lista, þó að hann sé valinn bæði af konum og körlum. Til dæmis eru afar fáar konur á listanum yfir bestu bloggarana og engin ofarlega (Mengella er ekki kona).